خدامات متهمين بعض بالسحر والسحر قاتل ؟ مساعدتكم مخي مشوش

السلام عليكم 
عندي مشكلة 
انا عندي خادمه اندونيسيه بعد شهرين تكمل سنتين 
عادي تشتغل وتاخذ حقوقها وكل شي 
واهلي عندهم خادمه من نفس الجنسيه الان لها السنه الرابعه تشتغل عندهم

الان خادمة اهلي فجر السبت قالت لأمي 
ان خادمتي مسويه لها سحر وتبي تقتلها بالسحر 
وخوفتها بعصفور وحمامه ماتو بسبب السحر 
وفعلاً بيت اهلي مات عصفور زينه و حمامه خارج الفيلا 
وتقول انه جني مرسلته خادمتي لها بالحمام اعزكم الله وانه كان يهددها بالموت هي وبنت اختي طفله صغيره وهي مقيمه عند امي بحكم دراستها!!

وغير كل هذا خادمتي كانت طالبه انها تجلس كم شهر زياده بعد السنتين 
الجمعه تفاجأنا انها تقول ابي اسافر على كمالة السنتين فوراً !!


الخلاصه الان 
انا مخبوصه وقررت اسفر خدامتي 
وخايفه منها على نفسي وعلى عيالي 
بس اللي مخوفني اخاف تكون عامله شي ومخبيته 

وطبعاً ما ابري خادمة اهلي لان احس انهم متأمرين 
كيف افتشها ؟
واللي عنده رقم مفتشه ممتازه وجريئه تعطيني الرقم 

هل اصارح خدامتي واقول ان هذيك قالت عنك كذا وكذا ؟

وارحلها وبس ؟


احنا خفنا على الاطفال عقب سالفة الطفله تالا وانها ذبحتها كـ قربان 

لانها كانت تقول انه بتسوي سحر يقتل ومن هالحكي ؟ 


عطوني رايكم نبهوني لاشيا غفلت عنها
ابي مساعدتكم


واللهم اكفنا شرهم وابعدهم عنا واجعل كيدهم في نحرهم 

5 تعليق 828 مشاهدة

شاركي في النقاش

سجلي الدخول لإضافة تعليق.

التعليقات

5
  1. @q_00_p

    الله يحفظكم ويحفظنا من شرهن أنا مثلك يا أختي عندي خدامه بتمشي بعد اربع شهور واللي عند أهلي بعد شهر 
    والله الفكه منهم غنيمه بس الضروف علشان عندي طفل من ذوي الاحتياجات الخاصه بس إدعو تكفون تنجح عملية ولدي ويطلق لسانه ويفصح بيانه يارب
    حبيبتي إستودعوا أنفسكم وأطفالكم الله وشغلو سورة البقره وأبشري بدور لك على رقم مفتشه وأرسله لك
    دعواتك
  2. @ghyor_yosf

    الله يحفظكم من كل شر توكلي على الله بكل شي

    وأقرأي الأذكار وحوالي تحصين عيالك بعد

    ونصيحه سورة البقرة شغليها يبطل كل شي

    ولا توسوسين والله بعض الاندنوسيات انه ابرك من أي جنسيه

    هي نصيب

    إذ بغت تمشي لا تأخذ أي شي غير لبسه أعطيه فلوس بداله

    وجيبي مفتشه تلقينهن عند المطار اسألي العسكر

    تنفضها نفض الله يكفينا شرهن
  3. @om_safsaf

    الله يفرج همك ويحفظكم 
    حاسه فيكي حسبي الله على اﻻندنوسيات حسبي الله ونعم الوكيل
  4. @hhmh_aaalyhh

    q-00-p
    الله يحفظكم ويحفظنا من شرهن أنا مثلك يا أختي عندي خدامه بتمشي بعد اربع شهور واللي عند أهلي بعد شهر  والله الفكه منهم غنيمه بس الضروف علشان عندي طفل من ذوي الاحتياجات الخاصه بس إدعو تكفون تنجح عملية ولدي ويطلق لسانه ويفصح بيانه يارب حبيبتي …
    هلا اختي انا بعد عندي طفل من ذوي الاحتياجات الخاصه ومايتكلم نفسي اسمعه يتكلم عمره13 سنه تكفين أيش هي عملية ولدك وأي مستشفى شخصتيه عنده عسى ربي يفرحك بسلامته يارب
    أعتذر لصاحبة الموضوع خرجت عن موضوعها
  5. @lolo_lyony

    صاحبة الموضوع
    والله انا خايفه ومرعوبه وهل فيه تفتيش بالمطار ؟ 
    لان ودي افتشها زين والله شي مرعب 
    الله يكفينا شرورهم ويسلط عليهم من يأذيهم مثل ما اذونا وروعونا 
    حسبي الله ونعم الوكيل فيهم 

تابعي تجارب أخرى من هذا القسم.