بنتحر الملابس مبقعه بالصابون بعد الغسيل ( غسالتي ميتاج)

اهلين بنات انا عندي مشكله متأزمه ممكن تقدرون تساعدوني ( انا جدا محبطه ) .
انا عندي غسالة ميتاج الي تفتح من فوق .. دايم تطلع الملابس الملونه مبقعه بالصابون ..
ابي اعلمكم طريقتي وشوفوا صح علي او انا غلطانه ..

اول شي اعبي الغساله مويه واحط صابون اريال على المويه واشغلها كم ثانيه وافتح الغطى واحط الملابس واخليها تشتغل
وبعدين لمن تكب المويه وترجع تمتلي بالمويه ارجع اوخر الملابس على جنب وهي في نفس حوض الغساله واحط اريال مره ثانيه .. ( يعني احط مرتين اريال ) واسكر الغطي وهي تغسل مرة ثانيه وتكب المويه .. ثالث مره تعبي المويه اكب مقدار غطى لانور على المويه في الحوض نفسه حق الغساله يعني موب نفس المكان حق اللانور واسكر الغطى وتشتغل ,, وطبعا اخر شي تطلع الملابس فيها بقع صابون ..

وين الغلط .. انا اغسل بي مويه عاديه ما عندي مويه حاره هل لازم انقع الصابون بمويه حاره اول عشان يذوب... ؟ او اغسل مره واحده بصابون وبعدين اخليها تشطف فقط بي مويه وبعدين لانور .. يعني ما احتاج اغسل الملابس مرتين بالصابون ؟؟

ساعدوني والله زوجي معصب مني من غسيلي ..

الابيض ما اشوفه يبقع او يمكن عشانه ابيض ما يبين خخخخخ والله حوسه ذا الغسيل

42 تعليق 47,070 مشاهدة

شاركي في النقاش

سجلي الدخول لإضافة تعليق.

التعليقات

42
  1. اتوقع المشكلة من الصابون الثاني
    لان طريقتك صح تخلينها تدور كم ثانية يمدي الصابون ذاب

    جربي اليوم سوي نفس طريقتك بدون المرة الثانية وشوفي تنظف او لا ويبقى صابون او لا
    وبشرينا
  2. @riyadh_desert_rose

    صاحبة الموضوع
    يعني احاول اغسل اليوم بي شطفه صابون اريال والشطفه الثانيه بس مويه والثالثه للانووور .. بس كذا ؟ بجرب اليوم وواشوف

    انا اول اغسل شطفتين بي اريال ( من زود النظافه ) :)

تابعي تجارب أخرى من هذا القسم.