شاركي في النقاش

سجلي الدخول لإضافة تعليق.

التعليقات

1,554
  1. @romntk_1

    يسعد صباحكم
    ادمنت وهنا واليس وبتو وكل الحلوات
    كيفكم ..
    انا حابه آخد رأيكم طبعا محد يعرف قصتي
    انا تزوجت من غير اهله وزوجته يعرفو وانا حامل
    رتب الموضوع وعلم زوجته واهله والحمدلله الامور
    مشيت تمام والحين انا مخلصه الاربعين
    واهل زوجي بيجو عندنا الاسبوع الجاي
    واول مره يشوفني فمحتاره في لبسي وفكرت انا وزوجي
    نسوي حفله بسيطه مع العشا بس موعارفه وش اسوي
    قلت بصلح بلونات وشكولاته مكتوب عليها اسم ولدي
    وفكرت اسوي طاوله استقبال بس ماعرف محتاجه رأيكم وافكاركم معاب
    ماعندي خوات غيركم لاتخلوني وحدي من جد موعارفه وش اسوي
  2. @btoo

    مرحبااا صبايااا ..كيفكم ان شاء الله اموركم أوك ....
    هناااا وحشتيني بلييز لما تجي بالسلامه مامتك لا تقااااطعينا : ((

    وكلامك عن هروب الزوج من فراش زوجته فعلا صحيح ..وفيه سبب تاني غير الوسع ..

    ممكن تكون غير متجدده وبارده ومابتعرف تمتعه سواء بالكلام أو الحركات ..الفراش جدا مهم عند الزوج

    وأغلب الرجال يتزوج ع زوجته بسبب هالشي ..زوجي يحكي لي عن واحد لسه متزوج ع زوجته .. ولما سأله

    زوجي كيفه مع الثانيه رد عليه والله ماكنت عايش كنت في قبر وخرجت منه ..لان زوجته الاولى ماتعطيه حقه الشرعي

    لما يطلبه وتتعذر بالاولاد والتعب وكل يوم عذر جديد ..وومابتعرف الرومانسيه ع قولته لدرجه يحكي لزوجي ان لما

    يحكي لها كلام حلو ويكون مهيأ لها جو رومانسي وحركات فجأه تحمل ولدها وترضعه وهي ع السرير مع زوجها ..وهو

    يقول ع طول أتقرف منها وتنسد نفسي ..أنا اقول كذا من شان الواحده تنتبه لأن ممكن حركه بسيطه تخلي زوجها يبعد عن

    معاشرتها ..وهالكلام مو موجهه لwed ..أنا أتكلم بشكل عام ..

    رومنتك ألف مبروك ع البيبي ..يتربى في عزكم ان شاء الله ..بالنسبه للبس خليكي ناعمه وراقيه بنفس الوقت ..يعني يكون

    لبسك نااعم وشيك وساتر ..حتى يأخذوا فكره عنك كويسه ..مازاله أول مره تشوفوا بعض ..مثل بنطلون مع توب طويل ..

    او فستان ماكسي ..والميك أب نااعم ..وعدسات لون طبيعي ..يعني تكوني برينسس:wink:

    بالنسبه للاستقبال ..أنصحك تروحي لسنابل السلام وتشتري من تقديماتهم ..لانها حاجه تبيض الوجه من جد

    ومافهمت بالنسبه للعشاء يعني أنتي بتعملي حفله لأبنك أو هي عزومه لأهل زوجك ؟ وفيه شي ثاني أهل

    زوجك معاهم أطفال ؟ جاوبيني من شان أقدر أفيدك بأذن الله ..واي شي تبغينه أنا حاضره ..:heart:


    أدمنت حبك ..شوشو ..أليس ..أزايكم ياحلواااات :26:
  3. @romntk_1

    هلا وغلا بتووو
    كيفك ياقلبي ..

    فعلا فكرت بلبسي يكون ناعم وشيك ..
    وهي مثل ماتقولي عقيقه ولدي وجيتهم يعني مثل حفله وعشاء سوا << ياشيني لابغيت اشرح ههههههههههههه:icon20:
    وفيه اطفال اكيييد ..بس عددهم مو كثير يمكن سبعه
    وفكرت احط اناشيد للحفله عن الاطفال مثل السابع بس ماحصلت ياليت الي عندها تفيدني..
    وسنابل السلام اعتقد بجده بس انا بيت اهلي بمكه وبيتي بجده ..
    وبنفس الوقت اقول اهله ول مره يجو بيت اهلي واول مره اشوفهم ويشوفوني افكر اخليها زياره
    عاديه وعشا وخلاص وودي افرح بولدي معاهم ..:icon10:

    شورو عليّ يابنات والله محتاره وش اختار وش احسن ...
  4. @btoo

    دحين فهمت .. انا شايفه ماتغلبي حالك بحفله وبالونات واناشيد .. بما أنو أول مره تقابلي اهل زوجك خليه عشاء رسمي وبيكون بوفيه صغير وتحط معاه تورته صغيره من شان أبنك .. وخلاص .. الافضل تكوني جالسه مع اهل زوجك وتسولفي معاهم وتهتمي فيهم .. وتسيبي حفلة ابنك والبالونات والاناشيد مره ثانيه .. وحتى تكوني تعودتي على اهل زوجك وهم كمان تعودوا عليكي .. مو حلوه ع طول حفله وهيصه وانتم ماتعرفوا بعض بيكون الوضع محرج وثقيل عليكم.. وبعدين حفله للاطفال يبغالها سباق ماراثون ههههه من كثر الركض وراهم ههههه وبيتعفس شكل الواحده وبتتبهذل  من كثر ماهي تسكت هذا وتمسك الثاني لوووول وبيضيع البرستييج :/ 
    من شان كذا افضل حفلة للاطفال مع ناس قريبين مني ومتعودين علي .. سوري قرقر كثير :/
  5. @alys

    هنا

    ايوا هذا الي انا اقصده انه يهجرها نهائي حراااااااااااااام

    وش ذنبها طيب اكيد طبيعي بيكون عندها توسع مو هي بعد جابت له اولاد ليش مايقدر هالشيء؟؟

    وبالنسبه للعمليه مو الكل قادريسويها واصلا تكرار العمليه يأثر عالمنطقه وتتلف العضلات سوي بحث شوفي

    ولو ماحملت الوحده زعل طيب امانه الحرمه وش تسوي؟؟

    واذا السالفه سالفة شطارة الفراش بعد مو عذر انه يهجرها طيب كلوحده واسلوبها وقدراتها

    وادري مستحيل تقول له ليش ماتنام معها انا اتكلم عن فخرها واعتزازها بالشيء هذا

    تقولها بكل فخر انه صار لها وبس وفعلا قالت لي اشياء تثبت انه ماصاريجي الاولى هذا غير تعامله الي صار زي الزفت معاها

    وكله علشان يرضي الثانيه

    اكره هالنوعيه من الرجال

    والاصيل مهما كان مايسيء لإنسانه عاشت عمرها معه وصار بينهم ود وحب

    اوكي ربي شرعله يتزوج بس مو معناته ينكر لها

    لكن الواجب عليه انه يعدل بينهم ثنتينهم

    يكفي الايه الي تقول فإن خفتم الا تعدلو فواحده

    الله يعين على اشباه الرجال بس

    ************

    رومنتك

    لبسك خليه نفستان نعوم مع الميك اب ولما تسرحين شعرك بيطلع كل شيء تمام

    وسوي قاتوه بمناسبة العقيقه وسوي معها توزيعات للمولود تكون في سله ونوعين حلى سويها شغل بيت خليك سنعه هههههههههه

    وطبعا دام فيها عقيقه سوي معها بوفيه خفيف مقبلات وحلى عشا

    خليها خفيفه علشان ماترتبكين وتاخذين راحتك معاهم

    الله يوفقك ويؤلف بين قلوبكم ويحبونك وتحبينهم ياااااااااااااااااااااااااارب

    **********

    بتو

    الحمدلله انا منيحه الله يسعدك

    وباقي البنات

    يسعد مسائكم ياعسولات

تابعي تجارب أخرى من هذا القسم.