تجمع كروووشات جده للمستشفيات الخاصه// استوفى الحد المسموح للــرد

حمد لله على سلامتك
وتتربى بعزكم ان شاء الله وعقبال ماتشوفيها عروووو
بسالك معليش
كاش او تامين؟؟
وادا تامين دفعتي زياده ع النامين او لا؟؟؟
لان كثير قالوا ان جميع دكتورات فقيه ياخدوا زياده عالتامين
وانا بصراحه ماابغى ادفع ررريال ابغى كله ع التامين


ثانيا
كم يوم التنويم
وكيف كانت الغرفه
والبيبي جبتيلها ملابس او لا؟؟؟؟

يا قلبي انا على التأمين و قالو انها تقبله ،، بس ما اعرف تاخد تبع الكشفية و لا التأمين يشمله ، و التنويم عادة التأمين واحد يوم و غرفة مشتركة غير اذا التأمين كان vip و ملابس البيبي هما حيلبسوه لبس المستشفى فانتي خديلك طقمين واحد لوقت خروجك و واحد احتياط .. بإذن الله اليوم راح اروح للدكتورة خديجة و استفسر منها على كل شي و اجي اقولك الخبر الاكيد ..

ام لولي
الدكتورة خديجة مرة طيبة وبشوشة وهي كبيرة في السن بس مدلعه نفسها ما شاء الله عليه ... انتِ روحي لها والله يكتب لكِ اللي فيه الخير 


ليتني طباخة
انا على التأمين ومادفعت ولا زيادة والدكتورة كانت على التأمين مو زي سحر وعفاف مو من ضمن التأمين وتتدفعي لهم زيادة 
والغرفة خاصة حلوة فيها سرير وللمرافق كنب ينفكـ ويصير سرير واهم شيء الحمام الله يكرمكم نظيف وخاص في ما احب المشتركة والممرضات كل شوي يجوا يطمئنوا عليك واذا فيه شيء تضغط زر عندك في السرير وتجي عالطول 
التنويم يومين بس انا اخذت يوم وطلعت ولدت الاربعاء الصباح وخرجت الخميس في الليل لان اولادي ماعندهم احد وغير كذا طفش جلست المستشفى مافي احد يجيك من الاهل لان اهلي كلهم برا جدة وخرجت على مسئوليتي بعد ما اطمئنيت على وضع البنوته ونتائج التحاليل الحمدلله سليمه وكانت في تحاليل ماتخلص الا السبت بس رفضت اجلس وقلت لهم ارجع لكم ورجعت لهم والحمدلله تمام وكتبوا لها مراجعات عند دكتور الاطفال عشان يطمئن على وضعها اكثر وتحاليل والوراثة قالوا بعد اسبوعين واذا فيه شيء نتصل عليكم ..
ملابس البيبي انصحك خذي معاك اكثر من غيار خصوصاً الروب والفانيلة الداخلية انا طفشتهم اذا جابوها غيرت لبسها واحط لهم لبسهم على جنب لان من زين لبسهم كله قطعة قماش خفيفه تشبه مناديل الاطفال وكافولة لون وردي مغسلينها 100 مرة وغير كذا كل شوي يروشونها ويجبوها تنتفض من البرد والغرفة باردة انا البسه لبس دافئ والفه بالبطانية اللي اخذته لها واذا كانت عندك في الغرفة مايغيروا ملابسهم بس اذا اخذوها الحضانه يغيروا لها وانا بنتي كانت عندهم في الحضانة بس يجبوها ارضعها ويأخذونها عشان يعملوا لها تحاليل كل ست ساعات بسبب نقص الموية  ووقت ماخرجت كنت اخذت لها لبسه كاملة ولبستها هي يوم طلعت من المستشفى ..
المستشفى حلو وتعاملهم كان رائع خصوصاً معايا في وضعي لان رحت طوارئ على اساس تخطيط وانا قبلها عملت سونار والمويه ناقصة بس مو كثير وقلت لهم وعالطول عملوا لي سونار ثاني وشافوا ان المويه نقصت بزيادة استدعوا لي الاستشارية خديجة وهي اللي ولدتني الله يسعدها ومن غير الاتصالات على دكاترة  يسئلوا عن حل في مثل حالتي لان زوجي كان معهم وانا عالطول دخلوني ولادة وحطوا لي الطلق الصناعي وجهاز التخطيط عشان يشوفوا نبض الجنين والحمدلله ولدت من غير مايعملوا لي عملية لانهم قالوا لو مافتح الرحم وقل نبض الجنين تتدخلي عملية لكن الحمدلله ربي سهلها وولدت طبيعي 

amoonah .. جزاك الله خير ع التوضيح ، بس غريبة انه تأمينك ما شاء الله يشمل يومين و غرفة خاصة ، انا كنت اولد في بخش مكة ادفع الفرق عشان آخد غرفة خاصة ، امكن من تأمين لتأمين يختلف ؟؟ عموما ريحتي قلبي زيادة الله يعطيكي العافية و يفرحك ببنوتتك و يخلي لك هيا يا رب ..

امونة حمدالله على سلامتك بس ابغى اسألك

يعني انتي من الاساس تتابعي عند دكتورة خديجة

والا مع وحدة تانية وهية اللي ولدتك

لاني اللي عرفته ان المناوبة هية اللي تولد

افيدينا الله يخليكي بسبب هالموضوع غامرت ورحت تابعت بفقيه عند نورما علشان اضمن تواجدها وقت الولادة معي