ضعف التركيز وتشتت الانتباه وفرط الحركه......الى كل ام تعاني من هذه الاعراض عند اطفال

السلام عليكم ورحمة الله وبركاته


انا ولدي عندوه فرط حركه وتشتت انتباءه ويدرس ثالث ابتدي

وابغاء تساعدوني من واقع خبرتكم كيف تذاكرون لهم وتحلون الواجبات كم ساعه تجلسون تذاكرون

وهل في طرق يستجيب فيها اسرع والله مانساكم من دعاي الله يفرج همكم

الاسيرة الحالمه خبرينا اكثر عن ولدك بياخذ ادويه ؟ ولما دخل اول ابتدائى كم عمره؟
احكيلنا اكثر عن وضعه وايش راى المدرسات فيه؟
ولدى فرط حركه ولسى ما دخل المدرسه والله يعين

هلا اختي طبعاً دخلته روضه وعمروه٥ سنوات وحسبي الله على المعلمه سببت له عدم الثقه بالنفس

كان اذا خطاء في القراءه او نطق الحروف تجلس تضحك عليه الطلاب وبعدها كره الروضه وفصلته

ودخل اولى ابتدي وعمره ٦سنوات وكانت المفاجاءه والصدمه لي اجلس اذاكر له ٤ساعات ومايستوعب

ايش انا اقول مايحفظ ومايعرف حتى يمسك القلم والمعلم يقول حرك كثير ومايستوعب بعدها عرضة على طبيب

اطفال وقالي من الافضل عرضه على المختصين وسويلته في مركز التوحد في الرياض وكان ٣جلسات خلال

اسبوع وطلع التقرير فرط حركه وتشتت انتباه وقدارت عقليه اقل من الطبيعي ولي حد الان مالقيت طبيب في

مستشفى حكومي زحمه والاهليه غاليه مره وهذي تجربتي وطبعا مايستخدم غير اوميغا 3بس

الف مبروك ياصلاتي الله يتمم لك الفرحة ويحفظ لك ابنك ويحمية من كل شر
الحمدلله فيه امل انه اولادنا يتحسنون بس على قولك بالدعاء والمثابرة واهم شي الصبر


بالنسبه للي سالتني عن برنامج ولدي انا دخلته مركز متخصص هما كانوا يعملون له كل شي ويعطوني تعليمات ف البيت المركز ف امريكاا لما كنت عايشه هناك
اعذروني وقتي ضيق وسامحوني لو ماشفت سؤال اي وحده فيكم لا تفكرونه تطنيش لا والله لكن بالقوه احصل وقت ادخل

الاسيرة نفس ولدى عنده فرط حركه وتاخر عقلى مانى مفكرة ادخله المدرسه الا على 7 او 8 لحتى احسه يستوعب هو عقله اقل من عمره فكيف اندخله مع اللى فى عمره بالعاده يكونو متاخرين بالدراسه لكن كويس وصل صف ثالث استعجلى وشوفيله دكتور يعطيه دواء يخفف حركته ويزيد تركيزه والله يشفيه ويعينك عليه