الى كل موظفة ادخلي ضروري جدااااااا

بصراحه اللي يصير مع أختك غللللللط وهي واضح انها استوعبت غلطها مع زوجها لكنها بنفس الوقت عارفه انه بعد فوات الأوان وراح تصير مشاكل إذا اتخذت أي خطوة تكون بصالحها لكن هي تبلغه أنها اشتركت بجمع
بجمعيه لانها ناويه تشتري ارض أو أي شئ وطبعا هيا توفر من مصروفها وتعوده انه يصرف هو على البيت بصراحه مشكله حتى الحفايظ والحليب
أو تكتب لاستشاري اسري مشكلتها أو تروح لعياداتهم يمكن تلاقي إن شاء الله حل لمشكلتها وربي يعينها إن شاء الله

الله يهديها اختك غلطت غلطة العمررر


سلامات كل شي نص بنص ؟؟؟ ساكنه مع صديقها ولا زوجها هي؟؟

طيب هو يشيل نص تنظيف البيت يعني يوم عليها ويوم عليه؟؟ يشيل نص الطبخ؟؟ يشيل نص الحمل ولولاده؟؟

يهتم بالعيال يوم كامل وهي تطلع مع صديقاتها؟؟

بالعقل كل واحد وله مسؤليات


خليها تقوي قلبها وتوضح لها انها بتساعده بس الأجار والكهرباء عليه هو... وهي كافي عليها مصاريفها ومصاريف عيالها


ممكن تدخل بجمعية كبيره وتقوله انها ماتقدر تساعده في الأجار السنة هذي .. وشوي شوي تشيل يدها من الموضوع


أو تشتري ذهب بمبلغ كبير وتوضح له انها ماتقدر تساعده


وأهم شي تشوف تفكيره وكيف تقدر تقنعه بدون مايزعل ...والله يعينها

وضع اختك مو زين ابد زوجها طماع واستغلالي درجة اولى صراحة الزوج الي ياخذ من زوجته ويستغلها كثير مافيه خير ابد لو مثلا استلف منها ورجع حقها وزياده ممكن فرجة ضيقه او هي حبت تساعده بمبلغ وخلاص لااكن ذا مطولها جالس يشفط من هالراتب صراحة ما ينسكت عليه لازم توقفه عند حده انا سمعت شيخ يقول اي زوج ماله حق يتصرف بمال زوجته الا برضاها حتى لو الزوجه اكبر غنيه ماله حق بمالها سبحان الله القوامه عالرجال

لو مثلا زوج اختك يبي يبني بيت ومو قادر اوو بيشتري بيت مثلا صح تساعده بحالة اذا كان ما يقدر يلحق بعدين يا يرجع لها فلوسها او تكتب البيت نصه بأسمها ضمان لحقها يختي الدنيا تبي والاخره تبي والرجال مالهم امان ابد

الحل هي تقوي نفسها بنفسها وتاقف بوجهه لا تسكت عالوضع ابد ابد وتمنع عنه المساعده هو الي يصرف الله لا يهينه لازم تحل امورها معه

ولا تجيه بالحيله تقول ابوي عليه دين كبير مره وانا الي بسدده وبساعده ولا يدري وقتها تشوف معدنه الاصلي كيف يطلع اذا هو رجال فعلا بيقول فدى لابوك وحق تساعدينه اذا هو مو رجال ومعدنه فالصو على قولتهم بينهبل وبتنط عينه وقتها بيتعرفون ان وراه شي ويخطط لشي

لاززم تتصرف اختك صراحة زودها زوجها حتى الحفايظ نص بنص الله لا يخزينا بس

الله يكوون بعونها

اختي..
حلو منكم حرصكم عليها واللي تقول لك لا تتدخلوا وخلوها براحتها صدقيني بكرة لو صار لها مع زوجها ماتكره تجي تلومكم ليه مافهمتوني ووعيتوني ...
اسلوب دس النعامة لراسها ماينفع في المشاكل الزوجية لازم نلاقي حل ولازم كلا الطرفين يرتاحوا مع بعض
مو واحد مبسوط والثاني لا..
انا ما افهم بانماط الشخصيات كثير بس اعتقد زوج اختك نمطه غربي الافضل انها تقرا وتحدد شخصيته
وبناءا عليه تعرف تتعامل معاه.
ع العموم من واقع حياتي انا موظفة بس عودت زوجي راتبي مساند وليس اساسي مايعتمد عليه
والمال السايب يعلم السرقة مهما كان الرجل امين بس في ظل الحياة الان ممكن بشكل او باخر يعتمد على الحرمة ويجبرها تصرف معاه زي ماذكرت احدى الاخوات طبيعة الرجل تحب الانفاق على المراة
انا عودت زوجي راتبي للكماليات زي مكياج شنط غالية لبس بنتي الغالي سفر ومع هذا يشاركني بالسفر بالتذاكر وباقي راتبي على نفسي واهلي واستثمر منه
وهو عارف لبسي ومظهري مهم لانه بالاخير انه مرته و الاستثمار لنا الاثنين وكذا انا شاركته بس بالاول والاخير هو اللي ينفق علينا ..
وطبعا اذا احتاج باي وقت اكيد ما اقصر عليه .
زي ماذكرت احدى الاخوات تقول باشتري ارض مع اهلي او شي من هذا القبيل المهم من بدري تفهمه انه راح ارفع يدي من المصروف لاتعتمد علي لاني قررت استخدم راتبي كاستثمار لنا و تبدا تكرر هذا الموضوع وتقنعه فيه وانتبهي يقول لها تجاره او اشاركك خليها تستقل باستثمار مضمون ارض او بيت و بنفس الوقت بدون ماتواجهه بقصدها الحقيقي ..

اتمنى اكون افدتك والله يوفقكم لمساعدتها ولا تدخلي ابوك الان خليه اخر ورقة تستخدموها اذا ساءت الامور

موضوع جميل جداً
لان في كتير حريم ما يعرفوا حدود المشاركة في الحياة الزوجية