خمول ونعاس عند رؤيه الناس

السلام عليكم ..

عمري 27..
في الزيارات وعند رؤيتي لاقاربي يآتيني خمول غريب ..نعاس ..رغبه في النوم ..ملل
احاول اكون مع الناس ..واتظاهر بالتفاعل والحيويه والنشاط .." بس مااقدر مهما سويت "

نشاطي لايعود الا عندما اعود الى البيت وكآني خلقت من جديد..


اشعر دائما آني مخفيه لا آحد يراني .. مهما فعلت وتكلمت
.. محد يسمعني او ينتبه لوجودي "ماعندي اسلوب حلو زيهم في الكلام "
انا مثقفه ..ومطلعه لكن ماالقى كلام او سواليف واحس اني ممله .. والله قبل اي زياره افكر بمواضيع افتحها .. والمشكله انهم موب ناس اغراب اقاربي وامون عليهم

حالتي غريبه ..
في ناس ؛تبارك الله "من تقعد تبربر من سالفه لسالفه ..ونشاط وحيويه ولهم فقده اذا غابوا .. كيف اصير زيهم ..
 
واحيانا فرق بالعمر يعني وحده عمرها 18 تسولف مع وحدها عمرها بالاربعينات وكانهم في نفس العمر!!

دايم يقولون وش فيك ذابله .. مانمتي زين .. تعبانه ..
غصب عني الحاله هذي تجيني عند الناس بس .. ودايم افكر مستحيل اتزوج وانا كذا ؟

وش نظرتكم للبنت اللي زيي ؟
مع اني قبل ماكنت كذا
..
وش الحل ..

24 تعليق 20,571 مشاهدة

شاركي في النقاش

سجلي الدخول لإضافة تعليق.

التعليقات

24
  1. ممكن يكون عندك رهاب اجتماعي
    طبعن يحتاج علاج

    وممكن فيك مرض روحي
    على العموم ... حاولي ترقين نفسك وحافظي على الاذكار

    انا احيان تحصل لي مثل حالتك انعس وانا اكلم وحده او ادخل بيت ناس معينه

    ممكن اكون .. ماني ماخذه وقت كافي من النوم

    في ناس ماشاء الله عليها اجتماعيه تتحاور مع اي طبقه حتى لو كان سنها اصغر

    هذه هبات من الله
  2. @aaskrym_2

    نفس مشكلتي يجيني نوووم ونعاس ومالي نفس بالكلام اذا قابلت الناس
    بس الصراحه قبل ماكنت كذا كنت اسولف واضحك وافرفش ومعروفه عند الكل بفرفشتي وسواليفي الحلوووه
    لكن اللحين لي امكن سنه اعوذبالله بس اقابل الناس احس بملل وماعاد احب اسولف بس اغصب نفسي
  3. @ashgan_11

    صاحبة الموضوع
    ماخده كفايتي من النوم .. واكلي كويس .. الحمدلله
    اول ما اوصل للبيت يرجع لي نشاطي .. فجآه ..
  4. @hbkh_bnt_brdkosh

    نفس حالتي والله اجبر نفسي بقووه اسمع واركز معهم حتى ملامحي مقدر اتحكم فيها من يشوفوني يفكرون اني ماأبغاهم او متضايقه منهم بس من يوم يدخل علينا احد خاصه من الاقارب نعااس وخموول وتشتت مدري كيف

تابعي تجارب أخرى من هذا القسم.