انا غير مؤمنه بان كل وحده ناجحه في زواجها او تزوجت الرجال المناسب معناته انو حضها حلو او عشانها حلوه
انا مؤمنه انو فيه اسباب جوهريه ما نعرفها
مثل ما نشوف احيانا رجال تاجر كبير يقول انو امي كانت تدعي لي او كانت نيتي مساعدت الناس والصدقات وربي رزقني زي كذا
انا قربت من الله كثير وفتشت في نفسي كثير كنت كثير اشوف فيما ايدي الناس واقارن واحسد واسأل نفسي كثير ليش عندهم وانا ما عندي حاولت قد ما اقدر ابعد عن هالصفه وادعي بطهارة القلب وماشوف شي حلو للناس الا اذكر ربي بيني وبين نفسي
كنت كثير اتحسب على ناس ظلموني بديت احاول ما ادعي عليهم وادعي بالنصر وبس
قريت على نفسي قلت يمكن عين
وبرضو الى الان حضي طايح وجمالي ما شفع لي بشي مطلقه وعندي طفلين وعمري 31 طليقي كانت معاملته زفت يضرب ويطرد ويطالبني بالصرف وانا غير موضفه وما فيه بيننا عشره حلوه احسه ما يحبني ليش تزوجني ماادري وانا كرهته من معاملته لي صرت ما اقدر حتى اشوف صورته!!!!!
لا طليقي تغير وبحثت عن الزوج المناسب ما لقيت اقصد بالزوج المناسب الزوج الكفؤ الي يكون بينكم تكافؤ مو بس اتزوجه عشان اخذ لقب متزوجه
سؤال لكل وحده جاها الرجال الي تتمناه وسعيده بزواجها او تعرف احد سعيد ايش هي الاسباب تفيدنا وتكسب اجري واجر كل من يستفيد
اكيد ومليون بالميه فيه اسباب ربي رحيم لاكن حنا جوتنا عيوب ما نعرفها
شاركي في النقاش
سجلي الدخول لإضافة تعليق.
التعليقات
105- كله توفيق من الله و قسمه ونصيب ومقدر ومكتوب
هذا بالنسبه للي يجيها رجال كفو
لكن بالنسبه للي تكون سعيده في حياتها مع زوجها مو شرط انه خالي من العيوب
بس تقبلته مثل ماهو و عرفت اللي لها واللي عليها
انا اشوف ان المره تقدر تكسب الرجال غالباً
بالكلمه الحلوه بالابتسامه بالانوووووثه بالتفهم والبعد عن النكد - اول شيء اعرفي ان ربي يأخذ من الشخص شيء ويعوضه بشيء
وبرضو كذا هي الحياه تأخذ منك وتعطيك
اللي اقصده محد راح يـ كون سعيد بحياته الا اذا أرضى ربه و والديه
واذا تنازلتي عن بعض الأشياء وكانت معاملتك لزوجك معامله حسنه حتى لو كان سيء هو بيستحي ويحس بالذنب وينقلب من مذنب الى شخص يحترمك وَ ويعتذر لك على تفهه الأسباب
في محيطي ألاحظ ان اغلب الحريم اللي عندهم مشاكل مع أزواجهم السبب يكون تعاملهم لا زوجهم ولسانهم الطويل برغم ان البدايه يكون خطا خطأ الزوج بس ردة فعل الزوجه تكبر الخلاف وتسبب فجوه
يعني لو الرجال لاقي حرمه ما ترفع صوتها ولا تطول السانها وتعامله كما وصانا الدين هو بيستحي ويحس بذنبه الرجال مايحب الحرمه اللي تبي تمشيه على كلمتها مع ان معظم الحريم ما يقصدون كذا بس ردة فعلهم تخلي الرجال يزيد ويعاند
اذا كنتي تحلمين تتزوجين وتعيشين سعيده في زواجك غيري من نفسك اول وخليك حكيمه وحليمه و واجهي كل مشكله تواجهك في زواجك بهدوء وبرود وقفلي اذنك من الكلام اللي يقلب تفكيرك ويخليك تحسين انك ناقصه عن الغير وبرضو لا تقارنين نفسك بغيرك وصدقيني بتعيشين سعيده - اختي الكريمة : كله قسمة ونصيب ... ربنا اله حكمة في كل شئ ... الانسان بيتقي ربه في كل شئ ... بس بالاخر بيظل بشر واله ذنوبه ... ومع هيك في ناس بتخاف ربنا وتتقيه لكن ربنا لحكمة عظيمة بده يختبرها في حياتها ... توكلي على ربنا ... الله ييسر امورك ويرزقك ما تتمنين ويسعدك دنيا واخرة
الحمد لله حياتنا ناجحة ... اكيد مش بشطارتنا .. انما برحمة ربنا وفضله ... له الحمد والشكر والمنة ... واكيد ما في حياة كاملة لان الكمال لله عز وجل ... لا بد انه لزوجي اخطاء احتويها ولي انا ايضا اخطاء يحتويها هو ايضا ... وما تقبلنا لسلبيات بعضنا الا بتوفيق من الله .. - اذا كان عملك الحسن و تقربك الى الله عشان ربي يوفقك في امورك انت ما راح ترتاحي و يمكن ما تتوفقي لانه مشروط ...
تقربي الى الله محبه فيه رغبه في رضاه و الحديث القدسي بمعناه من تقرب لي شبرا تقربت له ذراع ..،
بالنسبه للزواج و الطلاق ما في احد ناجح في توفيق و فيه ابتلا من الله تلقين حريم قمه في كل شي لكن الله ما كتب لها زواج ناجح او تكون ارمله او تكون عاقر الموضوع كله نصيب من الله الشي الوحيد اللي يغيره هو الدعاء و الالحاح فيه بدون ياس و حتى ما يدخل في قبلك و لو جزء و حتى لو ما ربي اعطاك فتومنين لانه خير لك في الدنيا و صبرك و دعاء راح تاخذي الاجر عليها باذن الله لا تطلبي شروط النجاح من الناس لانه انسانيا اللي يمشي مع غيرك مو شرط يمشي معك لكن اطلبه من ربك و اعرفي انه قاسمك الخيره . قيدني غلاك اول شيء اعرفي ان ربي يأخذ من الشخص شيء ويعوضه بشيء وبرضو كذا هي الحياه تأخذ منك وتعطيك اللي اقصده محد راح يـ كون سعيد بحياته الا اذا أرضى ربه و والديه واذا تنازلتي عن بعض الأشياء وكانت معاملتك لزوجك معامله حسنه حتى لو كان سيء هو بيستحي وي…
بليز ما ابي نصايح للتعامل مع الزوج لاني تعبت من طليقي وكل الحلول استخدمتها معاه ما فيه فايده وكرهته خلاص
انا كتبت الموضوع ابي اعرف الاسباب الي خلت بعض البنات يحصلو ازواج كفؤ وبعض البنات ازواجهم مدلعينهم مع انهم ما يستاهلون يعني ما تتعب معاه ولا مع اهله يعني اكيد فيه سبب جوهري ما نعرفه
مواضيع مشابهة
تابعي تجارب أخرى من هذا القسم.