البنت بعد الزواج

هذا هآشتاق بتويتر بعنوان البنت بعد الزواج
جبتلكم بعض تعليقات المهشتقين الي مت عليهآ ضحك ابغى اوسع صدوركم
الموضوع للفرفشه..
اسيبكم مع الهاشتاقات ،



،،ً
#البنت_بعد_الزواج من بكره تروح لبيت أهلها وتسألهم متى بتحطون العشاء إن شاء الله ؟ وهي أمس معهم بس يعنني ما أعرف نظامكم ☺"

#البنت_بعد_الزواج الأغلب تقطع علاقتها مع جميع صديقاتها القديمات وتجلس وحيدة بالبيت .. والسبب مجهول ! 😕

#البنت_بعد_الزواج بالنسبة للعباة: اول سنتين كشخه ومزكرشة ونظيفة وبعدها تشوف نص جبهتها طالعه من نقابها ومن قدام نص العباة تطريش ممسح بمنديل

#البنت_بعد_الزواج تبدأ تشارك في شريط قناة بداية < زوجي امس اكل 13 ملعقه رز، واليوم 11 ملعقه بس!! تتوقعونه يخوني؟ ساعدوني ابي خلطه تكشفه لي

#البنت_بعد_الزواج بس تشتكي وتشتكي وتشتكي <مو عشان شي، بس خايفة لا يصكونها عين! خفي علينا انتي وزوجك فتى العشة، تحسسك محد تزوج بالعالم الا هي

#البنت_بعد_الزواج بعض البنات يدخلون في عملية تسمين قوية ، تحس أنهم يتعاطون كيماوي من سرعة الأنتفاخ

#البنت_بعد_الزواج تصير ابونا .. إذا حنا البنات الي ماتزوجنا بنطلع ومامعنا رجال بس فيه وحده متزوجه خلاص محرم لنا :)

#البنت_بعد_الزواج تموت في بيت اهلها وتستنى بس انها تروحله يرحم زمان اول يوم كانت تقول متى افتك من ذا البيت هففف واروح لبيت زوجي يدلعني

البنت_بعد_الزواج تحوم الكبد , يصير زوجها هو العالم والمفتي والكيميائي والفيزيائي والروائي وكل شي هو يعرفه واذا قلت شي قالت لا زوجي قال ..!

#البنت_بعد_الزواج يصير نظامها صباح الخير طول اليوم

#البنت_بعد_الزواج أول شئ تصبغ شعرها أصفر ‹☺› تسحب ع صديقاتها ‹☺› تنعزل عن المجتمع لإنها تخاف يصكونها عين على بشير الغنيم إللي عندها ‹☺›

#البنت_بعد_الزواج تصير صورتها بـ الواتس اب ( ورود حمرا ) .. والبرسونال ( الله لا يحرمني منك يا أغلى ناس ) .. > > وهو توه صافقها بالصينية 😁

#البنت_بعد_الزواج مسيفه رقم زوجها دنيتي حياتي حبي ، وبعد سنه ابونا ، ابوكرش ابوصلعه ابوفلان واحيان تخربها وتكتب شقاي ..! :(

البنت_بعد_الزواج تتهاوش مع زوجها وتروح بيت اهلها تكفخ اخوانها من النفسيه و اذا جاها ابو الشباب وقالها كلمتين خذت عبايتها وراحت معه الخبله

#البنت_بعد_الزواج اسلوب انك تنامين بلبس مرقع ولا عاد تنامين وانتي وصخه ولا شعرك مدهن ولا تمشين برجاء البيت وشوشتك طايره تنسينه ياروح امك

#البنت_بعد_الزواج اول شي تقول الزواج شين عشان مانفكر انها مبسوطه وكذا *تخاف من العين :( وثاني شي خلاص ماتسولف معك ماتعرفك ابد.

#البنت_بعد_الزواج تشمق فيك !! سلامات يختي ماكنا امس نرقص سوا عالكوشه 😂😂

#البنت_بعد_الزواج تصير بجمعات الاهل تقعد مع الحريم مع انها قبل شهر تقعد مع صديقاتها البنات

#البنت_بعد_الزواج اذا زارت أهلهاا تبدء تتحلطم ليش صحونكم كذا وشلون عايشين بهالنظام ورا هالكنب شكله كذا وهي مالها يومين عنهم :/



..ههههههههههه واقع نعيشه ولا اش رايكم ؟