أحتاج لمشورة أخوات لي الشرف بالانضمام لهن.. أرجووووووووكم..

محتجة لمشورتكم فلا تردوني

يأخت صمت المشاعر......نصيحة لوجه الله......اعرف كم وحدة خطبت لاخوها ومدحت اخوها وبالنهاية زوجها تزوج عليها...؟؟؟؟نحن نعلم انه من حفر حفرة لاخيه وقع فيها.......
زوجة اخوك ماطلبت الطلاق الا لسبب ومااصرت عليه الا هي مجبرة والا مافيه ام بالدنيا تتخلى عن عيالهابسهولة اكيد فيه شئ جابرها تتخذ هالقرار........وهالشئ ماتعرفونه انتم مثلا مثلا يمكن سمعت عن علاقة زوجها بالبنت الي يبي يخطبها او او او اييييييي شئ كرهها فيه......
فياليت بدل ماتحرصين على زواجه تحرصين اكثر على اصلاح الامور بينه هو وزوجته ولم شمل الاطفال
ولك الاجر من الله
وان ابيت الا زواجه فمن الان نبارك لك زواج زوجك والدنيا دوارة وكما تدين تدان.......

شوفي حبيبتي من الافضل ان اخوك مايتزوج بل يراجع حساباته مع زوجته مهمه كان كان بينهم عيش وملح وماتدرين ايش الي دفعها على الامبلاه اكيد من زوجها هو الي دفعها لعدم الاهتمام فيه والدليل انه قاله والعيال كيف تخلينهم يعني ماقل انا راح اتزوج لعدم اهتمامك

هلا إختي سموحة ومشكورة على رأيج
وهذا بالفعل اللي حب أخوي يوصلها لأن ما لها دخل باللي صاير بينه وبين زوجته

هلا أختي وأحترم رايج
وبغيت أوضحلج بعض النقاط:
1) أنا مو متزوجة..
2) ما حرضت أخوي ولا شجعته على الزواج بالعكس القرار قراره وهو اللي مصر وشرح أكثرمن مرة ظروفه.. وأنا مثل غيري ما أبا غير إنه يحافظ على بيته ويحاول يكسب زوجته ويصارحها .. لكن زوجته الله يسامحها ما خلت حد ما غلطت في حقه حتى أمي وأبوي اللي في يوم ما ضايقوها بحرف أو كلمة .. وكلامها وتجريحها يكون على الملأ ومو محافظة على أسرار بيتها ..
والله لو بإيدي كان عودة المياه لمجاريها بالنسبة لي يوم السعد لكن حاولت كثير وما حصلت نتيجة