السلام عليكم ورحمة الله وبركاته
كيفكم بنات
انا من متابعاتكم بالمنتدى بس من وراء الكواليس وقررت اخيرا اشترك معكم حتى تفيدوني
طبعا انا متزوجه من تسع سنوات وربي ماكتبلي احمل لان زوجي عنده ضعف وقله بالحيوانات المنويه وهالشي ماحد يعرفه لا اهله ولا اهلي وانا دورتي مخربطه ..وكانت لنا صولات وجولات بالمنشطات والانابيب والتلقيح ... الحمد لله على كل حال
دورتي متأخره من فتره يعني من كم شهر وهذي مو بأول مره رحت للمرخه الشهر اللي فات وقالت لي ان رحمي تمام ومعتدل ومااحتاج تمريخ بس قالت لي استخدم عشبة المدينه وكف مريم عشان تنشيط للمبايض وزوجي استخدم عسل جبلي مع شوية حلبه
المهم مدري وش طرا في راسي قلت له جيب تحليل حمل فيرست ستيب اللي غطاه كحلي :biggthump
حللت طلع لي خط غامق وخط باهت جدا جدا حتى شكيت اني اشوفه كأنه ظل حتى زوجي بالغصب شافه وقلت له جب اثنين برضو اتأكد اليوم الثاني حللت واحد بطلعت الروح يبان
وجلست فتره لين الصبح وحللت نفس الاول خط غامق والثاني كأنه خيال ..فرحت وخفت في نفس الوقت .. ابغى اروح احلل دم بس خايفه اسمع كلمة مافي حمل من كثر ماسمعتها ..الحمد لله بس
قلت له جب لي تحليل من ابو عشره اللي بقطاره :pinklove:
حللت الصباح طلع خط واحد انصدمت وزعلت وراح جاب لي جهاز مثل الاول نتأكد وحللت صباح اليوم طلع برضو خط غامق والثاني باهت مثل الظل يالله تنشاف وكلها بالدقايق الاولى وهالكلام كله خلال هالاسبوع
اللحين مدري حامل والا لا حبيت تشاركوني من صار لها مثلي وليش يطلع باهت كذا يكون حمل ضعيف او باقي ماله اسابيع
اكيد بتقولون ليه ماحللتي دم وارتحتي ...والله خايفه ومتردده واحس حتى زوجي متردد زيي
بس أكيد باحلل بعد اسبوع:29:
طمنوني بنات من تجاربكم الله يجزاكم الجنه ويرزقني وياكم الذريه الصالحه يارب
شاركي في النقاش
سجلي الدخول لإضافة تعليق.
التعليقات
29- خربوطي للاسف هالجهاز سواها فيني
- جارتي حللت بول ولاطلع الاخط..
وحللت دم وطلعت حامل ..
تفائلي بالخير..
الله يرزقني واياك الذريه.. - انتي فيج أعصاب تتريين اسبوع !!!!! حبيبتي كثرة التفكير تتعب.
روحي بأجر سويً تحليل دم.
اذا حمل احمدي ربج. واذا مافي كله رزق من الله.
اتفائلي.
لاتنسين تبشرينا - ياعمري هالخط الي كانه خيال
مو شي دايم يسويها فيني
مع العلم اني مره حامل وسزيت تحليل منزلي
وطلع سالب ورحت المستشفى وطلعلت حامل
تفاالي
والله يفرح قلبي وقلبك وكل متاخره بالحمل السليم - الله يرزقك يااااارب وكل محروم حللي دم واقطعي الشك باليقين وارتاحي اذا فيه حمل الحمدلله واذا مافيه بعد الحمدلله كله من ربي وحنا واثقين انه مامنعنا الا لخير الحمدلله على كل حال يارب سر خواطرنا وارحمنا والطف بنا وارزقناااا ياكريم
مواضيع مشابهة
تابعي تجارب أخرى من هذا القسم.