موقفي بالمشغل انتي معي والا ضدي

نفسي يكون لي أصدقاء تعبت من الوحدة أهلي بعيدين عني ومالهم في المكالمات والإنترنت زوجي تزوج شغله
أنا وحيده في غربه ما أعرف حتى كيف أكون صداقات حاولت وما في فايده أضحك للناس وأعزمهم وأكرمهم ويحسو كأني ميته فيهم إذا أتصلت فيهم
بعد تصرفاتهم كرامتي ما تسمح لي وأبعد
زوجي في عمله يختلط بالناس أقوله إذا شفت عرب أو مسلمين حاول تعزمهم عندنا أتعرف على حريمهم
حاول مره وحده تدروا إيش جاوب عليه الأخ قال المدام مريضه خيرها في غيرها ههههه
زوجي مات قهر وجا يقول لي ذليتيني إنتي ويحملني المسوؤليه
نفسي أضحك وأفرفش وأدردش وأحكي لأكن مالي في الطيب نصيب طولت سامحوني حبيت أفضضضضضضفض.

انا بصراحه سكنه في مدينه مافيها لا اهلي ولا اهل زوجي ولنا قريب بس ماكو علاقه يامعدومه ياشبه معدومه
واصدقاء زوجي كانت العلاقات مع عوايلهم حلوه وبعدين صارت ماينطمع فيها وفيها المقطوعه وفيها شبه المقطوعه
حتى اللي كنا مانصبر لاحنا ولا عيالنا من بعض اسبوع واحد تغيرو ماصار يحبون الخرجات ولا الجمعات ناس توظفت وناس رجالهم دخلو بتجاره ماعادو فاضين للاجتماعات
مره تعرفت على وحده في مدرسة بنتي وكانت من نفس مدينتي سولفنا وارتحنا لبعض كثير وتبادلنا الارقام لكن طريقة حجابها وهي خارجه لفتت نظري وبصراحه ماتشرفني عالنوعيات يدخلو بيتي ابد فصرت ماارد على مكالماتها لين بطلت تدق نهائي


ومع كل ذالك انا اقولك مو مبسوطه بالانقطاع اللي انا فيه لكن ماني متذمره كثير يعني مرتاحه يمكن لاني انسانه مو اجتماعيه بقوه او بمعنى اصح حريصه اني مااكون علاقة صداقه يجي يوم اندم عليها
هم ثنتين من صديقاتي ايام الجامعه اللي اتمنى من قلبي اقابلهم لو مره وحده ويارب يحقق لي هالامنيه قريب لانهم اللي فعلا احسهم اخوات من قلب والصداقه لها عندهم قيمه ولا منعني من وصلهم الا ارقامهم اللي فقدتها وفقدت معها صديقات صدوقات لكن املي في ربي كبير اننا نتقابل وقريب باذن واحد احد

انا مثلك مو صداقاتي معدومه لا
اصلا من تزوجت ماعندي ولا صديقة

وعرضت مشكلتي قبل
انه وحده من اللي تعرفت عليها من بعد الزواج طبعا
كانت تساغلني والله اعلم وكانت تقول ابي اجي عندك بس بشرط بناتي يسبحون بالمسبح ؟؟؟
والمسبح لاهل زوجي مب لي واحرجتني والمشكلة اخت زوجي ماتبيهم
طيب وتركتها ولاعاد دقيت عليها ودقت مرة علي ولا رديت

االثانية
رحت لبيتها وبعدها عزمتها واكرمتها وحطيت لها سفرة من الى
وتخيلي ولا اتصلت بعدها ولا رسالة ولا بالخطأ وكلامها مو مضبوط يوم جت عندي مدري وش فيها كأنها انقهرت ان مني والله اعلم مدري وش جاها واذكر يوم جت عندي للبيت قالت بعذرك ماتطلعين لانها سألتني قبل ويوم تروحين قلت ولا مكان مااطلع قالت مستحيل ويوم جت وشافت بيتي
قالت بعذرك ماتطلعين ولا شي وعندك هالحديقة ومدري وش ولا قالت ماشاء الله
عموما ومن طلعت من الباب ما اتصلت ولا رسالة ولا شي مدري لية
وصار لها سنة
عموما ترى الافضل لك بدون صديقات لانهم مايجيبون الا المشاكل وقيل وقال والحسد والله يكفيك شرهم

اذا انتي بالرياض ممكن اخليك تتعرفين على اختي لها 15سنه بالرياض بدون صدقات ولاشي واختي ونيسة وفله اذا حابه كلميني خاص