السلام عليكم و رحمة الله و بركاته
بدخل في الموضوع على طول
انا متزوجة صار ليي سبع سنين و عندي ثلاث عيال ولدين و بنت , في بداية زواجي كنت أحس زوجي يحبني و ملهوف علي بس ألحين بعد ما جبنا العيال أحسه تغير و ما عاد نفس قبل يجيني بلهفة يعني عادي عنده يمر شهر بدون ما ... و دايم أسأله تحبني و يسكت عني هو أوقات يقول لي يحبني بس ما أحس بحبه
و تجرأت و قلت له ما تجيني و تقول لي أبيج نفس قبل يقول لي لأنج مشغولة دوم بالعيال و اذا فضيتي تعالي لي أنتي و على ما أخلص من العيال و أروح له يكون في سابع نومة
أحس نفسيتي تعبت منه و أحس روحي مو مقبولة بالنسبه له و ساعات أحس أني مقرفة بالنبسة له
هو مخلي شغل العيال كله علي أنا الا ألبسهم و أسبحهم و أأكلهم و أدرسهم و كل شييي يخصهم عليي حتى قلت له ساعدني عليهم عشان أخلص بسرعه و أتفرغ لك بس ما يرضى يقول مو شغلي
و هو بعد ما يحب العيال و كله يتنرفز و يضايق منهم و انا خاطرييي كلششش أني أجيب طفل رابع بس هو مو راضي و على طول يستخدم العازل وقت المعاشرة و كله خايف أني أحمل و اذا جبت له طاري العيال و أني أبغى أحمل يزعل و يعصب علي و يخاصمني
و بعد أيام زمان كان يدلعني و يراضيني اذا زعلت و ألحين عادي عنده أزعل و أصيح و يحقرني و ينام عني و يوم ثاني يسولف عادي و لا كأنه صاير شي
تعبت من زوجي و نفسيتي تعبت منه وش الحل معاه ؟ شلون أقنعه اني أحمل و شلون أخليه يحبني و هو الا يجيني و يطلبني:44::44:
سامحوني على جرأتي بس كاتمة كل هذا في قلبي و ما لقيت أحد أفضفض له الا أنتو
شاركي في النقاش
سجلي الدخول لإضافة تعليق.
التعليقات
24- واضح في ملل في حياتكم انتي غيري الروتين نظمي وقتك اذا تقدرين جيبي شغاله تساعدك وتفرغيله خلاص مايبي تحملين انتظري لان اتوقع لو تجيبين مولود تزيد حياتكم للاسوا
- ياختي خلصي شغل أطفالك من بدري وخليهم يتعشون وينامون بدري
وخلي لك وقت مع زوجك لوحدكم
ومدام زوجك مايبيك تحملين خلاص لا تحملين
وغيري روتين اليوم
والله يهنئك حبيبتي
دائم الحياه تمر بملل بس الواحد يتفاداه بالتغيير
الله يسعدك يارب ويحنن قلب زوجك عليك - الحين انتي تبين الحمل وانتي اصلا مو فاضيه لزوجك وتتشكين عشان كل مسولية العيال عليك بلله ماتبين زوجك يتغير مهمله زوجك وطول وقتك شغل البيت والعيال وطلباتهم وفوق هذا تبين الحمل الله يهديتس ظبطي وضعك واهتمي بزوجك حسسيه انك مهتمه فيه قبل لاينفر منك وساالفة الحمل ملحوق عليها الله يسعدك ويوفقك
- لازم يا حبيبتي تنظمين نووم أطفالك مثلا على الساعة عشرة مخلصة من مذاكرتهم وعشاهم
بعد ماينامون جا وقتك الخاص لك ولزوجك تزيني وتعطري ودلعي نفسك وافضي لزوجك حرام يضيع وقتك كله لاولادك وهو اخر اهتماماتك واذا عجزتي ف ترتيب نومتهم دخليهم غرفتهم وشغلي لهم مغامرات او بلاستيشن وألعاب وقفلي الباب عليهم وشوفي حال المسكين وعطيه من حنانك وربي يسخر كم لبعض وترى هذا الفتور طبيعي لاتخافييين - الله يننووولك اللي ببالك
مواضيع مشابهة
تابعي تجارب أخرى من هذا القسم.