استفسار للي في بداية زواجها عندها خدامه

دعواتكم بنات ان ربي يسهل امري ويتمم لي على خير يارب إذا فيه خير لي
بغيت اسألكم هل تفقد الزوجه خصوصيتها في حالة وجود الخدم؟ أو لا وجودهم عادي ومايأثر ..
خصوصاً أول الزواج يعني بيكون في البيت خادمتين وطباخه

احس اني مرتبكه وقلقانه او بالأصح مشتته مو قادره اثبت على راي
لأني كنت متخيله ان زواجي بيكون مثل البنات اللي بمجتعي عايشين ومستقلين بدون خدم

يارب اكتب لي اللي فيه الخير يارب

31 تعليق 3,984 مشاهدة

شاركي في النقاش

سجلي الدخول لإضافة تعليق.

التعليقات

30
  1. @kraft

    ماشالله تبارك الله خدامتين وطباخه امير ذى ههههههههه ما شالله تبارك ذكرت الله تراني تبين الصارحه
    اكيد مافيه خصوصيه وبتكوني مقيده بكل شي بس ترا حلوه الراحه ما تشيلين هم الطبخ وشغل البيت والكرف
  2. @alham_2009

    ليش خدامتين وطباخه !!

    اكيد مافيه خصوصيه ابداا حتى لو خدامه وحده انا مارتحت غير لمى سافرت شغالتي ولا عاد تدخل بيتي للابد ..
  3. @makltlk

    صاحبة الموضوع
    Kraft
    ماشالله تبارك الله خدامتين وطباخه امير ذى ههههههههه ما شالله تبارك ذكرت الله تراني تبين الصارحه اكيد مافيه خصوصيه وبتكوني مقيده بكل شي بس ترا حلوه الراحه ما تشيلين هم الطبخ وشغل البيت والكرف
    لا موب امير .. رجال عنده خير ماشاء الله
    مطلق وعايش لحاله في البيت مافيه إلا هو والخدم
    عياله عايشين عند امهم واحيان يجون ينامون عنده لهم غرف في البيت

    اخاف اقول مابي خدم واندم بعدين واخاف اسكت وافقد حريتي في بيتي والله اني محتاره ابي راي ثابت في هالموضوع
  4. @hoaaa_mtaab

    ماقلتلك
    لا موب امير .. رجال عنده خير ماشاء الله مطلق وعايش لحاله في البيت مافيه إلا هو والخدم عياله عايشين عند امهم واحيان يجون ينامون عنده لهم غرف في البيت اخاف اقول مابي خدم واندم بعدين واخاف اسكت وافقد حريتي في بيتي والله اني محتاره ابي راي…
    أكيد اذا قلتي ما ابغي خدم تندمين بعدين
    استخيري ما خاب من استخار
    واذا ممكن الخدم بجون بالنهار او اذا ممكن انت وزوجك تاخدون استراحة تكونو لوحدكم ... يعني الأفضل حل وسط مش كل الوقت مع خدم ومش كل الوقت بدون...

تابعي تجارب أخرى من هذا القسم.