زوجي مات وتركني وحيده بع خمس شهور من الزواج

السلام عليكم ورحمة الله وبركاته
انا عضوة جديده في المنتدى ياليت تقبلوني
بصراحه مو عارفه من وين ابتدي ولاادري وين احط الموضوع
بس الي بقوله انه امس توفي زوجي
وابي منكم الدعاء له توفي بعد خمس شهور من الزواج
والحين انا حامل بالشهر الثالث انا نفسيتي دمار مادري شلون
بعيش من دونه الدنيا صارت بعيني سوده وراح وتركني وحيده
بهالكون مات وانا ماتهنيت فيه ودموعي عيت اتوقف
احيانا اتمنى الموت عشان اكون وياه مابقالي بهالدنيا غير الطفل
الي بطني اتذكره فيه وخايفه اني اخسره اهو بعد من شدة حزني
لاني ماكل ولاانام الخبر جاني مثل الصاعقه وماصدقت قلت كله كذب
واخر كلماته ربي لايحرمني منج شلون راح اقدر اعدي هالازمه
تكفون ساعدوني واسفه اذا موضوعي مخربط بس حبيت افضفض
الله يرحمك يالغالي ويغمد روحك الجنه تكفون ادعوله لانه محتاجه

44 تعليق 6,480 مشاهدة

شاركي في النقاش

سجلي الدخول لإضافة تعليق.

التعليقات

43
  1. @ofoy8_8

    الله يرحمه ويغفر له ويبدله دار خير من داره واهل خير من اهله ويجعل قبره روضه من رياض الجنه
    ويارب يجمعك معاه بالجنه
    ادعيله بالمغفره والثبات عند السؤال
    صحيح الفرقه صعبه لكن اراده الله ولانعترض عليها اهتمي بنفسك واللي ببطنك
  2. @argoaaana

    لاحول ولاقوة الا بالله ربي يرحمه ويغفر له ويحفظك ويتمم عليك بالمولود السليم ويقر عينك فيه اقدر موقفك يالغالية وربي يصبر قلبك ويعوضك خيرا صحيح مافي أغلى من إنسان ارتبطتي فيه ويحترمك وتحبون بعض لكن اكيد كلنا نتوقع هالشي ان الدنيا راح تكون سودا لكن بإذن الله راح يعوضك ربي بالمولود وبحياة تسرك كل مايحتاجه منك الأن الدعاء والعناية باللي تركه لك وعسى الله يرحمه ويجعل الجنة مثواه ويجمعك فيه في دار البقاء ناس كثير رحلوا وتركوا اهاليهم هذي هي الحياة واكيد ربك ارحم وألطف من قلوب البشر ربي يلطف فيك ويعوضك ويصبرك ويسعد قلبك ويفرج همك ويقومك بالسلامة نفسك غالية على أهلك وعلى الجنين اللي في بطنك لاترهقينها فوق طاقتها ناس كثير يحبونك وموجودين حولك ويتألمون لألمك 

تابعي تجارب أخرى من هذا القسم.