مااتوقع ماركة الغساله لها دخل الشركه هي بس لجودة الغساله واجزائها وقدرة تحملها ومدة بقائها بدون عطل
هي بس انها اوتوماتيك تتعبى من فوق وفيها عامود وكلهم اتوقع نفس الشي الا اذا بعض الموديلات فيها ميزات غير عن الثانيه
يعني بعضها تشطف مرتين وبعضها مره واحده بعضها دورانها قوي بعضها دورانها ضعيف بعضها في خيارات كثيره بعضها بس خيار واحد ويعني الاختلاف من موديل لموديل حتى من شركه واحده
اصلا اللي يخلي الملابس الملونه مبقعه هي قلة الشطف كل واحده تحطها حلق في اذنها يعني لو مره شفتي الغسيل مبقع بقع صابون والا بقع كانها وبر او خيوط صغيره فعبي الغساله مره ثانيه بالماء فقط وخليها تشطف وتعصر وخلاص بتشوفيها راحت
بس طبعا لازم تكون كمية الماء كافيه او شيلي نصها وخليها تشطف وتعصر وبعدين حطي النصف الثاني وخليها تشطف وتعصر
انا اصلا الغساله من هذه النوعيه مره مو عاجبتني بس هذا اللي عندي ايش اسوي
طيب قلنا عشان مايصير بقع في الملابس لازم الماء يكون كثير يعني ماتكون الملابس كثير
والصابون لازم يذاب في الغساله قبل وضع الغسيل سواء بودره او سائل لانه هذه النوع من الغسالات ماتحرك الماء والغسيل جيدا لانه دورانها مو زي دوران الغساله العاديه او اللي من الامام
ولازم تفصل الملابس حسب نوعها يعني الصوفيه ابدا ماتنفع مع الملابس الاخرى وحتى المناشف ماتنفع تغسليها مع الملابس
لانه هذا ايضا من احد الاسباب اللي تعمل بقع خيوط ووبر على الملابس
يعني باختصار سبب بقع الملابس
1)كثرة الملابس وقلة الماء
2)وضع ملابس صوفيه او مخمليه او مناشف مع ملابس من نوع اخر
3)قلة مرات الشطف
بنتحر الملابس مبقعه بالصابون بعد الغسيل ( غسالتي ميتاج)
متابعة النقاش، صفحة 7