عاده سيييئة عودت زوجي عليها .. شاركوني

سبحان الله وبحمده سبحان الله العظيم

موضوعك روعه تسلمي

عودته اني اذا رحت مطعم استحي اطلب اللي ابي واقوله اي شي والحين صار ياخذ المنيوم ويطلب ولا يفكر يسالني

هههههههه وحليلج ضحكنيني

كوني انا اشتغل ومعاشي تقريبا نفس معاشه كنت افكر رح اخذ معاه فلوس او لا وكنت احاتي يتعود يكون رافع ايده مني بس قلت لا والف لا مش بخل فيني بس فكرت انه لما بترك الدوام كيف رح يصرف علي.....

فصرت لما اخيط عبايا اعطيه الفاتوره واقوله طلعهم ع دربك ماعدا انا اسوق ونفس الحاله الملابس

والبيبي بعد لما اروح المول هو يدفع اغراض النونو صحيح بين فتره وفتره انا اروح بسيارتي واشتري علشان مايقول بخيله واشتريله ساعات هديه مني وبعد علشان مايقول هي ماسكه

احيانا لما ابي اروح الصالون اقوله وانت جاي البيت اسحبلي فلوس مب ساحبه فلوس يعني باي طريقه بين فتره وفتره اخليه يدفع

هذي نصيحتي للي يشتغلون



نصيحه تخلوهم يساعدونكم في البيبي ومسكتهم لما يرجع زوجي من السهر اعطيه البيبي وانا اتمدد او انزل عند امه وخواته اغير جو اقوله امسكه ابي اغير جو فصار الحين بنفسه يقولي هاتي انتي ارتاحي

مثلا نص الليل اذا النونو بكى اتعمد ما اقوم علشان هو يفز ويمسكه بعدين يعطيني بس اكيد مش امسخها

وللاسف ماعودته عالهدايا بين فتره وفتره يجيبلي بس مايقصر بدل الهدايا يطلعني كثير ربنا لك الحمد

حلو موضوعك ...

انا اللي عودته عليه عيالي مايعرف لهم ولايعرف ويش يبغوون واللحين باديه اصلح الموضووع بس المصيبه العيال مايبون الا انا ...

اما من ناحية تغيير اماكن الاثاث قعدت قرابة ثلاث سنين وانا ابيه يساعدني بنغير اماكن الغرفه ويقول عادي حلو كذا ليش تغيرينه ولما تعبت رحت بلحالي اسحب وادفدف واغيرها عاد لما جاء ابسط حيل قال تو ماطلعت شكل الغرفه حلو التغييير <<<ووينك ماغيرتهن ياالحلو اول ...

عاد اللحين اخذتها عاده ماقوله شي ان بغيت اغير نقزت وغيرت بلحالي ....
هو عودني مو انا عودته..