المقادير (لصينيه كبيرة ) (أما لوكنتي تبين صينيه صغيره فخلي الكمية بالنص لكل شي اوووكي )
علبة لبنة
3 علب روب مرموم او المراعي
بصلة صغيرة مفرومه أو بصل أخضر مفروم
فص ثوم مفرم
2 خيار مبشور بالمبشرة
2جزر مبشور
2طماطم صغيرة مقطعه
2فلفل بارد مقطع صغير
3باذنجان متوسط الحجم ومقطع شرائح طوليه ومقلي وموضوع على ورق لامتصاص الزيت
زعتر الناعم والمجفف (او نوع واحد بس) فلفل اسود ورشة ملح
عصير ليمونه كبيره وملعقة خل
3ملاعق طحينة - خبز مقطع ومقلي (وطريقتي بتقطيع الخبز أقطعه بالمقص على شكل طولي )
وسماق للتزيين
(لا تخافون ما يغركم من كثرة المقادير تراها وايد سهله )
الطريقة :
1- ييبي طاسه وحطي فيها اللبنه والروب والبصل والثوم واخلطيهم وحطي عليهم زعتر وفلفل اسود وملح شويه والخيار المبشور والجزر والطماط والفلفل البارد والطحينة وعصير الليمون والخل وقلبيهم
كلللهم زين ما زين
2 - هاتي بايركس وحطي طبقه من الباذنجان المقلي وبعدين صبي عليها شوي من الخلطة وبعدين رصي طبقه ثانية من الباذنجان وبعدين صبي الخلطه كلها وزينيه بالخبز المقلي وبخطوط متقاطعه من السماق والزعتر وحطيه في الثلاجه لين التقديم.
وصحتييين وعااااافيه
