خطةلإنقاذ منزلك من الفوضى وتنظيم وقتك

15 يناير 2013

جزاكي الله عالنصحيه بس والله كرف في كرف انا ماشجع الشغاله ولا اشجع هالروتين لان اغلب مجتمعنا غير منضم ويسهر يعني بتنعزلين عن الناس او تقولين لهم تعالو بدري والساعه عشره او 12 اطلعو واذا مشيئتي عليه فتره مصيرك تملين وتحسين نفسك مكنه انا ودي اطرح مووضوع عن النضام اللي يحطونه البنات صح ماقصرو لكن الحياه ابسط من كذا روتين قاتل. انا عن نفس مالي روتين معين يكفي دوام وزوجي ومدارس الأولاد روتين وطبخ. ونفخ. واستغرب من اللي تغسل كل يوم الثياب صوت الغسلات مزعج وريحت الصوابي تكتم. واللي تغسل الصحون كل شوي. يعني كل شوي تلبسين الجونتي وتفسخينه ولا ماتلبسونه وتنعدم يدينكم من المويه والصابون. انا مااغسل كل يوم يومين بالأسبوع الجمعه والثلاثاء. وفي الليل. فقط ولا أغسل كل شوي الصحون جايبه صندوق ايكيا البلاستيك شفاف وعميق يلم كثير أحسن وارتب من الطشت واعبيه مويه وكلوركس وارمي فيه كل الصحون ونهايت اليوم اللبس الجونتي وشطف سريع حتا معوده عيالي يرمو في صح نهم بعد مايشيلو الأكل واهم المنضر العام يكون مرتب للمطبخ هو اللي يخليه سهل التنضيف. وفي افكار كثيره والله بس كتب من الجوال ومتعب. وباقي الغرف غرفت نومي انا ارتبها. وعيالي البنت سنه خامس هي تنصبها والصاله الولد. عليه ينضفها ويحرص علي نضافتها. ويهتمون باخوهم الصغير اربع سنين لان خارجه من ولاده وعنده طفله ثلاث شهور وسبق جبت شغاله ايام الحمل وانفسه ومشيتها. والحين تجي وحدده للكوي بس ثلاث مرات بالأسبوع في افكار كثيره والله بس هم شي اعتماد الاولاد علي نفسهم تعبت في البدايه. وطفشوني لكن الحين أحسن لان راتب الشغاله ناخذه انا وعيالي مصروفات شخصيه وتمشيات ههههه ومكفات لهم. وانا بطبع احب أغير واحد في بيتي واجيب الناقص اول باول والواحد مايضمن الشغالات مؤ بس عشان سحره لا يجئ يوم تروح وتخليك يعفن البيت. والأولاد يسيرو اتكاليين ومهملين دام في احد يشيل من ورآهم وبس وسلامتكم