الموضوع مغلق

يا اقنعكم يا تقنعوني !!! و هذي قعدة بهالقسم ^^"//تم الرد

السلام عليكم و رحمة الله و بركاته


اخباركم قيرلز ❤


تخيلوا انا و انتم جالسين على طاولة كبيرة و نتناقش. ، حلو الكلام ؟!

نقاشنا يا حلوااات ، انا أمس نزلت موضوع و كان فيه ردود و كان فيه موضوع آخر من عضوة تعقيباً على موضوعي


طبعا من الايباد ما عرفت كيف انسخ رابط موضوعي ،بس على العموم ملفي يرحب بكم :2thmup:

و بما اني جبت طاري الملف بليز بنات اللي تآخذ حبوب منع حمل او كانت تاخذهم تسير على موضوعي بقسم الحمل محتاجه الردوضروري ربي يسعدكم





نجي لنقاشنا ، فيه كثير بنات قالوا /


( أني ما شفت من الجمل غير أذنه )

( أني لسّى في بداية حياتي الزوجية و لكن بعد فترة بيتغير الزوج )


سؤالي هو / ( هل فعلا الزوج يتغير بعد الزواج بفترة ؟! )


جوابي انا ريناس / ( الزواج شركة و الشركة لازم يكونون الطرفين متفقين على شروط مسبقاً


عشان ينجح مشروع الزواج ، و ان الزواج اللي أساسه صح ، بحول الله و قوته ما راح يتغير مع الوقت للاسوأ

مهما كانت الظروف ، لا تجيني وحده عاشت بداية زواجها. بمثالية مصطنعه عشان تثبت لزوجها انها

سنعه و بعد فترة ملّت من مثاليتها و بانت أخلاقها و بعدها تمشكلت مع زوجها


ولا تجيني وحده كان كل ما منعها زوجها من شيء بداية الزواج قالت أمرك سيدي

و كلنت سلبية حتى بطلب حقوقها و بعد فترة تغيّر زوجها و صار ذيب عليها




ولا تجيني وحدة متعودة ترادد و مستحيل تسكت لو قال زوجها شيء بالعكس مع المرادده قامت هي و غلطت عليه بغلط اكبر من غلطته و انقلب السحر على الساحر


أنا أبي كل بنت في بداية زواجها إذا غلط بحقها زوجها ما تسكت عن غلطه و إذا منعها من شيءً


لازم يبرر لها السبب و اذا هو عصبي تتجنب المراددة و تسكر عليها غرفتها او ان كانت تقدر

تجلس و تصمت تجلس بس انها تقعد ترادده هذا هو الغلط بعينه ، اسحبي عليه و عيشي حياتك

انتي بعيد عنه ، أنا اذا زعلانه من زوجي ما احب ارادده ولا احب يقرب مني حتى لو ببوسه



اذا كل زوج و زوجه حطّوا. أسس يمشون عليها بزواجهم هالشيء بيجنبهم كثير من المشاكل

و أن البيت اللي أساسه مبني على الاحترام و المودة و المشاركة ،و كل طرف عرف وش عليه و وش له ،

و كل طرف فهم الطرف الثاني وش يزعله ؟! و وش يبسطه ؟!

بيستمر بحول الله و قوته بيتهم على ما هو عليه و للاحسن بعد ،

هذا رأئي مبني على تجربة أمي و أبوي ( ربي يشفيه ) و على تجارب كثير تعرفهم أمي متزوجين من 9 او 10 سنين تبارك الرحمن


حتى يوم الملكة أمي قالت لي و لزوجي أن إذا كانت بداية حياتنا صح بتكون حياتنا سعيدة





ليه هنابالمنتدى أشوف التشائم ؟! و أشوف عكس هالكلام ؟! ليه في الغالب ردودهم ان بالمستقبل ومع المسؤولية و العيال بيتغير الزوج ؟!

ليه يتغير على زوجته وهو فاهمها و فاهمته و مروا بتجارب اختبارات كثيرة ،

ليه ما يكون هالتفاهم يقربهم من بعضهم اكثر ؟! و يخليهم يقدرون بعضهم اكثر و يوقفون بصف بعضهم اكثر ؟!

معقولة كل الازواج يتغيرون بعد الزواج بفترة ؟! هالشيء أجمع عليه أغلب شعب حواء :king:


هذا رأئي و حابه أعرف رائكم بدون هوشات و تجريح فديت قلوبكن ، )



الحين مين ( مع ) و مين ( ضد ) هالمقولة ؟!!

83 تعليق 9,393 مشاهدة

شاركي في النقاش

سجلي الدخول لإضافة تعليق.

التعليقات

80
  1. @zaoaya

    هلاااا فيك موضوعك حلو

    رأيي انو المشاكل بعد مده من الزواج ممكن تكون من الروتين المملل او لحظه فتور .. او مشاكل بعد الانجاب مشاكل الاطفال وكثره المصاريف وغيرها ..
  2. @fgorhh

    بكل اسف مقولة ان الرجل يتغير وبلاصح الزوج
    فعلا يتغيرمع مرورالسنين وظغوطات الحياه والمشاغل
    الكبرله دور
    مسؤلية العيال لهادور
    كل مايمربه يؤثرعلى النفسيه وطبيعه تغلب احيانا
    وشخصيه لهادوركبير بتغيير اوثبت الشخص على اسس محدده لاتتغير وهذا نادر جدااا
    ومشكوره موضوعك حلوووو
    وادري كلامي مومرتب لاني مومروقه بس ماقدرت على اصابعي هههههه شدني الموضوع
  3. @cat_women_2010

    والله ياحبيبتي زوجك على ماعودتيه...

    يعني بالعكس انا اشوف انه راح يتعود على طباعك ويعرف اش تحبي واش تكرهي وانتي بالمثل وهذا اساس التفاهم...

    اللي يقولون انه يتغير يقصدون الزوج اللي يمثل واللي يتقمص شخصيه غير شخصيته في اول الزواج وطبعا سرعان ما يرجع لشخصيته الحقيقيه وتبداء تتكشف العيوب المخفيه...

    هذا رايي بالموضوع
  4. @amp_hbyb_zogha_amp

    هلا حبيبتي انا رديت عليك وقلت لك انتي باقي عمر زواجك ست شهور ولا تقدرين تحكمين على زواجكم اللحين
    انه مثالي اغلب البنات كانت السنه الاولى لهم مي زي باقي السنين
    انا مااقول لك انه زوجي تغير للاسواء لا
    لكن ممكن في اشياء تنطمس مع طول العشره
    مثل المجامله الزوج يجامل زوجته باول سنه وبعضهم او ست شهور
    ويمشي لها كلمتها وطلباتها اوامر بعد كذا لا راح يمل ويرجع لحقيقته ان
    لازم كلامه يمشي
    وانتي عروسه مابتسمعين لا كثير اللحين بتسمعينها بالمستقبل
    وبكيفه اذا يوديك وكيفه يرجعك ماراح يجامل زي اول وهنا لما يقولك الزوج تغير
    بعض الرجال اول زواجه يودي زوجته لاهلها فالاسبوع مره بعدين يصير بالشهر مره وكثير بنات يشكون من كذا ليه لانه ببساطه معاد يبي يجامل
    السوق اول الزواج تشترين اللي تبين بعدين يصير يدخلك بديونه
    وهمومه ويقلل مشترياتك
    الهواش يزيد طبيعي مع طول العشره
    زي لما تكون عندك صديقه بالبدايه يكون في رسميات
    وبعد ماتتعودون عليها تصيرون حتى تتهاوشون مع بعض
    مهما كانت المحبه بينكم الا ان مع الوقت التعود على بعض
    يفقد من العسل اللي باقي انتي عايشه فيه ،، فهمتي كيف
    مااقول لك كيف كنا مثاليين وزيكم وكل شي واحنا متزوجين
    بعد ملكه وحبينا بعض جدا واللي تبين من المثاليات مو تصنع بالعكس
    كان حب حقيقي بس بعد سنه وشوي خلاص يروح الحب الهيامي
    ويجي التعود والمسؤوليه والبيت والارتباطات الماليه اجار وقروض والمشاكل تتحذف كذا
    وانا ادرس ضغط دراسه تلاقي الواحد يادوب طايق نفسه
    وخلاص بدل ماكنتي تخبين النكد عشان لايحس فيه شريكك
    تصيرين تشاركينه مشاكلك وهو يشاركك مشاكله
    وتحسين وقتها ان مسؤوله ودلع ماعاد ينفع
    ياما تتعايشين مع وضع زوجك يااما تتعبين بعدين
    وصدقيني هو التعود بين الزوجين على بعض شي حلو بس يفقد جزء من
    اللهفه للطرف الثاني مو معناة مافي حب فيه والحمدلله بس يتحول لتعلق بالطرف الثاني
    ويصير في ارتباط قوي بكل شي بس مو زي حب اول سنه زواج او ايام الملكه
    يكون العيار فيها ثقيل خخخخخخ حب مسلسلات لا يصير بدال الحب
    في احترام وموده وتحسين نفسك مسؤوله عن هالرجال وهو مسؤول عنك
    والمثاليه الزايده اكيد هذا شي مصطنع وصاحبته بتتعب
    انا احب اعيش حياتي كل يوم زي ماهو بعضهم تكرس يومها كلها
    طاعة وولاء لزوجها وهذا الشي غلط لانها مو كل يوم نشيطه مو كل يوم بصحتها
    فبتلاقي زوجها اول العتبانين عليها وووبس
    يعني خلاصة الكلام
    العشره الطويله تغير من الزوج والزوجه مهما كانوا
    متفقين على اشياء مهما كانوا متعلقين ببعض
    قلوب الناس متقلبه بالدين كيف بالحب

    والحمدلله انا مرتاحه مع زوجي وبيينا احترام وموده
    وخايفين الله في بعض وماشيه الحياة
  5. @mlaa_alfoad

    أنا مع كلامك التفاهم أكيد يقرب الزوجين من بعض ويعطيهم الصبر والقوه والتقدير
    ‏​​لكن انتي تقولين مروا باختبارات كثير وهنا اختلف معاك
    حياتنا كلها عباره عِن تجارب
    يعني الزواج تجربه جديده في بداية حياة كل واحد فيهم
    الإنجاب أيضاَ يكون تجربه جديده لهم
    تربية أولادهم تجريه جديده
    يعني هم ايوه متفاهمين أول الزواج بس كانوا اثنين لحالهم
    وكل مره يواجهون شي جديد بالنسبه لهم يمكن يختلفون عن بعض فيه
    كل شي بالحياه يسبب ضغط على الانسان لو بنسبه بسيطه
    وهذي الاشياء هي اللي تخلي الزوجين يختلفون فيما بينهم
    ‏​​بس هذا ما يمنع انهم يتفاهمون
    واهم شي اهم شي بالحياه الزوجيه النقاش
    يعني صح اتحمل زوجي ‏​​بس مو اكتم وآكل بنفسي هذا أكبر غلط
    فيه اشياء اصلا تكونين عارفه انها تضايق زوجك تتجنبينها
    بس لازم أشوف الوقت اللي يكون هادي فيه عشان اتكلم معاه
    ونحل كل الخلافات اللي بيننا وهنا يكون مفهوم التفاهم
    اما اللي تكتم داخل قلبها ما انصحها بالشي ذا
    لأنك بتصبرين وبتتعبين وبتسوء نفسيتك على شي تقدرين تحلينه بكلامك معه
    ‏​​بس اهم شي تلاقين الوقت المناسب للكلام

تابعي تجارب أخرى من هذا القسم.