يابنات الحقوا علي قبل لاانجلط من الظلم

الله يفرج همك طنشيه وروحي صلي ركعتين لله وادعي ربك الشيطان علا راسك الحييين تعووذي منه وذا فالنهايه زوجك وشريك حياتك وانتي لاعاد تناقشيه ابد خليه ع راحته اذا جاك اهلا وسهلا ماجاك مع السلامه مصيره يتغير ويحن قلبه والله التطنيش يريح وربي

غلطتك يوم سكتي على مدة اليد انتي غلطانه كيف نرقعلك الموضوع الحين مافي الاحل واحد تروحين بيت اهلك ويتفاهمون معه على مدة اليد وتشرطين عليه بالعدل والا ليه تزوج وهو ظالم وليه مشرطتيه عليه بالعقد عن تقسيم ايامك

أنتي تبين تأدبينه وتقرصينه على قولتك
توكلي على الله هو اللي يأدبه ويقرصه لك خليك مع الله وتشوفين كيف طنشي واسكتي لاتحارشينه بتندمين
خلي ربك هو يتكفل بك ويرجع كرامتك تتوقعينها صعبه على الله
ولا والله
خلي ربك هو اللي يأدبه بس توكلي عليه قولي وكلت امري يارب
وريحي راسك من التفكير وسامحيه مو علشانه علشانك علشان ترتاحي والله مو ظلام للعبيد
يعني بخذ حقك منه حتى لو سامحتيه وربي وربي اسمعي كلامي وخليك مع الله وتشوفين كيف
اقسم لك بالله اعرف وحده اصعب من ظرفك اللي انتي فيه سوت زي ماقلتها والله شهر وربي اكرمها بزوجها واعتذر لها وصار كل اللي تبي كانت تشكي لله وتتكلم مع الله كانها تحس فيه وربك عوضها دعا واستغفار وصدقه وتشوفي كيف يصير لك زوجك

الله يجزاكم خير الجزاء يابنات

كلامكم كله منطقيه ولو ان كل وحده تنظر للمشكله من زاويه معينه

اما انا انظر لها من الزاوية الي اشوف انها تأدبه ولاتضرني ولاتشمت عدواني فيني والله الذي لااله الا هو مامصبلاني الا حاجتين حبه لي بجنون ومايرتاح لين ارضى وانه مو مقصر بالبيت ابددددد ويحب عيالي واهلي

وخوفه من الله


اليوم ماتصدقون ش الي صار

طول الليل ادعي دعاء الكرب والادعية الي لها فضل ودعيت الله يجيبه لي نادم ذليل بين يديني وياذخذ حقي منه ويأدبه بأدبه سبحانه


ومانمت للحين وربي ماقدرت انام من الهم والزعل لاني نمت بغرفة ثانية وتركته ينام لحاله وخفت انام على زعل سمعت تسبب جلطة او موت دماغي لاسمح الله

المهم جلست ادعي واصلي وولدي مو راضي ينام بعد واشغلت نفسي بولدي وارتتتتحت مررره يوم نزلت الموضوع هنا بمنتدانا الغالي (عالم حواء) واشغلت نفسي بالردود وجلست افصفص كل كلمه من كلكاتكن ياغاليات هل تتناسب مع وضعي اولا لان لكل انسان وجهة نظر...

وفوضت امري لله وشوي حسيت ان ثقلت بالدعاء عليه قمت استغفرت وسامحته لوجه الله (لاكون من العافين عن الناس التي ورد ذكره بالاية الكريمة)

وقلت يارب ادبه بأدبك انت خير مؤدب واتني به نادما ذليلا لانه حرقننني ماكنه سوى شي


المهم غفيت شوي وصحيت قبل اذان افجر ودعيت بالفرج وحطيت له محلول العسل الي متعود يأخذه كل فجر وتركته له على الطاوله ووضيت وجلست على سجادتي

ماحسيت الا هو صاحي ودخل علي الغرفة يناظرني بترقب وانا ماطالعت فيه استغفر ثم جلس ولا ناظرته بعد اخذت مصحف وجلست اقرأ البقرة لاني متعوده اقراها بعد كل فجر وهو يحاول يلفت انتباهي له وانا مطنشه قام صحى الولد ويلعب معاه طنشت لين وضى وصلى السنة وشرب العسل وكشخ وراح الصلاة وانا طننننش

ومن يوم طلع اخذت الجوال لقيته حاطه ع التسريحه لانه اخذه مني وقت الزعل وهذي الحكة دايما يسويها يخاف فعلا اتصل على اهلي وقت الزعل

وعلى طووول اتصلت بأمي حبيبتي وعلمتها السالفة كلها

تأثرت وقالت اذا وصلت لهدرجة تعالي ونعطيتس الملحق بس وولدتس شتسوين فيه

قلت لالا طلاق ماافكر فيه بس ابي يكون عندتس خبر انه طقني ..؟؟

جلست تدعيلي وتهديني وطمنتها عني وسكرت

يوم خلصت الصلاة الا هو داخل البيت على غيييير العادة عادة مايجي بعد صلاة الفجر يروح لشغله من المسجد

وعلى طووول نط قدامي وانا مذهوله كنت بجلال الصلاة وعلى سجادتي وبيدي المصحف وجلس يقول حبيبتي دعيتي علي لايكون دعيتي

....؟؟

طالعته نظرات استهجان واستغراب ومارديت عليه بعدت عنه

حاول يكلمني طنشته عود جلس يلاعب ولده شوي الولد استفرغ وانتو بكرامه جلس يناديني بسرعه يبي مناديل

عطيته المناديل وطلعت من الغرفه ورحت للصالة اخذت تفاحة من سلت الفواكه وجلست اكالها وكملت قراءة قرآ،ن

وجا وراي للصاله يلاعب ولده ويناظرني ويقول قول لامك انا احبهااا مووت

طنشتتتته

قرأ اذكاره وجا يسلم علي رفضت قطعا عود راااح