تعالي قوليلنا تجربتك مع موانغ الحمل

منقاشة
ممكن تكون نفسية
بس حاولي تشغلي نفسك ولا تفكري لانه انحباس الدم في الجسم مو طيب اشربي قرفة لما تجيكي الدورة
الله يرحم جميع اموات المسلمين

انا ركبت لولب بعد ١٠ شهور من ولادتي والحين كملت سنه

والحمدلله مرتاحه له

شكرا لطرح الموضوع جاي في وقته بما إني قاعدة ادرس احسن وسائل منع الحمل عشان أول ما أولد ابدا فيها..
اللولب بيتركب بعد ثاني حمل على حد علمي وله مخاطر..من تجربة اختي قعدة عليه ٥ سنين بس سببلها مشاكل في الرحم وضعف في المبايض وجلست تتعالج منه عشان ترجع تحمل..بس في ناس مبسوطين عليه فا هو بيختلف طبعا حسب نوعه و طريقة وضعه والتشييك عليه بشكل دوري..

الحبوب مشاكلها كتيرة بكفي انها بتلعب بالهرمونات وطبعا تأثيرها على كل وحدة غير..بصراحة عندي احمل ولا إني اقعد اعاني من صداع وتقلبات مزاج و بدانة وغيره

العد والجدول طريقة أمي و زبطت معها وزبطت معي اول شهرين بس كمان مش مضمونة لأنه عالشهر التالت حملت على طول بعد ما نضفت لأنه الدورة كانت قصيرة فا حسبتي ما فادت وهالشي حكتلي اياه دكتورتي

الواقي وفي منه انثوي وفي منه ذكري وطبعا بيتطلب تعاون الطرف الآخر

العزل و أيضا بيتطلب تعاون الطرف الآخر وفي وحدة بعرفها صارلها ٣ سنين ما حملت على هالطريقة فقط مع الجدول


شخصيا رح ارجع استخدم الجدول و الواقي أو العزل والله يجيب اللي فيه الخير