الله يبشركم بالخير يامعلمات الروضة والابتدائـــي.. خصوصا اللي تخصصها انجليزي تشرفني

السلام عليكم ورحمةة الله وبركاته
اللهم صل وسلم على نبينا محمد عليه الصلاة والسلام..

كيف حالكم

بدخل بالموضوع على طوول..

أبي أطلب منكم طلب..
أول شي انا من يوم تخرجت ليومكم ماقد توظفت ولا اي وظيفة ,, أقدم لكن مافيه رد والحمد لله على كل حال ..

طبعا حنا المسكينات اللي شهادتنا غيرتربوي مالنا وظايف الا ماشاء ربي ولا نعرف مصيرنا من جدارة حسبي الله ونعم الوكيل باللي حط الانظمة مع ان اللي تربويه واللي غيرتربوية كلهم درسوا وعانوا وتعبوا..

المهم أبي منكم يا المعلمات ترشدوني وتنصحوني.. لاني ناويه أشوف المدارس الاهلية اذا عندهم لي مكان شاغر (((( انا ادري ان حتى المدارس الاهليه صار مافيها مكان فاضي لنا ويتشرطون بس يالله الامل بالله انا بسعى وبشوف والله كريم


أبيكم ياالمعلمات تتحفوني بخبراتكم وباعكم بمجال التدريس بالتالي ,,عشان أكون مهيئة في حال طلبوني لمقابلة شخصية والقاء الدرس :
قبل كل شي بحكم تخصصي أكيد بمسك منهج اللغة الانجليزية..

** كيف اشرح للطالبات؟ (خصوصا اذا كانوا صغار روضة او ابتدائي) وكيف اتعامل معهم؟؟؟
**كيف أحضر الدرس من الى.. وكيف اشرحه بالحصة للطالبات؟ وايش احتاج؟ ووش اللي واللي علي.؟.؟؟
عموما ابي اي شي يفيدني بالتدريس كوني غيرتربوية ولا قد طبقت ابدا
\
بس هذا كل شي..
أرفعوا الموضوع بدعوة صادقة من قلوبكم
والله يوفق من دلتني وارشدتني يارب ويفرحها بخبار سار يجعلها تسجد لله باكية