بسم الله الرحمن الرحيم
السلام عليكم ورحمة الله وبركاته
اسعد الله صباحكم / مساءكم
:)
مالي في المقدمات أبدا
لذلك ندخل في الموضوع على طول
هو سؤال لكن يتفرع منه عدة نقاط ..
في هذا القسم ( حياة أسرية سعيدة )
ليش ممنوع على المتزوجه ان تظهر سعادتها في حياتها .. ؟؟
لاحظوا قلت سعادتها .. مو حياتها الخاصة
لما وحده تفتح موضوع تكتب فيه حبها لزوجها وطريقة التعامل بينهم ..
إذا أظهرت حسناته .. إذا تكلمت عن رحلاتها وسفراتها .. إذا صورت بعض الهدايا منه لها او العكس ..
على طول نشاهد نفس الردود .. وأنا تعليقي على الردود أصلا
اول رد
حرام في بنات مو متزوجات او مطلقات او أرامل .. بتكسرين خاطرهم
!!!
ثاني رد
خافي على نفسك من العين .. فيه متزوجات مو مرتاحات مع أزواجهم
!!!
(( ما ادري هل العين ممكن تصيب .. الشخص من كتاباته )) هذي اللي أبي اعرفها ؟
ثالث رد
بدينا في تأليف الروايات .. أتحداك لو ما كان زوجك يضربك و يهينك وهذي كلها عقد
!!!
رابع رد
طيب وايش نسوي لك .. وبعدين
!!!
لكن لو فيه موضوع نكدي كله هموم وقضايا
خيانة او ضرب او طلاق
على طول نشوف الردود اللي تواسيها واللي تصبرها واللي تعطيها الحل
ليش ما قلتوا
فيه بنات مو متزوجات ممكن يتعقدون من الزواج ..!!
طيب هذي حياتك حنا ايش دخلنا ..!!
كل هذا كذب وتأليف ..!!
وإلا بس السعادة هي اللي ممنوع نكتبها في القسم
بالعكس لو كل وحدة تكتب عن حياتها السعيدة وكيف زوجها يعاملها وكيف تعامل زوجها ..
او كل وحدة تصور جزء من حفله لها او هدايا
او ايش تخطط لتغيير الروتين في حياتها .. او مرة زوجها فاجأها بشي وحبت تكتب عنه
انا اشوف هذي أكبر فائدة للبنات في القسم ..
من خلال هذي المواضيع الواحد يتشجع و يغير حياته ويسعد نفسه قبل كل شي
لكن انحرمنا من هذي المواضيع اللي تبعث التفاؤل في حياة الشخص :(
مع ان القسم فتح لهذة المواضيع ..
شاركي في النقاش
سجلي الدخول لإضافة تعليق.
التعليقات
64- بالعكس مافيها شي أذا أظهرت سعادتها وش بتستفيد أذا اظهرت العكس. ..
بالنسبه للعين أذا ممكن تصيب من الكتابه ..انا سمعت في برنامج نور على الدرب الشيخ يقول أن العين ممكن تصيب حتى من الوصف أذا أنتي توصفين شخص بعيد ممكن يصاب بالعين من الناس اللي جالسه تكلمينهم فأكيد تصيب بالكتابه وحتى الأعمى يعطي عين - العين حق ومرات تفرق بين الحبايب مثل السحر تماما..وفي ناس مايحبون يشوفون احد مبسوط يحسون بحسرة وحسد ويضرون الخلق ..قال نبينا صلى لله عليه وسلم...علام يقتل احدكم اخاه...الى اخر الحديث الشريف..
لكن انا ضد ضد ضد اللي تتصنع انها مسكينه وان زوجها مايعطيها ولا يهتم فيها عشان تبعد عنها العين لانها بكذا دخلت بالكذب..
الوسطية افضل شي..
لا اظهر سعادتي امام محروم ولا اجحد نعمة ربي علي ام حنين العصيمي بالعكس مافيها شي أذا أظهرت سعادتها وش بتستفيد أذا اظهرت العكس. .. بالنسبه للعين أذا ممكن تصيب من الكتابه ..انا سمعت في برنامج نور على الدرب الشيخ يقول أن العين ممكن تصيب حتى من الوصف أذا أنتي توصفين شخص بعيد ممكن يصاب بالعين من الناس اللي …
اهلين اختي
والله يااختي هذا تفكير الكثير فالحياة المتزوجات اللي تقابلينهم تاف عليك قصص انها مو سعيده و ...و.. وهي حياتها الحمد الله مرتاحه والمشكله محد سالها هي تتكلم من نفسها وتالف روايات
هالتفكير كثير عندنا كل ماطق شي خافو من العين
اقل شي لاتمدح بس تقول الحمد الله
:icon19: ان مدحت كتبت عشرين مره اذكروا الله- والله انا اشوف لما الواحد ينزل موضوع نصايح او وحده تبي دعاء او ترحيب او موضوع خارج الحياة الشخصيه قليل اللي يردون مع ان المشاهده اففففففففففف
اما المواضيع اللي فيها تلطلط يركضن عليها ولا ويظلن يعلقن ويرفعن الموضوع وتسير نقاشات حاده
خخخخخخخ
الله لا يحرمكن من هالعاده يابنات حواء خخخخخخخخ
ترى والله في مواضيع حراااااااام تروح لصفحه الثانيه او للاخيره
ارتقو بردووووود والمشاركات وخلو كل موضوع ياخذ حقه بردود والله لما اشوف المنتديات الثانيه ونظامهم اقول ليش منتدانا مو مثلهم واحيانا اسجل باللي يعجبني بث ما ادشه كثير لان مختلط واخاف بليس يلعب بعقلي وهني ماشاء الله انتن تسدن النفس من ان الواحد يكتب لكن شي ززززززززين
الله يهدي الجميع ويهديني قبلكن - انا مره كتبت مشكلة الي مع زوجي ماشاء الله الردود كملت 5 صفحات
بعد كم يوم كتبت مشكلتي الحمد لله نحلت ما حد رد علي غير شخصين بالزبط يتمنولي الخير
على كل حال شكرا للردوا علي بالموضوعين
مواضيع مشابهة
تابعي تجارب أخرى من هذا القسم.