تعالي اكتبي قصة عشتيها أو سمعتيها من اغرب ما يكون/ تعدى الحد المسموح له من االردود

تذكرت قصة واحد طبعا القصة قدييييمة لقى له ارض في جدة على البحر وبغى يشتريها ومعه قيمة تريلته توه بايعها ب ٢٧ألف وراح لصاحب الأرض وقاله بكم قال ب٢٧ قال شريت الرجال يقصد بالملايين وصاحبنا البدوي قصده بالآلاف المهم جاء رجال من التجار الحضر يسال عن هذي الأرض قال صاحبها دوبي بعتها على هذا الرجال قام التاجر الحضري قال للي اشترى اشتريها منك بثلاثين وتمت المبايعة الأولى والثانية بنفس الوقت سبحان الله استوعب صاحبنا أنهم يتكلموا بالملايين وكسب من هذي البيعة ٣ ملايين مع أن ماكان معه إلا ٢٧ ألف قيمة تريلته

وانا سمعت قصه تشبها على انه وحده دخلت مصلى فاضي مافيه احد تصلي وزوجها راح مسجد الرجال المهم دخل وراها واحد لابس عبايه واغتصبها وماقدرت تقول لزوجها من الخوف عاذ انا لما سمعت هالقصه انا وخواتي صرنا نخااااف ندخل مسجد نسائي معزول في غير وقت الصلاه اختي تقول انها راحت عليها صلاة المغرب عشان زوجها وقف عند مسجد معزول وقالت له انتظرك بالسياره ولا ادخل داخل يصير فيني شي , وانا مره وانا في السوق مع ابن اختي الصغير وقفني شاب وقالي لوسمحتي ممكن تدخلين مصلى النساء وتشوفين الوالده لان صلاة العشاء خلصت من زمان ولسا ماطلعت طبعا انا خفت وقل له يمكن تصلي لان كان المصلى فاااااااااضي والوقت متخر واصر علي الا والا ادخل المهم انحرجت ودخلت من عند الباب وناديتها ام فلان بعد ماقالي اسمها والله ماكان فيه احد كان جدا فاضي وعاد انا خفت وشلت ابن اختي من الخوف وركضت الا وهو مستني وقلت له مافي احد وقالي لااا مستحيل انا متاكد انها داخل ادخلي وتاكدي الله يخليكي وكان شكله مو طبيعي عاد انا طنشته وشردت يابنات انتبهو تدخلون مصلى فاضي والله الزمن مخيف ماله امان :(

انا صارت لي قصه جدا جدا مخيفه ولو ربنا ماستر كنت باكون من عداد المقتولات والمغتصبات الحمدلله يارب كل ماذكرها والله يهز بدني ويقشعر وامووووت خوف
المهم انا كنت ادرس باليمن طب وكنت غيبه وعلى نياتي كنت سنه اولى وكنت متحمسه اشوف جثث المهم رحت المشرحه وشفت المسؤول عليها وهو ناداني وقالي انت طالبة طب سنه كم قلت له اولى وقالي انا اسمي فلان , تبين تشوفين جثه قلت له بكل حماس ايوه ,,,,وطبعا المشرحه دايما مليانه طلبه ومن كثرهم ناس واقفين على كراسي عشان يشوفون فطبعا مستحيل احد يقولي تفضلي وانا لسا سنفوره فقال لي مشرف المشرحه طيب انتي من وين وقلت له انا يمنيه وسالني عن اهلي وبكل غباء حكيت له قصة حياتي اهلي مغتربين بالسعوديه وابوي عنده محلات وقالي طيب انا بخليكي تشوفين جثث بس مو الحين مثل مانتي شايفه زحمه قلت له متى ؟ قال لي بعد الساعه 5 مساء بعد انتهاء الدوام وطبعا الساعه 5 مايكون في طلبه والجامعه جدا كبيره وبعدين قلت له طيب خلاص بجيك بكره وقعد يتكلم كثيييير ولا سكت ويابنات والله العظيم لو اقولكم على اسلوب عنده اسلوبه جدا سحري وعجيب يخليكي غصب تنجرين معاه بالكلام عنده اسلوب عجيب المهم رجعت للسكن الجامعي الي كنت ساكنه فيه وقلت لوحده من صديقاتي تعالي معاي بكره ابي اروح اشوف جثه وقالت لي متى قلت لها الساعه 5 عاد قالت انت مجنونه احد يروح بعد الساعه 5 مافي دوام المشرحه بتكون سكرت قلت لها لاااا مشرف المشرحه قال انه بينتظرني عشان يرويني الجثث المهم هي كانت عاقله واكبر مني الله يجزاها خير لولا الله ثم هالبنت كنت في خبر كان المهم عصبت علي وقالت لي اقعدي بس بلاكلام فاضي هي كانت مثل اختي الكبيره وبعدها بكم اسبوع اسمع بالاخبار وبالجرايد انه فلان الفلاني نغس اسم مشرف المشرحه قد تم القبض عليه بقضية قنل واغتصاب طالبات كلية الطب حسبي الله عليه وهو كان اصله افريقي المهم عاد انا وقف شعر جسمي ولما جيت اقرا الخبر لقيت انه كان يواعد البنات الي مثلي مغتربات لحالهم واهاليهم بعيد عشان لا احد يحس بغيابهم بنفس اليوم على مايخبي فعلته الشنيعه وحده منهم كانت بنت مسكينه جايه من قريتها تدرس وكانت ساكنه بسكن طالبات الجامعه مثل حالتي وكانت جدا مجتهده وملتزمه تركت اهلها عشان الدراسه وحاربت اهلي قريتهم وتخلفهم عشان تدرس وابوها وثق فيها وكانت محل الثقه بس مسكينه كان مقدر وكتوب كان عندها امتحان وظلت بالمشرحه تدرس لوقت طويل وجى الحقير وحبسها داخل المشرحه واغتصبها وقتلها وحلل جثتها بالاسيد واخذ عظامها ودفن باقي جثتها بالارض ووحد عراقيه نفس الشي اهلها بالعراق راحت له عشان تاخذ عظام عشان توديهم البيت تذاكر عليهم واحنا دايما نسوي كذا عشان ننجح المهم الحقير حبسها وضربها بعنف وهو قال كانت اكثر بنت قاومتني وضرب راسها بالارض لما انكسر واغتصبها وسوى نفس الشي وكان يبيع عظام البنات للمشرحه عشان الطلبه يتعلمون والي فضح هالحقير ان ام البنت جت بنفسها لليمن تدور ع بنتها لما شافت ان مالها حس وكانت تقول للجامعه بنتي صار لها شي والاداره يقولون اكيد بنتك هربت مع واحد ماندري عنها ,,, وابو البنت الملتزمه الي من القريه كان مرابط عند الجامعه وهو كبير بالسن ياحياتي ويبكي ويقول بنتي هنا انا حاس انها هنا رجعو لي بنتي والجامعه يقولون له روح دور بنتك وين يعني كانو الناس يتكلمون عن اعراض البنات الي اختفو على اساس انهم مو كويسين وبعد فتره الام العراقيه ماشالله عليها كشفت هالحقير لما زميل لبنتها قالها ترى اخر مره شفت بنتك قالت لي انا بروح اقابل مشرف المشرحه عشان يعطيني عظام ادرس عليها وطبعا طلب مني فلوس مدري كم دولار وبعدها بنتك اختفت والحقير انفضح وقامت القيامه هذيك الايام في اليمن واعدموه قدام كل الناس وطلع انه قاتل مايقارب 12 الى 14 بنت مساااااااااااكين وكل ما اتذكر انه نهايتي كانت ممكن تكون مثل هذول البنات ابكي واشكر ربنا انه نجاني والحين انا اكتب القصه والدموع بعيوني من الخوف مع ان القصه صار لها 10 سنوات تقريبا :(

هذي القصه صارت لي انا شخصيا بوقتها كنت صغيره ممكن تسع سنوات اتذكر وقتها ابويا بس يخاصم امي ويعتدي عليها بالضرب وامي ولاحول ولاقوه لها وع هذا الحال كل يوم صار مايطيقها مره ونفس الييء مايحب اختي الصغيره يعني بإختصار بيتنا كله مشاكل ومره من الايام كنا نلعب انا وخواتي بالغرفه هذي الغرفه تطل ع شارع المهم حسيت فيه حاجه بين الجدر والمكيف تعرفون زمان كيف البيوت الشعبيه يعني اي شيء تحطيه بالمكيف من برا يبان تشوفيه من جوا ووقتها ع مأعتقد كان برد ومطر وهواء اكيد سبحان الله عشان كذا شفت زي الحاجه المخبيه واجري ع طول اخبر امي واقول لها السالفه جات وتاكدت واستنت ابةيا لين جاء وحقت له وراح واخذ سيم ملابس وطلعه وربي يابنات ماتتخيلوا تخيلوا ايش كان فيه...


حصلنا سروال داخلي لاختي الصغيره ملفوف وفيه عقد وداخله شفرة حلاقه وشعر وربي كان موقف يخوف واخذ ابوي وقال بسم الله وقرا ايات وجلس يفكه وغسل السروال ورماه ع مأعتقد انه كان سحر حسلي الله وكفى ومن يومها مأذكر ابويا مد يده ع امي الحمدلله وربي ماكذبت عليكم

تصدقين سمعت فيها هالحكايه قبل سنين انتشرت فالجرايد باسم سفاح اليمن
وهذي قصاصه عن موضوعه وعلى فكره يقولون صارت تطورات جديده الممهم انهم الحين نبشو بالقضيه الي لها 12 سنه!!

صنعاء: حسين الجرباني
قضت محكمة ابتدائية في العاصمة اليمنية امس بالاعدام حداً بالسيف او رمياً بالرصاص بحق السوداني محمد آدم عمر الفني بمشرحة كلية الطب بجامعة صنعاء لاقترافه جريمة خطف واغتصاب وقتل طالبتين عراقية وأخرى يمنية كانتا تدرسان في هذه الكلية، مسدلة الستار على الفصل الاول من هذه القضية التي شغلت الرأي العام اليمني والعربي لأكثر من ستة اشهر والتي اشتهرت باسم قضية سفاح صنعاء. وطالبت المحكمة ادارة جامعة صنعاء بدفع عشرة ملايين ريال يمني (31250 دولاراً) لأسرتي القتيلتين مناصفة بينهما تعويضاً للأضرار التي لحقت بهما ومقابلة النفقات القضائية، مع إلزام الجامعة باطلاق اسم الضحيتين على قاعتين من قاعات كلية الطب وتحديداً القاعتين المجاورتين لمبنى مشرحة الكلية. وقال رئيس محكمة بني الحارث الابتدائية القاضي يحيى عبد الله الاسلمي الذي تولى هذه القضية منذ منتصف مايو (ايار) الماضي انه ثبت لدى المحكمة ان محمد آدم عمر (52 عاما) قتل الطالبة اليمنية حسن احمد عطية في يوم اختفائها في 19 ابريل (نيسان) من العام الماضي والطالبة العراقية زينب سعود عزيز في اليوم الذي اختفت فيه في 13 ديسمبر (كانون الأول) من العام 1999.
وقضى الحكم المذكور الذي تلاه القاضي الاسلمي ظهر امس بقاعة محكمة الاستئناف بصنعاء بتنفيذ عقوبة الاعدام في ساحة كلية الطب بجامعة صنعاء وبجوار مبنى المشرحة. وأوقعت ذات المحكمة عقوبة أخرى ضد محمد آدم بالجلد 80 جلدة لثبوت تعاطيه شرب الخمر المحرمة دينياً.

ورفضت هذه المحكمة الدفوع التي تقدمت بها جامعة صنعاء في الدعوى المدنية الموجهة اليها من قبل اسرتي الضحيتين. وألزمت رئيس هذه الجامعة الدكتور عبد العزيز المقالح بتسليم عشرة ملايين ريال يمني لأسرتي زينب سعود عزيز وحسن احمد عطية مناصفة تعويضاً لهما عن الاضرار والنفقات القضائية والمتابعة التي انفقت من قبل الأسرتين بسبب هذه الجريمة. وأشارت الى ان على الجامعة وكلية الطب اطلاق اسمي الضحيتين على قاعتين من قاعات الكلية وتحديداً القاعتين المجاورتين لمبنى مشرحة الكلية


الحمدلله الي نجاك