السلام عليكم
كيف الحال والاحوال
بدخل بالموضوع
من مده رحت للمشغل وجالسه انتظر دوري
وشوي جت وحده جلست جنبي
وكانت صابغه شعرها
وشوي جلست تسولف معي وتقول وش رايك بصبغتي
قلت لها حلوه ماشاء الله
قالت انا من زمان كان ودي اصبغ
بس امي ماتحب الصبغات
والحين خايفه تهاوشني وووو
وقمت اسولف معاها وكان النقاش معها جميل
وتكلمت عن حياتها وكانت تقول انا ساكنه بالرياض واروح لاهلي بالعطل
المهممم خشينا جووو بالسواليف وكاني اعرفها من سنيييين
وكذا تحسين انها حبوبه وخفيفة دم
وبعد ساعه من السوالف دق زوجها وراحت
ودعتني بحراره ورااااحت
وانا من وقتها ما غابت عن بالي
تحسسسسفت اني ما اخذت رقم جوالها
هالكلام من خممممممس سنوات وللحين اتذكرها
المهم يا بنات هل انتي عادي عندك تتعرفين ع ناس بهالطريقه ؟؟
ووتواصلين معاها وتزورك وتزورينها ؟
انا اشوووف انه عادي لاني حاليا افتقد لصداقات
اللي مشغوله ببيتها واللي زوجها مانعها واللي سافرت واللي شافت نفسهااا
فرقنا الزمن وان فكرنا نجتمع نجلس فتره ننسق عشان يكون الوقت يناسب الجميع
المهم يا بنات من اللي مثلي عندها الصداقات شبه معدومه
احيان اجلس ادور احد عشان اعزمه او اطلع معه من جد الناس لاهين مررره
ووودي يكون عندي صديقات وبيننا دوريات واستراحات
احسن ان الدور الترفيهي عندنا يالحريم شبه معدوم
يا ع النت يا ع الجوال
بعكسسس الرجال من دوريه لثانيه
احس موضوعي ملخبط لدرجه ماودي ارجع اقراه مره ثانيه:tongue:
بس سلكوووو لي الموضوع طلع بالي فجاه فكتبته علي عجل وبعفويه
اللي مثل حالتي تواسيني وتقولي هل هي مرتاحه والا مثلي تحس بالوحده ؟
وهل انتي مع انك تتعرفين ع صديقات بالاماكن العامه او ضد هالشي
وشكررررا
شاركي في النقاش
سجلي الدخول لإضافة تعليق.
التعليقات
67- ياعمري الهدرجه
بس لا تتحسفين فيه ناس كذا سواليف وفله بالمشاغل او بالاسواق بس تضيع وقتها ولاجينا للجد وقلتي ابي رقم جوالك تصافق وجهها وقالت في نفسها هذي صدقت نفسها سولفت معها ربع ساعه تحسبني ابيها صداقه
يعني ماتدرين وش نيتها يمكن ماتبي تعطيك رقمها ثم تنحرجين وصعبه بيني وبينك زين ماخذتيه
وربي يرزقك بصديقات ينسنك الدنيا ومافيها من الوناسه .. - من ناحيتي ما اؤيد الصداقه الي كذا
< يمكن لاني انا مو اجتماعيه
واحب كثير اكون في بيتي ولوحدي
وصحباتي ينعدون على الاصابع واغلبهم من اقاربي
يختي كثرة الاصدقاء والاجتماعات تجيب المشاكل
وانا ابي اريح راسي ابعد عن الشر واغنيله - اممممم ممكن اسوي مثلك واتعرف على اي وحده وبأي مكان بشرط إني ارتاح لها من اول ماتجلس بقربي
وطبعاً بالتدريج انا وياها لين اضمنها وبكذا اكون كسبت بالحالتين
عن نفسي صديقاتي كثير ولاهم صديقات وانا لاهيه ومشغوله
وبصراحه مو اي وحده يعجبني تفكيرها وتفهمني من اول حرف مع ذلك صديقاتي كثير !
خذي واعطي والحياه سهالات ان شاءالله بس لاتأمنينها بيتك على طول - بصراحه انا مااحب اتعرف بهالطريقه ياما قابلت بالمشاغل بالمستشفيات بأي مكان بس مااحب تتطور والناس افكارها تختلف
- انا مثلك صداقاتي محدوودة جدا
وغالبا لوحدي او عالنت
وبصراحة ارفض اتعرف على صديقة بهالشكل
لكل شي حدووود
مواضيع مشابهة
تابعي تجارب أخرى من هذا القسم.