أحتاج رأيكم

أنا عضوة جديدة متغربة من 5 شهور في الامارات لا أعرف أحدا هنا ولا
أجد من أفضفض له مشكلتي حتى ينصحني

أرجو أن تتقبلوني بينكم
والآن إليكم مشكلتي وياريت تفيدوني بنصايحكم

كنا ببيت واحد أنا وزوجي وأخ زوجي ومرته واولاده بنتين صغار

وأشهد بالله كانوا يعاملونا أحسن معاملة ولا أنكر

ولما انتقلنا لبيتنا كنت أحاول قدر المستطاع أردلهم أي جميل عملوه إلنا

لكن تغير كل شي

طبعا أخ زوجي بإمارة أخرى تبعد عنا ساعة أو أكثر

بيوم قدم أخ زوجي لبيتنا لأنه عنده شغل بإمارتنا ونام في بيتنا يومين

بعد يومين روح بيته بدون حتى مع السلامة

بعد مروح باسبوع عرفنا انا وزوجي انه زعلان مني واني ما قابلته منيح وصار موقف والكل لامه من اهله وعرف خطأه
هلا مشكلتي مع سلفي اخ زوجي بما انه عرف خطأه ( مع العلم انه ما اعتزرلي أصلا ) طنشتها

لكن مرته بتكتب كلام مباشرة بالفيس بوك بعد المشكلة الي صارت بدون تحديد الشخص المقصود بكلامها :-
انو في ناس حرام تتعامل معهم وما بستاهلوا رضاك ومن هالحكي

انا رديت باسلوبي بصفحتي كلام خاطرة فيما معناها ان الصمت أعظم لغة
راحت هيا بعد منزلت البوست بصفحتي تاني يوم مباشرة كتبت تاني برده :-
انو في ناس زي الحشرات حرام تتعامل معهم وبدوس عليهم ولا فارق معي اصلا .................

انا رديت بوست بصفحتي كتبت لن أعاتبك يوما ولكني لن أسامحك أبداا ومعها صورة بس ....

وتأكدت بعد هيك من أسلوبها بالكلام معي إنها قصداني بكلامها بدون معاتبها طبعا ،

هلا أنا مشان خاطر زوجي رحت زرتهم بالبيت هما كانوا يجوا ويناموا عنا ليلة بزياراتهم
بعد الي صار قلت لزوجي انا رايحة عليهم بس مشان خاطرك مشان هيك بنروح ونرجع نفس اليوم وما بنام عند حدا وهدا الي صار والحمد لله

هلا المشكلة هل أنا مكبرة الموضوع أكبر من حجمه مثلا كوني مو متقبلة احاكيهم اصلا ولما بحاكيهم بكون معصبة بس بروق حالي قدامهم بالغصب ، وانو هيا كمان ناوية تطلع تعتمر هيا وزوجها وتترك اطفالها صغار عندي كم يوم ليرجعوا ، وأنا ما الي نفس احكي معها بس واجب وزوق ومفروض عليكي مشان خاطر زوجك ومش حعرف أعتزرلها عن حضانة أولادها لتعتمر أصلا بس انا وياها بالغربة وهيا بإمارة أخرى

طيب وبعد الي كتبته هيا شو يكون موقفي صح الي عملته ولا لا حدا يفيدني ؟ وآسفة للإطالة

9 تعليق 725 مشاهدة

شاركي في النقاش

سجلي الدخول لإضافة تعليق.

التعليقات

9
  1. @ramooshi

    عنا متل بيقول افركي بيعنهم بصلة و اعملي الشي اللي مو متوقعينه منك
    واللي هو انك تخلي الصغار عندك بكل رحابة صدر لوجه الله أولا
    تانيا كرمال زوجك وتالتا لأنك ذكرتي كرم ضيافتهم الك بالبداية
    وما بقلك سلفتك صح كلامها أكيد غلط بغلط بس انتي طنشتيها خليتها قد النملة قدام حالها
    لانه ما كتبته إلا لتقهرك وتوصلك للي انتي فيه هلاء
    انتي فيكي تصغريها قدام حالها اكتر بانك تمشيها وتخلي الصغار عندك قد ما كان هاد عمهم واجب عليه يفتحلهم بيته بغياب أهلهم ... وأنا واثقة انك رح تحسني معاملتهم وتخافي الله فيهم هاليومين
    وشوفي بس أجرك عند رب العالمين
  2. صاحبة الموضوع
    تسلمي عردك ريحني كثيـــــــــر وإني ماشية صح والحمد لله أنا فعلا لما رحت عليهم تعاملت معهم رسمي جداااا

    وبالنسبة للأطفال طبعا هدا واجب عليا لأنو بيت عمهم أول شي و لوجه الله و رد جميلهم

    مشكورة أختي
  3. @bnot_ghyr

    وش لك بالكلام الغامض والمبهم
    انتي اذا ماكلمتك وجها لوجه لا تردين عليها باي كلام
    علشان لاتعرف انك فهمتي شي من تلميحاتها
    خليها تكتب الي في راسها
    ولا كنها موجوده ماعليك منها
    اكتبي كلام بعيد عن تلميحاتها خليها تموت بغيضها
    وبالنسبه للعيال قولي ياليت توفرون شغاله تساعدني بعيالكم لين ترجعون بالسلامه
  4. صاحبة الموضوع
    انا كتبت رد مغاير تماما لردها وكل شخص بعكس وجهة نظره بردوده
    انا ما فهمتها اني فاهمة منيح كلامها طنشت بالعكس رحت اتصلت عليها المسا تكلمت بس اسلوبها كان متغير عن كل مرة
    و بزيارتنا المعاملة كانت رسمية من الطرفين

    بالنسبة لموضوع الشغالة ما أقدر أطلب هيك شي ولو جابتهم بتعامل بما يرضيه ربي

    شكرا عمرورك اختي

تابعي تجارب أخرى من هذا القسم.