السلام عليكم
والله ماعندي الا سلامتكن انا الليله متضايقه وودي اشكي على احد مايعرفني علشان مايجاملني
انا والله ام لاربع بنيات الله يصلحهن وبنات المسلمين وموظفه ولله الحمد السنه هذي زوجي
اخذلي شقه مستقله وهنا بدات مشكلتي
لاني ببساطه قررت استغني عن الشغاله لان وجودها ماله داعي ابد في شقه بس غرفتين وزوجي
كان مقتنع ويشوف كل شي زين والامور متسهله الى وقت قريب السبب ان اخته الكبيره زارتنا
وقامت تسولف وقالت لاخوها ليه ماتخليها تجيب شغاله كيف عايش كذا بس تسحب بناتك للحضانات
تجيب شغاله تقعد مع بناتها والا تترك الوظيفه طبعا انا قلت لها هذي امور خاصه مالك دخل
لكن المشكله زوجي قلب علي وصار يعاير لو يلاقي منديل طايح كبر الموضوع وصار يهاوش ويعايرني لاني ماجبت ولد وغثوني بس كل شوي يقولون توضي لفلانه جابت ولد وتعبان
ومن اجي من الدوام هلكانه يقول مافيه نوم يالله شوفي بيتك وبناتك وانا والله يابنات هلكت ولا ابي استسلم
لان وجود شغاله في البيت وزوجي دوامه استلامات يسلم اربعه ايام ويستلم يوم يعتبر مصيبه واثم ما ابي اتحمله
الزبده ... انا قايمه بالبيت راتبي كله لبيتي وبناتي ولا ابخل عليهم بشي بس موقف زوجي خلاني احلف ما عاد ادفع ريال
لانه مايستاهل الوضع بيننا متازم مايكلمني ولا اكلمه وانا يا بنات بموت قهر سنوات عمري تمشي وانا ماسويت شي لنفسي
لو كنتي مكاني وش بتسوين بأمانه
شاركي في النقاش
سجلي الدخول لإضافة تعليق.
التعليقات
68- الله يسخركم لبعض
بس نصيحه لوجه الله لاتخلين كل الصرف عليك لاتعودين زوجك على كذا
ما اقول لاتساعدين لا ساعدي با العكس احترم المراه الي تساعد زوجها
بس مو كل شي عليك خلي الاساسيات عليه الي هي الاجار والكهرب والمويه ومقاضي البيت
وانتي خلي عليك احتياجتكم من ملابس ومستلازمات لك وبناتك
واذا هو راتبه زين مايمنع يكون هو المسؤال عن كل شي لك وبناتك
يعني عوديه على شيل المسؤاليه لو ماكنتي موظفه من بيتكفلبكم
من نايحة تغيره عليك من بعد اخته
يمكن زوجك من قبل اخته شايف قصور منك
واخته قلبت المواجع
اجلسي معه جلسه رايقه وشوفي ايش ناقصه بظبط وقوليله اتمنى ما فيه احد يأثر عليك بكلامه ويتدخل في خصوصياتنا طالما انت راضي على وضعنا - الله يعينك
ررررررفع - لاحًول ولاقوة الابالله
وجهة نظرك صحيحه ميه الميه الشقه صغيره وشغاله مع اربع بنات صغار مصيبه فضلا عن ان الزوج يكون موجود احيان ....وبعدين الحياة تعاون والكمال لله ....واخته الله يهديها مالهادخل في خصوصيات الاخرين ...لايزم يكون بينك وبين زوجك حوار هادئ مهو جدل وتعصب قلي تعال نتناقش والي يقنع الثاني اهلا وسهلا وخوفيه من خطر الشغالات على البنات والحكايات كثيييييره .....شكله بس تعب بودي الحضانه ....والبيت جيبي شغاله بالساعات او خلي اولوياتك هو حتين يتاقلم على الوضع وخذيه بالين واوعديه بالافضل وهو مع الوقت بيتعود وبيشوف تعبك ويقدر .... اوخذي اجازة سنتين بدون مرتب وشوفي كيف بيكون وضعك اذاتمام خلاص ارتاحي وبلاوجع راس خاصه انك مااستفدتي من راتبك
وترى من حقك حتى لو انتي الموظفه الوحيده الي عندك ظروف انا اعرف معلمه تداوم بولدها وهي الوحيده في المدرسه تجيب ولدها ومافي حضانه بس يتساعدون المعلمات والمديره تقول لها مو من حقي امنعك ولا اجبرك تحطينه في خصانه بعيده عنك ووحده من قريباتي تداوم ببنتها الرضيعه في مدرسه مافيها حضانه نفس الشي ...
اما ماعندك ولد الحمدلله انك تحملين ماشاء الله وباذن الله ربي يرزقك بالولد الصالح وقللي زيارات لهم واذا زرتيهم قلي لهم بصوت مسموع ماشاء الله تبارك الله وهذي السنه وماعليك بعدها من تفكيرهم
اماراتبك اذا هو مقتدر وانتي اكثر صرف على البيت منه ولاتقدرين تهدين على كيفك او تحققين الشي الي تتمنينه لازم تشوفين حل بحكمه ودراسه للموضوع من كل جوانبه قبل ماتسوين اي شي ...واذا هو يصرف لكن راتبه مايكفي فانصحك تستمرين في الاحسان واحتسبي الاجرمن الله في النهايه هم عيالك وبيتك وزوجك
واستخيري كثير قبل ماتقدمين على اي قرار
الله يوفقك ويدلك على مافيه الخير - الله يصلح الحال
ليه زوجك ماعنده ثقه بالنفس كلمه وحده تجيبه وكلمه توديه
زي ماقالت وحده من الخوات ذكريه بخطر الخدامات - الله يكون بعونك بعدي عنهم ولا تتكلمين واجد أبدا
مواضيع مشابهة
تابعي تجارب أخرى من هذا القسم.