الي عندها خبره في تموين المطبخ وميزانيته وافظل مكان لتسوق الغذائي

السلام عليكم ورحمة الله وبركاته

حبوبات انا كل شهر نشتري اغراض المطبخ والمنظفات والورقيات في بداية الشهر ومع ذالك نبقى على طول الشهر نشتري نواقص
الحين زوجي يقول انتي تحملي مسؤلية التموين والازم تشترين اغراض شهر كامل من الى ومستحيل اشتري شي من برا الا الخبز فقط او الخظره والفواكه الي تفسد بسرعه

فانا ابيكم تساعدوني كيف اامن اغراض شهر كامل وافظل متجر لتسوق الغذائي من ناحية الجوده والاسعار مع العلم دائما اغراضنا ناخذها من بنده او العثيم

عدد افراد الاسره 7 انا وزوجي واعيالي كلهم في المرحله الابتدائيه وتحت

اقتراحاتكم لقائمة الشراء كم يكفي فلوس
فسحة المدرسه سبعه اريال لكل طالب وعندي ثلاثه طلاب هل تكفي اوكثير وش تقترحون
كيف اسيطر على تموين المطبخ واتاكد انه راح يكفيني لاخر يوم في الشهر
هل الف اريال تكفي تموين كامل للبيت المطبخ والمنظفات والبلاستيكيات لانه استخدم اصحون البلاستيك والاكواب الورق لتقديم السريع ولاكل العيال عشان اقلل من كمية المواعين الي تحتاج غسيل

اتمنى القى تجاوب سريع لانه بكره راح انزل اتقضى

38 تعليق 26,326 مشاهدة

شاركي في النقاش

سجلي الدخول لإضافة تعليق.

التعليقات

38
  1. @allydy_abl

    مرحبا اختي
    انا ماسكه مونت البيت كلها مع اغراض عيالي كلها ونفس عدد اسرتك وزياده الخدامه
    لمونة المطبخ والاكل ولوازمه كله من منظفات وصوابين اشتريها من محل الرجبه في الرياض بحي البديعه جنب الهزازي تقريباً افضل محل رجبه شفته بالرياض لاني دخلت اغلب محلات الرجبه ويسوي عروووض ورخيص مرررره اطلع حسابي ٨٠٠ ريال لشهر وزياده والخضار والفواكه تقريباً اسبوعياً اجيب
    وفسحة العيال صراحه كثيره انا اسويلهم ساندوتشات واعطيهم حليب ومصروف ٣ ريال بس
    واذا عالبلاستيك روحي لمصنع الغيث وخوذي منه بالكرتون ارخص واوفر
    وفكري بغسالة الصحون لانها راح توفر عليييك البلاستيك ولو تحسبين بالسنه كم يكلفك االبلاستيك راح يطلع سعر غسالة صحون واذا تقولين مالها مكان بالمطبخ انا حاطتها فوق الرخام جنب المجلى( المغسله)
    ونصيحه قبل تنزلين تتقضين سوي لك لسته بالمقاضي عشان ماتنسين شي وماتاخذين شي ماله داعي
    واتمنى اني افدتك بلو شي بسيط
  2. @never_broken

    كلام الليدي ابل صح ما قصرت و خاصة الاواني البلاستك الغيها اوفر لك
    بدون ما تجهزي قائمة باحتياجاتك الشهرية اكيد حتطلع اشياء ناقصة
    فانتي لازم تعملي قائمة بالاشياء الي تحتاجينها
    و اعتقد ان وضع قائمة بالوجبات على مدى شهر كامل ( غدا و عشا ) راح يوضح لك بالضبط احتياجاتك
    اذا كان عندك مستودع او ارفف حتى فكي نفسك و اشترى الاساسيات بالجملة
    مثل الرز السكر الصابون ( لمواعين و الملابس و حتى للجسم ) الملح الاسفنج المنظفات انا اخذ الي يكفي لست اشهر
    بعدين حيبقى عليك الاحتياجات الشهرية للمطبخ و الي تتحدد حسب جدول الوجبات الي وضعتيه
    و راعي انك تقللي من عمل الحلى قدر الامكان لانه مليان سكريات و دهون ويضر اكثر ما ينفع و غير كذا مكلف

    انا رتبت ميزانية المطبخ سبحان الله بعد ما حددت الوجبات (فطور غدا عشا حلويات ) و قعدت احذف منها الاشياء غير الصحية و استبدلتها بخيارات صحية و تفاجات بالتغيير الهائل في كل شي حتى من ناحية التوفير لان غير الصحي مكلف

    مثلا استبدلت القلي بالشوي بالفرن **الغيت معظم اصناف الحلى الي كله قشطة و دريم ويب و مغثة و عملت بداله انواع ميلك شيك صحي و سلطات فواكه و عصير طازج فوشار شرايح بطاطا متبلة مشوية بالفرن و ايضا انواع خضار طازجة مع تغميسة ( خيار خس جزر فلفل ملون ) صحي و خفيف


    طولت عليك .. بس مثل ما قلت لك حطي اولا قائمة وجباتك و حددي احتياجاتك

    موفقة امين
  3. @ashrakt_shms

    صاحبة الموضوع
    جزاك الله خير يلغاليه ماقصرتي
    غسالة المواعين عندي بس استخدامي لها قليل لانها ماتشيل القدور الكبيره والصحن حق غداء الاسره كمان احيان تكون المواعين قليله المهم عجزت اتاقلم معها
    المحل الي قلتي عنه ماعرف والبديعه بعيد علي انا جهة الروضه والنسيم وحولهم اذا فيه قريب من عندي خبريني راح تعرفين من كيستهم عادتا المحلات يكتبون الفروع حقتهم على الكيس
    طيب حبوبه المقاضي مشكلتي مع المقاضي وش اخذ وكم يعني كم دجاجه كم صحن صدور دجاج جبن زيت وغيره وغيره يعني مشكلتي الاساسيه ماني عارفه كم يكفيني لمدة شهر من كل نوع
    واكيد استفدت منك يلغلا
  4. @ashrakt_shms

    صاحبة الموضوع
    Never broken
    كلام الليدي ابل صح ما قصرت و خاصة الاواني البلاستك الغيها اوفر لك بدون ما تجهزي قائمة باحتياجاتك الشهرية اكيد حتطلع اشياء ناقصة فانتي لازم تعملي قائمة بالاشياء الي تحتاجينها و اعتقد ان وضع قائمة بالوجبات على مدى شهر كامل ( غدا و عشا ) ر…
    هلابك يلغاليه ماشاء الله لاقوة الابالله كيف قدرتي تحددي وجبات شهر كامل انا هاذي مشكلتي اصلا احتار في اليل وش راح اطبخ ويني وين شهر كامل
    بنسبه للحلا انا مااسوي حلا خير شر اكتفي بشوكلت الجاهز
    طيب عندك الاجبان مثلا كيف اعرف كم يكفي الزيتون التونه الرز عارفته والبصل والمكرونه بس اشيا ثانيه كثيره ماعرف احدد كميتها انا اول مره احاول اسوي مئونة مطبخ لمدة شهر كامل صحيح كنت اطلب الظروريات كل اول شهر بس يبقى اي شي ينقص في اي وقت نروح نجيبه وهالمره المطلوب انه ماينقص شي ابد
    زوجي يقول احسبي عدل لاتجوعينا والا تعبين المطبخ وكان الاسواق انقرظت
  5. @ghyor_yosf

    هلا وغلا انا تموين بيتي كل شهرين واكثر

    أقولك طريقتي تعلمته من أمي الله يطول بعمرها

    اشري رز الكبير ٤٠ كيلو النوع الي احبه وهو بسمتي المها واحيانا ألقى تخفيضات

    حول الجوده وكيس سكر الكبير ب١٢٠ ريال فيه ٥٠ كيلو ونصيحتي خوذي خشن اطعم

    والبركه احسه أكثر وقهوه ١٠ كيلو وفيه نوع الصفوه ب١٦٠ الحين تخفيضات ونوع ثاني

    الجبير وكرتون معجون طماطم وكرتون زيت وحليب النوع الي يشربون وكرتون ملح وكيس صابون كبير فيه نوع يشبه

    التأيد تو لقيته ينظف والكلور ركس وصابون المواعين اشريه جوالين كبار ومنعم الملابس

    وصابون اليدين السائل بعد جالون كبير فيه ٢٥ لتر الواحد ب٤٥ ريال

    هذولي يكفنك من ثلاث إلى اربع شهور

    يبقى السفر والأكياس خوذيهن من الجمله

    الدجاج اشري كرتون والسمك من الجمله ميل خيشت الرز الكبيرة أخذها ب١٥٠

    يكفيكم شهر واللحم الشهر الثاني اشري ذبيحة أوفر لك او من الي عند العثيم تلقينه

    كامله ب٣٠٠ مكانهم تحت الكبري الي عند البطحاء

    هالاغراض حوالي ١٥٠٠ إلى ٢٠٠٠ انتي وشطارتك

    الشهر الي بعده. راح تدفعين ٤٠٠ بس

    الفواكه والخضر كل جمعه حنا نجيب بقيمه ٥٠ ريال وأحلى عيشه

    أتمنى ان تستفيدين من جدولي وأنا وأمي

    موفقه يارب

تابعي تجارب أخرى من هذا القسم.