××× الـــزوجــات الـثـانــيــات ××× حـيــاكــم الله

زهرة

ياحياتي والله لو انه ماخذ معها موقف حام كان سكتت وتأدبت

لأنو هي بس تتكلم لكن لو جا الجد ماراح تتطلق وبتجلس على عيالها بس هو بصراحه معطيها وجه على حساب حقوقك

اقسم بالله اني اموت قهر من الرجال الي مو قد التعدد ويروح يتزوج

خلاص خايف منها ويهمك ماتزعلها ليش تلعب في بنت الناس الثانيه وتتزوجها؟؟

اقسم بالله قهر

زهره حبيبتي آنَتٍي راضيه تعيشين كذأ إذا مالكم فتره وصائر كذأ بكرئ لأكبيروا عيالك وهم يشوفون سلبيتك أيش راح تقولين لهم مأراح تعلمينهم إلا شئ واحد الاستسلام والانهزاميه وهو لاتعود على الوضع بكرئ بيرميك والله والله والله لو زوجي يسوي هالحركه وأنا متأكده من حبه لي وكنت أنا مو بس أحبه إلا أعشقه بس استهان فيني مأاجلس عنده ذقيقه وححده أرجع لبيت أهلي ولا أجلس عند واحد بيذلني الحين ويمكن مثل ماضاع حقي يضيع حق عيالي بعد

سوري على الأخطاء اكتب من جؤال وتحمست بعد ههههههه

ياليت كان عندي عيال ماكان تجرء وسوى كذا

يابنات تكفون لاتزيدونها عليه والله واللي خلقني اني كل يوم اصحى واقول خلاص بطلبه يطلقني بس ارجع افكر وافكر واذا تطلقت وش اسوي وكيف اعيش

الحين صارلي اسبوعين ماشفته اوقات اقول اصبري مستحيل الحبيب اللي كان مايتحمل غيابك يوم واحد يتحمل اكثر
واوقات اقول اللي قدر على فراقي كل هالمده خلاص انشغل بغيري ونسيني

اوقات يكلمني والهم باين في صوته واسأله ويقول مافيني شي .... بس انا اعرفه واعرف انه عايش بهم منها

انا معاه ماعدت احس بالامان حتى لو ربي فرجها ورجع ... في اي لحظه بيهجرني عشانها وعشان عياله
وفي نفس الوقت ماعندي الجرءه اني اقول طلقني

انا كنت مطلقه انا عشت عمري كله احلم في هالزوج وعندي رعب وخوف من اني ارجع مطلقه تنتظر فارس الاحلام مطلقه تطالع اللي حولها كل وحده مع زوجها حتى لو مافيه سعاده بس الزواج والبيت ستر وراحه وحريه

تدرين وش يعني حريه

انك تنامين على سريرك تصحين وقت ماتحبين تاكلين اللي تحبين تقفلين بابك عليكي ماحد يغزو مملكتك الا باذنك

تدرون وش عكسها

انك تنامين بغرفه مع عيال اخوانك لا وعلى الارض

انك تتحملي الازعاج والصراخ ... انك تجلسي مع عيالهم اذا حبو يطلعو مشوار رومنسي ولا حبو يجلسو بغرفتهم لوحدهم

واذا حبيتي تطلعي ماتقدري تطلعي لوحدك لازم يروحو معاكي ولا تنتظرين يفضون ويطلعونك وفي السياره تجلسي ورى وتنتبهي للعيال زيك زي الشغاله

من كثر حبي له ماكنت اقدر ادعي عليه بس الحين ادعي وادعي ان الله ينتقم منه ولا يهنيه
انا كرامتي مجروحه انا اللي ماارضى احد يغلط عليه بكلمه حتى لو مزح انا انذل واتحمل هالوضع عشان اعيش

لكن ارجع واقول الله كريم يرحم ضعفي ويتمي وقادر انه يرفع شأني ويعزني

ياحياتي يازهره

والله ماقصدي ازودها عليك بس انقهرت علشانك

طيب خلاص دام كذا وماتقدرين تتطلقين اصبري ومابعد الضيق الا الفرج صدقيني

والدنيا ماتدوم لأحد يعني مصدقه انها بتظل طول عمرها كذا؟

لابد يجي يوم وتذوق هي الي ذقتيه

الرسول توعد المرأه الي تخرب على جارتها والرسول لاينطق عن الهوى وبتشوف جزائها في الدنيا قبل الاخره

الله يكون بعونك وعوني وعون كل مسلمه قولي امين