شاركي في النقاش

سجلي الدخول لإضافة تعليق.

التعليقات

425
  1. @tom_amp_gyry

    حياكم الله جميعا

    الاخت الي تسال عن مراكز حكوميه للتوحد عندنا في الرياض السنه هذي صار فيه الي هي تابعه لمركز التشخيص المبكر الي تبع وزاره التعليم وفيه ناس يمدحونه
    وفيه الي تبع الشؤون الاجتماعيه بالملز قريب يفتح

    اسالي يمكن نفس الشي عندكم
  2. @bakh_aatryh

    السلام عليكم
    اللهم لك الحمد من قبل ومن بعد
    اولا عندي ولد عمره ٥سنوات فيه توحد
    توووني اكتشتفته مع ان الاطباء شاكين بحالته وللحين ماتشخص
    وديته علي شيخ قالي التوحد اللي فيه بسبب عين
    فهل هذا الكلام صحيح
    وعطاني زيوت وشاي اعشاب وعسل
    وللحين ماشفت اي تحسن صارلي يومين اعطيه علاج الشيخ
    ومااقدر ادخله مركز لاننا بمنطقه بعيده
    وان شاالله علي السنه راح ادخله مركز بالدمام
    فحبيت اسألكم عن افضل المراكز بالدمام مايهمني السعر
    المهم عندي الفائده
    طبعا ولدي مثل باقي اطفال التوحد
    عدم الكلام الرفرفه باليدين يطلع حركات وتصرفات جديده يلم كل شي علي الارض مثل الاطفال الصغار
    وينسي بعد حركاته الخايسه مثل يرمي بنطلونه
    وبعد فتره يرجع للحركات المنسيه ويترك الحركات اللي متعود عليها
    اكله طبيعي الحمد لله
    باقي علي الحفاظ
    وجته فتره يعلمني انه موسخ فيها بعدين نسى هذه الحركه
    يجلس بالغرفه او المكان اللي احنا ( اهله ) فيه
    مايحب يجلس لوحده ابدا
    شاطر بالالحان يلحن بس لو تعطينه لحن صعب يردده وراك
    بس كلام لا
    بس يقول بابا من باب اللعب دون الادراك
    يحب يلعب معي يجيني ويضمني ويلمس علي شعري
    بس مايعرف يبوس ولايقول بااااي
    يلعب مع اخته ويستجيب لها
    ومرات يجر يدها علشان تلاعبه


    حاليا قاعده اتقبل مرضه بيني وبين نفسي
    والحمد لله راضيه بقضا الله وقدره
    صح مرات اعصب ابكي بس والله من حرقه قلبي عليه
  3. @moka_13

    محل بيت الغذاء الصحي يبيع كل شي يخص حمية اطفال التوحد
    هذه المحل في الطايف بس مدري اذا موجود في المناطق الاخرى

تابعي تجارب أخرى من هذا القسم.