بنات ماتحسون بالحرمان

انا عني ماابي رفاهيه بس ابي المجتمع يشوف له حل .. اختار زوجي اختار تخصصي اختار طريقة حياتي بس ماابي اكثر

يا انثى بنفسجيه

بقولك رأيي

فعلا الأنثى عندنا مقيده بزياده

زي ماقلتي في الدراسه و كذا

يعني من حقنا نسوق زي بنات كوكب الارض ( على فكره احنا الوحيدين اللي ما نسوق ) :icon30:

المشكله الاسباب سخيفه و غير مبرره مجرد دكتاتوريه

و ليش الوحده ما تدرس و تسافر و تجيب شهاده عشان تشوف الدول الثانيه كيف ان دور المرأه عندنا فعال " مو خيمه و بر جمل زي ما يقولون علينا " :dry:

فيني طموح لحد انو ودي أروح أستحل أمريكا و أجي >>> قوويه :angry:

يا بنات لا تقلبون الموضوع ديني و تقولو الدول الثانيه فيها و احنا ما شاءالله علينا

ترا من ناحية الدين فكثير منها لا يطبق بسبب العادات :angry2: كل شيء صار عيب

ما قلنا نبي نفصخ العبايه و الغطا عشان نصير حركات و نتطور .. :a_smil08:

ترا عندنا اغتصاب و عندنا قتل و عندنا ..... ما أحب أدعي المثاليه

عندنا الصالح و الطالح

انتو تشوفون السلبيات في الدول الثانيه و تقارنون :humm:

طيب ركزو عالايجابيات و افهمو وش نقصد :sad:

و يا كرهي اذا جات وحده و حطت العله بالاهل ( يعني يا مسكينه انتي اهلك معذبينك و انا دلوعه عند اهلي )

بلا خرابيط و كلام فاضي

احنا و الاهل نعيش تحت ظروف و نظرة المجتمع :huh:

و الدليل ان البعض اذا سافر برا و انا شايفه بعيني تقلب عاداتها 180 درجه :icon810:

يعني بس تطبق الانظمه و القوانين و العادات و الدين داخل حدود الدوله :dozey:

الحمد لله حمدا كثيرا طيبا مباركا فيه

بس ترا الضغط يولد الانفجار :3_3_103: و الدليل الفيديوهات بالكيك :icon28:

لحد يسوي علي هجوم ولا يحط لي ديسلايكات ... ترا اشوفكم انا :S_45:

مستعده للنقاش و اختلاف الرأي لا يفسد في الود قضيه :2thmup:

للأسف كلامك صحيح بس ماشوفهم منسكرات الا بمجتمعهم بس خليهم يطلعون برا يوصلون لدرجة التمرد والسبب الكبت


الرقابة من الأهل الحين صارت صعبه بحكم المؤثرات الكثيرة وانا اشوف الأهل المفروض يزرعون فيهم ثقافة المناعة الذاتية لا المنع
وبالنسبة لإستئذان ولي الأمر انا معك لكن مرحلة الإستئذان عندنا بالغالب ماتقتصر على ولي الإمر فقط



آمين يآرب وهذا اللي اقوله ان البنت للأسف مجتمعها يحكمها بقوه



حبيبتي انا اللي اقصد ان المجتمع والبيئة اللي عايشه فيها البنت تحكمها بقوه
كثير بنات يدرسون برا بس عددهم قليل بالنسبه للشباب


الحمد لله على كل حال وفضل الله علينا ولدنا بدوله مسلمه الحمد لله

لكن انا ماتكلمت عن الدين انا اقول ان البنت بشر لها حاجات ومتطلبات والدراسة مو حرام
وانها تطلع من البيت تقضي امورها الضروريه مو حرام

انا اعرف ناس ملتزمين جداً وراحوا لدولة غربية لأجل الدعوه كانوا ناوين يقعدون فيها فتره بسيطه

لكن لسهولة الحياة هناك مددوا الفتره والى يومك ماجوا ولا عندهم نيه يجون صار الأب يسافر ويخليهم الام وعيالها وهو داعية تسوق وتخلص امورها كلها ولا عندها اي مشكله ولابسه نقابها وملتزمه بحجابها
وش اللي يمنع انك تحافظين على دينك ويكون عندك حرية ...؟

لا انا اشوف انه حسب مجتمعك واهلك وطريقة تفكيرهم
انا مطلقه واهلي مدلعيني واللي ابيه يصير .. ما شاء الله
واختي مطلقه ورايحة تكمل دراستها بامريكا لحالها
ولنا حرية الطلعات والتمشيه والزيارات بدون تعقيد

بس مشكلتنا بالمجتمع ككل وليس بالعائله .. انه مقيد البنت من نواحي كثير حتى لو سمحوا لها اهلها بكل شي
وتلقين عوائل كثير يمنعون بناتهم من اشياء كثير مو لانهم مايبونهم يسوونها لا .. عشان الناس وش بتقول عننا؟؟ وعشان هذا عيب ..
وهذا عيب.. طيب خلاص اذا انا ماسويت شي يخالف الدين ليهالتعقيد والكمكمه الزايده ..
ومجتمعنا مامنعه هالتعقيد من المشاكل.. الا فيه عندنا اغتصاب ..وسرقات وابتزاز وكل شي موجود باي مجتمع ثاني
بس حنا ثقافتنا ثقافة العيب .. كل شي تسويه البنت عيب
هذي مشكلتنا باختصار

ويظل هذا رايي الشخصي

والله انا عايشه بقهر وظلم مايعلم به الا رب العالمين

اخوان متسلطين وام متسلطه 24 ساعه تشكك ابوي فيني

وحسبي الله ونعم الوكيل عليهم ... عند الله تجتمع الخصوم

والله مااقدر احضر زواج ولا عزيمه ولا غيره مالي حريه ابدا ابدا حتى بالبيت

واللي كمل الناقص مافي وظايف ... ابغى البس ابغى احس اني امنت مستقبلي ابغى اشتري اشياء ناقصتني

امنية حياتي اكمل درسات عليا ... بس ماقبلوني

حسبي الله ونعم الوكيل على من خان الامانه ... اغنى دولة في العالم وافقر شعب