تصميم لمطبخي يوجد صوره

19 يناير 2013

صاد سين

لو تحبين المون تقدرين تختااارين جميع الاوان والفسفوريااات ولو انك انسانه تحبين الالوان الرسميه ممكن لون لولوئ مع مثلج ، او رمادي ولولوئ ، او اسود واي لون كيشانك مشاء الله حلو يعطيكي خيارات كثيرررره في اختيار الالوان ،، لو تجي عند التصميم…

1- المستودع
إن كان موقع المطبخ بزاوية من البيت ؛ افتحي للمستودع مع جدار ثاني عشان ماتخسرين الشباك !

أما إذا كان بالوسط فأشور عليك تخلين الباب بالزاوية اللي يسار الشباك عشان تكون الابواب على جهة واحدة (الباب اللي يودي للصالة و باب المستودع)
و بكذا تقدرين تفصلين الدولاب متصل و مرتب على شكل حرف u

2- التصميم
صعبة نحدد لك تصميم معين تعتمدينه لأن كل وحده تختلف رغباتها عن الثانية
شوفي بالنت وش الجديد ( مثلا أرفف الزينه / دولاب مقسم الصياني / الارفف المتحركه للزاويه "ماجيك كورنر" / دولاب خاص بالمعلبات "ترولي" / دولاب خاص بالزبالة -الله يكرمك- .........)
و محلات المطابخ هم يسوون لك التصميم ببرامج خاصه و انتي تعدلين عليه زي ماتبين

هنا رسمت لك رسم مبسط وضحت فيه مكان باب المستودع المقترح و مثلث العمل (الثلاجة و الفرن والمغسلة)
إن شاء الله يساعدك لو شي بسيط

خمنت ان موقع تصريف الماء تحت الشباك << إن شاء الله يكون صح علي

3- بقية الأجهزة
الفريز : أنصحك تحطينه بالمستودع حتى لو كان صغييير عشان تستفيدين من كل شبر من المطبخ لتخزين المواعين و المواد الغذائية
و إذا أنتي مصرة تخلينه داخل المطبخ فأعتقد ان أنسب مكان له جنب الثلاجة

المايكرويف : أمره هين أما تخلينه في أي مكان من الطاولة أو يصممون له رف خاص به
" المهم يكون قريب من فيش الكهرب "

4- الطاوله
شكل المطبخ مو كبير مره فلاتصغرينه زيادة بطاولة الطعام
والحل
7
7

و أعتقد انه ممكن تفصيل الطاولة تتحرك لوحدها بدون الدواليب

5- اللون
الابيض جميييل لكن ماأدري هو عملي للمطابخ أو لا و ممكن تدمجين معه أي لون لان مطبخك يناسبه جميع الالوان
و هذي بعض النماذج