ابي رايكم خواتي!!مسكن لعائله بالرياض محتاجه

السلام عليكم ورحمة الله وبركاته

بنات اول شي باخبركم بالوضع عشان تكونو فاهمين :26:

اكيد تذكرون موضوعي عن العائله المحتاجه بالرياض والعائله مسلمه وغير سعوديه لكن عايشين حياتهم كلها بالسعوديه ولايستطيعون مغادرتها والاب اصيب بحادث في ظهره ولايستطيع العمل
والاطفال جميعهم صغار والام لاتملك غير الدعاء الله يرزقهم بفضله ويغنيهم

المهم الله يرزقهم للحين مالقو لهم مسكن وهذي صوره لمكان سكنهم قامو بوضع الخشب و القماش و كل مايجدونه لصنع منزل ياويهم



لكن البلديه كل يوم تهددهم بازالته وتطلب منهم الرحيل وهم لامال و لامسكن ولاعمل

وكل مره الام مسكينه تشكو الحال و تبحث عن اي مسكن لهم لو غرفه صغيره لو تكون من طين


و فكرت اجمع المال من اي احد يبي يتبرع لهم واذا نقص ازيد باذن الله و اشتري لهم غرفه متنقله الي تكون بعجلات بس ماعرف الاسعار مثل هذي الصوره


بس المشكله مادري كم اسعارها و تصلح او لا ؟؟!!واذا مايصلح ايش اساعدهم بغيره ؟ اتمنى المساعده
والله شاهد علي بما اقول واني صادقه والتي تريد رؤية حالتهم تراسلني ع الخاص

واشكر كل من ساعدتهم فلقد حملتني ام العائله أمانه تقول اشكريهم جميعا وتدعي لكم من كل قلبها



واتمنى عدم حذف الموضووع لانه للاستشاره
انتظر ردودكم بنات

أختكم : عمري لحظات


14 تعليق 1,894 مشاهدة

شاركي في النقاش

سجلي الدخول لإضافة تعليق.

التعليقات

14
  1. @amyrth_1

    الله يكون بعونهم ويفرج همهم ويرزقهم وكل محتاج

    تواصلت مع امهم قبل فترة بعد موضوعك الاول

    والله يقدرنا نساعدهم بالي يحتاجونه ياخيتي

    الغرف هاذي تباع جاهزة لها محلاتها الخاصة

    شوفي الاعلانات دايم بالمبوبة أسألي عن اسعارها

    وراسليني خاص اذا جزمتي على مساعدتهم

    وجزاك الله خير ولاحرمك الاجر

  2. @aamry_lhthat

    صاحبة الموضوع
    الله يسعدك يالغلاااا ويوفقك و يجزاك كل خير على مساعدتهم ويرزقك بكل ماتتمنين
    والرد ع الموضوع

    يعني الفكره حلوه وبتفيدهم ؟؟؟

    الله يوفق كل من ترد وتساعد و يرزقها بكل ماتتمنى
  3. @amyrth_1

    امين وإياك ياخيتي

    الفكرة حلوة وراح تفيدهم بإذن الله

    بس هل يسمح لهم بوضعها من قبل البلدية ؟
  4. الغرف المتنقله حلوه جدا واسعارها رخيصه وفيها دورة مياه ومطبخ صغير
    ليش ماتسوي تقرير عن العائله هذي وتصوري بيتهم اللي من خشب وتكتبي اوضاع والدهم وانه غير قادر على العمل وارسلي التقرير لاي محرر او صحفي بجريده ينشر الخير لتلقي مساعدات وطبعا يضع رقم جوال لمن يرغب يتاكد بنفسه او لمن حاب يتبرع
    جزاك الله خير
  5. @aamry_lhthat

    صاحبة الموضوع
    اميرته
    امين وإياك ياخيتي الفكرة حلوة وراح تفيدهم بإذن الله بس هل يسمح لهم بوضعها من قبل البلدية ؟



    الله يوفقك اميرته ويسعدك

    مدري انا فكرت ان الغرفه بتكون متنقله بعجلات يعني ينقلونها بالمكان الي يبغونه
    بس مدري والله باسال الوالده الله يحفظها (أمي ) و اخليها تسال أم العائله المحتاجه




    الصور عندي وقد نزلتها بموضوعي الي قبل قبل حذفه
    وماعندي احد يساعد يودي التقرير :(
    و لكن العائله صعبه لهم احس انه احراج لابنائهم
    لانهم الحين يدرسون الله يوفق فاعل الخير الي ساعدهم وسجلهم بالمدارس
    وتعرفين الاطفال بالمدرسه و اقرانهم كيف بيكون كلامهم
    اخاف اجرحهم واسبب لهم شي
    و الحمد لله فيه اشخاص اعرفهم مستمرين بالبحث عن مساعدات لهم الله يوفقهم و يرزقهم بكل خير



    اتمنى تعطوني افكار لمساعدتهم الله يوفقكم والي تبي تساعدهم اعطيها رقم الام و الاب او رقم أمي او رقمي

    أختكم أم ريتال

تابعي تجارب أخرى من هذا القسم.