كل وحده تحكي لنا قصة زواجها

انا انخطبت وانا في اولى متوسط وتملكت وتزوجت وانا ثالث متوسط زوجي من جماعتنا بس ماكنت اعرف عنه شي سبحان الله النصيب ولي تقريبا متزوجه 16سنه والحمدلله

الله يرزق كل محرومه بالزوج الصالح



سبحان الله وبحمده

السلا عليكم أنا زوجي يقرب لبويه من بعيد بس عمري ما شفت اهل زوجي ويوم من الايام صار زواج وحضرو اهل زوجي الزواج وشافوني ام زوجي وأخوات زوجي خققققو عليه وبعدها بأسبوع جو اهل زوجي وخطبوني وقتها كان عمري ١٩ سنه وزوجي والحين صار ليه اربع سنوات متزوجه وباقي ما حملت اللهم لا تذرني فرداً وانت خير الوارثين .........ومعليش اذا الكلام ملخبط بس اكتب من الأيباد ....

قصتنا قصه مدري وش تبي بس اهم ما فيها أني كنت احبه وهو بعد يحبني وفجأة خطبني اخوه تخيلو بالله وضعي والمشكله ان أمي وافقت والا تقنعني أوافق واناماابيه المهم جلس ثلاث اسنين وهو متأمل أني بأخذه عاد قال زوجي مافيه حل الا يجئ هو يخطبني ويوم جاعاد حاس الدنيا وبكل بساطه طردته أمي لانها تبي تزوجني اخوه وبعد صبر وإصرار مني ومنه جلسنا نستنا ثلاث اسنين ثانيه الين الله سخر أمي ووافقت لأني كنت استحاله أخذه وأمي مؤ موافقه عليه رغم أني كنت بنجن الا أخذه عاد الحب كان لاعب فيني هع المهم الحمد لله ربي جمعنا بعد معاناه ولي الحمد لله تسع اسنين الله لا يحرمني من تؤام روحي ولا يغير علينا

أنا يا بنات قصتي قصة والي تقراها تدعيلي دعوة من اعماق قلبها والله موجوعة ومكسورة
أنا خطبتني جارتنا لولدها وشفته وشافني وتملكنا وشبكنا وجلست بين الخطوبة وزواجنا ثلاث شهور تدرون كان طول هل فترة مكالمات واشيا حلوة ومعروفه فترة الخطوبة حلوة بنسبة لكل بنت خصوصاً عمرها ماقد حبت ولا تعلقت في شخص ما تصدقون وش كثر حبيته وكانت بينا تفاصيل ما تنسي خططنا لمستقبلنا وليوم الفرح تبعنا وشاركته في تاثيث بيتنا وكان كل الوقت اكلمه الجوال مايطيح من اذني تعودت عليه اكلمه الصباح وفي الليل اوقات يتغدا ويتعشا عندنا لدرجة اذا مر بسيارته واهو طالع من الدوام يضرب بواري كان مسوي جو بحياتي
بس المكتوب اكبر مني ومنه الله قدر علية وصار له حادث وتوفى وكان باقي على زواجنا اسبوعين
ما تتصورون وش كثر تعبت نفسيتي وتحطمت وانكسر خاطري شي لا يوصف الاحساس اللي حسيته
ابي منكم يا خواتي تدعون لي أن الله يجبر خاطري ويعوضني باحسن منه محتاجه لدعااااااااااااااء
والله يرحمه ويغفرله يارب