تجمع لتعليم اطفالنا على الحمام اكرمكم الله

انا موراضيه تجلس على كرسي الاطفال حق الحمام فديتها عمرها سنتين وتسعه شهور وتقول مافيه شي مافيه شي

امين يا رب :a_smil08:

امس قرأت كذا موضوع من المواضيع الخاصة بهادا الشي المكتوبة في المنتدى و قلت خليني ابدأ من امس السبت رسميا

المهم اتبعت نصايح المجربات اللي كتبو تجاربهم في المنتدى و استعنت فيها وفهمتو انو الحفاضة للأطفال و هو كبير و ما يصير يوسخها يصير وسخ يع و من دا الكلام
الين ما قللي شيلي الحفاضة ما ابغاها يع تضايقني
و فعلا شلتها ولبستو سروال قماش عادي زي ما نصو الاخوات في مواضيعهم

و صرت كل شوية اقولو شوف كيف انت شاطر كبير ما تلبس حفاضة لما تبغى تسوي .... تعال قول لماما وديني الحمام لا تسوي في حوايجك بعدين يصير يع مو حلو ياكلك العو و يقول طيب
و شجعتو و قلتلو اعطيك كذا و كذا و كل شوية اخدو عالحمام الله يكرمكم يوقف و يتحمس واحاول الهيه و اتكلم معاه عشان لا يطفش بس انا للي اطفش تقريبا عشرة دقايق و يقوللي مافي .... بطني فاضي ههههههههههههههههههه ضحكني الله يسعدو
كل نص ساعة ادخلو بس ما يسوي شي و لا سوا على نفسو الحمد لله بس خليتو كدا 3 ساعات بعدين انشغلت كتير و وصيت اخواتي ياخدو الحمام بس مارضي يروح معاهم يبكي يبغاني انا بس كمان شغلي كتير ما اقدر كل شوية اسيب و الا ماراح اخلص و كمان حسب ما فهمت من تجارب العضوات انو المفروض ما اجبرو اذا رفض يروح الحمام عشان لا يتضايق من دخلة الحمام و يكرها و يحس انو مجبور و كارهها قمت قلت خليني البسو حفاضة

بس يا عيني بالمضاربة مو راضي يلبس يقول يع انا كبير عيب ههههههههههههههه صدق حبيب امو
بالقوة لبسها بس اول ما لبسها سوا فيها و جا قللي سويت يع في الحفاضة شيليها ههههههههههههههههههههههههههههههههه





يلا معليش مو مشكلة كل شي يجي بالتدريج و على مهلنا ان شاء الله ما ورانا شي



ان شاء الله كل يوم ادخل اقرا تجاربكم و اقولكم ايش صار معانا عشان نستفيد من بعض

موضوووووووع جا بوقته صحيح


مرره شايله هم تعليم الحمام ولدي عمره سنتين و3شهور

منتظره الجو يبداا ونبداء والله يسهلها ومايتعبني

الغرام الحزين

ماشاء الله احس خطواتك صح وفي سنها هذا لازم لما تتطلعوا تلبسيها بامبرز ماراح تمسك نفسها بالشكل المطلوب زي الكبار حدهم اقل من دقيقة يمكن

وبرضو في المجمعات ويع الحمامات وياهي من زحمة قد سوتها على نفسها :eek:

لين الورد

روووعة حركة البالوانات من جد بجربها مع ولدي لان كنت مستصعبة كل شوية حلاوة بس انا اشجعه وابوها ونصفق ونسوي حفلة خخخخ الله يحفظه لك

غدي الا صح المفروض مانجبرهم على دخول الحمام

انا اليوم بعد ماصحي متحمسة بسرعة ابغى اشيل البامبرز وادخله الحمام على طول ومررررررررررة معند

لوقتكم هذا وانا احاول معاه بالطيب والكلام الحلو والتشجيع بس مرة ماهو راضي يرجع الحمام عاجبه وضع الحفاظة بس بحاول معاه

يختلفون الاطفال لكن رأيي غلط يلبس حفاظ وقت التعليم

يعني خلاص شلتي الحفاظ شيليه

خليه يحس بالبلل اذا سواها

يحس انه مسوي شي غلط

وفي الليل
قللي السوائل قبل النوم بساعتين

ولو عطيتيه عطيه شي قليل يجي ربع الكاسه بس تسكيته

وقبل ينام يمر على الحمام

واذا دخل في النوم وتعمق لبسيه الحفاظ

واذا قام من النوم شيليها ولاعاد يشوفها ولا يشوفك وانت تلبسينه اياها