قبل لا تبدي بالاسهم لازم تحطي ببالك انك تربحي قد ماتخسرين و ممكن الربح يفوق الخسارة ويغطي عليها
او العكس تكون خسارتك كبيرة و توصل لراس المال
انا بالاسهم من ايام النكبة 2006 وياما خسرت فيها وعلى قد ماخسرت كسبت
تقدروا تقولوا ادمان لكن فيه خطوات لازم تحطيها ببالك
1-اهم شي تدخلي بالشركات النقية حتى يكون رزقك حلال باذن الله
2-انتبهي كثير من المطبلين للاسهم الخسرانة او اللي يصرفون اسهمهم عليكم بمعلومات كاذبة
3-لاتدخلين بكامل راس المال لازم يكون عندك سيولة حتى تفيدك وقت الطواري
4-انتبهي تلحقي سهم بعد ارتفاعات قوية لان السهم بيكون في قمة وخطورة التصريف فيه قوية
5-اشتركي بالبرامج المساعدة لتحليل الاسهم مثل الاتجاه برو
6-لا تستعجلين على الربح وخليك مستثمرة قصيرة الامد خاصة للي ماعندها خلفية بالمضاربة
7-حطي في بالك ان سهمك راح يرتفع مهم طال نزوله لكن ماعليك الا حاجتين
الصبر والتعديل في متوسط السعر
8-اشتغلي بالنص تكسبي بدون خسارة وهي بيع النص في حال الارتفاع للحفاظ على راس المال وتنجين من فخ التعليقة
اهم شي القناعة و المحافظة على راس مالك وباذن الله تكسبين من كبست زر
والناس تربح بربع ريال ونص ريال لكن اهم شي القناعة ثم القناعة
اصبحت تاجره من الاسهم
متابعة النقاش، صفحة 5