تعالي اكتبي قصة عشتيها أو سمعتيها من اغرب ما يكون/ تعدى الحد المسموح له من االردود

متابعة النقاش، صفحة 254

شاركي في النقاش

سجلي الدخول لإضافة تعليق.

التعليقات

2,295
  1. هذي قصة صديق زوجي
    تعرف عليه زوجي تقريبا من سنه ونصف الرجال طيب وماعليه بس انه ماتزوج للحين
    واذا قال له زوجي ليش ماتتزوج قال خلنا نفلها لاحقين على العنا
    المهم قبل كم شهر طلعوا زوجي وصديقه دوره برا السعوديه
    وكانوا مع بعض واكتشف زوجي ان صديقه ذا مغازلجي بدرجه اولى ومعاه جوالات وارقام يكلم بنات كثار
    المهم انصحه زوجي وقال له الزواج استقرار وراحه مو نفس كلام الناس اللي تقول ان الحرمه بلشه وربطه
    وتحمس مع الموضوع وقال اذا رجعت السعوديه راح اخطب
    واخذ كم يوم يهوجس وقال لزوجي انا مستحيل اخذ وحده من مدينه ابيها من قريه ولا تعرف بهالعالم شي
    قال زوجي صعبه وين بتلقى وانت مالك قرايب بقرى
    المهم بعد مارجع للسعوديه وبعد كم اسبوع اختفى الرجال وزوجي يكلمه ويكلم اهله ما احد يرد راح لبيتهم وماحد يفتح
    سال جيرانهم قالوا لهم اسبوع مانشوفهم
    وبعد كذا اسبوع رجع الرجال ومتغيرررر حيل نحفان وحالته حاله ووجهه اسود
    وقال لزوجي رحنا لقريه قريبه امي تعرف لها حرمه هناك يبون يخطبون بنتهم
    وفعلا خطبوها وافقوا وبيوم الملكه يقول يوم خلصنا من العشاء وانا مدري ايش صار لي
    وماصحيت الا وانا بالمستشفى وخطيبته بعد صار لها نفس الشي
    وراحوا مشايخ وقراء وقالوا انكم محمول لكم سحر مرشوش
    يقول اربع ايام مانمت
    واخذوا اسبوعين وهم يراجعون مشايخ الرجال تحسن والبنت للحين
    حسبي الله ونعم الوكيل على اللي سوا فيهم كذا

تابعي تجارب أخرى من هذا القسم.