السلام عليكم ورحمة الله وبركاته



أكيد معظم البنات بتشتري الباتون ساليه جاهز
طيب جربي وصفتي النهارده وانا متأكده انك مش هاتشتريه تاني
بجد باتون ساليه هش ومقرمش ولذيذ
وله طعم احسن م المخابز بل بالعكس
اتحدي بيه افخم المخابز
المقادير:
3 كوب دقيق
3/4 1 اصبع زبده = 180 جم
1 عدد بيض
م ك سكر
م ص ملح
م ص كمون مطحون
م ك خميرة فوريه
كوب ماء
للوجه:
بيضه
قليل من الحليب
( كمون صحيح + حبة البركه + سمسم)
الطريقه:
نخفق الزبدة مع معلقة السكر حتي تصبح كريمي
ثم تضاف البيضه ونخفق ثم يضاف الدقيق والخميرة ونخفق حتي تصبح مثل حبات الرمل
ويتخللها الزبده

ثم نضيف الملح والكمون المطحون والماء ونعجن
مبدئياً حطي 3/4 كوب ماء واعجني
وان احتاج زيدي 1/4 كوب ماء واعجني
يعني حسب نوعية الدقيق
واتركيها تختمر وترتاح
ثم افرديها قليلاً وقطعي منها كما هو واضح بالصور

وابرميها بشكل رفيع جداً
لان الباتون ساليه عكس البقسماط بيكون ارفع
وضعيه في صينيه مستطيله قصيرة الحافه
وقصي الاطراف بالسكين علشان تكون مستوية الشكل
بهذا الشكل
ثم قصيها من الوسط علشان حجمها يكون وسط مش طويل
الحجم دا كويس ومش هاتتكسر منك

ثم يدهن الوجه بالبيضه المخفوقه بالحليب
ويرش بالكمون الصحيح او السمسم او حبة البركه او جبنه رومي مبشورة او ساده
لكي حرية الاختيار
ونتركه يرتاح 1/4 ساعه بعد التشكيل

ثم يخبز علي درجة حرارة 180
بياخد حوالي 10:8 دقائق

وتذوقي احلي باتون ساليه من شغل ايدك
بجد
جنااااااااااان
والصور تتحدث عن نفسها
هنا ساده

وهنا بالسمسم شكله حلو وحجمه كده تمام

وهنا بالكمون رووووعه

للموضوع بقيه
ارجو عدم الرد حتي اكتمال الموضوع











