دورة قوانين العقل الباطن (المناقشة والاستفسارات)

ممكن أعرف وين الدرس

الله يعطيك العافية يا أستاذتنا الغاليةبالنسبه لجوانب التميز: الطموح ، اعتقد الطيبه ، وممكن أكتشف معاك جوانب أخرى للتميز
أما العيوب : الخيال اللا محدود ، العصبية ، الخوف المصاحب للخجل احيانا ، التسرع
ما استفدته : انني استطيع تحويل أخطائي ومواقفي المؤلمه إلى تجارب استفيد منها ولا اكررها
بانتظار الدرس الثاني مشكوره

المميزات
ما ادري اذا هالامور اللي راح اذكرها تعتبر مميزات بس راح اكتب شغلتين

- انسانة بسيطة لأبعد الحدود و ابسط و اقل الاشياء تقدر تبسطني و ترضيني

-انسانة ودودة مع الناس احب اكلم هادي و اضحك مع هادي و امزح مع هادي و ابتسم مع هديك

-احب كل شي يقعد زي ما هو و كل شي يصير في وقتو يعني اذا اتعودت على روتين او جو او شي معين
ما احب انو يتغير علي ابدا احس راح تصير فوضى و تلخبط لي كل شي

-انسانة بيتوتية و احب الهدوء و بصراحة اتضايق من خرجة البيت و احاول اتجنبها قد ما اقدر

- ما ادري اذا هادي ميزة و لا عيب بس ما احب يكون عندي صديقات و لا احب الكلام على الجوالات و الماسينجر و غيرو و اتضايق و اتجنن اذا احد اتصل عليا و لا قعد جنبي في جمعة و اتكلم كتير يعني اتكلم مع الناس اوكي بس شوية مو لازم طول الجلسة هرج هرج هرج مررررررررة اتضايق


العيوب يا كثرها و اهمها و اكثرها مضايقة لي و لأهلي العصبية الزائدة و الصراخ بصوت عالي و طول الوقت متوترة و معصبة بسبب و بدون سبب احسها صارت حالة نفسية او عادة ما ادري بس صارت جزء لا يتجزء مني

-كمان من عيوبي اني انسانة سريعة الملل اطفش بسرعة من اي شي و من كل شي حتى لو اكون متحمسة جدا لشي معين بعد شوية اطفش منو و خلاص ما اطيقو

-حساسة جدا و ابكي و انجرح بسرعة و احيانا اسباب و امور سخيفة تخلي دموعي اربع اربع و السبب اني ما اقدر امسك دموعي قد ما احاول مافي فايدة

-احب اقعد لحالي لا اكلم احد و لا احد يكلمني

-مع ان عمري 28 بس لحد الان اغار من اخواتي الصغار و ازعل لو صار معاهم اي شي حلو او احد من اهلي قلهم كلمة حلوة او اعطاهم شي
بصراحة انا نفسي ماني فاهمة ولا عارفة ليش اغار منهم مع ان اهلي مو مقصرين معايا بشي ماشاء الله بس من لما كنت صغيرة و انا كدا و على طول اضارب و اسال ليش قلتو كدا لفلانة و ليش اعطيتو فلانة كذا و كذا و ليش و ليش و ليش.....سبحان الله انا اكتب دحين و انامستغربة من نفسي

-متقلبة المزاج يعني في لحظة اكون مبسوطة و امزح واضحك و العب مع الشخص و فجأة انقلب عليه و اكرهو و ما اطيق اشوفوا قدامي و اصير اعصب و اصارخ و اقول كلام يجرح و يا لطيييييييييييييييييييييييييييييييييف