السلام عليكم
أختي أنا حابه أفيدك باللي بعرفه ... سمعت من زوجي عن أصحاب إله قدمو لجوء و كانو كتير يتغلبو و ما بقدرو يرجعو بلدهم وبصيرو يلتقوا مع أهلهم بدوله تانيه يعني صديقه هون في برطانيا و زوجته و إبنه بمصر فكانو يلتقوا بالسودان ، و واحد تاني عراقي كان تارك أولاده بالاردن و ما صدقو على الله متى يلتقوا الحمد لله إلي جمعهم ... فلا تحسبيها إشي سهل أبدا إنه يكون بعيد كل هالفتره عنكم
زواجه من إنجليزيه أو وحده معها جوازإنجليزي لا سمح الله ما رح يساعده على المدى القريب... لانه من تاريخ عقد الزواج بعطوه إقامه زوج لمده ٢-٣ سنوات و إذا إنفصل قبلهم بسفروه لأنه إقامته مرتبطه بزواجه .. أكيد بهاي الفتره ما رح يقدر يجيبكم لأنه ممنوع التعدد و هوه عند الهوم أوفيس متزوج فبأي صفه بده يجبكم
بعد هاي الفتره بعطوه إقامه دائمه لمده سنه و إذا إستمر الزواج كمان بعطوه الجواز السنه إلي بعدها وتقريبا بين فتره الإقامه والجواز ممكن يقلهم إنه إنفصل و هيك بقدر يجيب من أهله لو أثبت إنه بقدر يصرف عليهم من غير معونات الدوله
هاي المعلومات إلي عندي و إجمالا همه كتيرتشددو بهاي المواضيع من كم سنه لأنه الدوله مفلسه .... أصلا العرب إلي بصرفو على الدوله هون من الشوبنق و العلاج بالمستشفيات الخاصه ولا البريطانيين نصهم مفلسين هههههههه الله يديم النعمه
فكري كتير و استخيري كتير . لو كان رايح يدرس أو يشتغل يعني فيه شي واضح تصبري فتره محدده يحضرلكم بيت على ما أنتم جايين كان ممكن أشجعك.. بالنسبه إلي ما فيه إشي بستاهل تنحرمي إنتي و أولادك و زوجك من بعض ولا تتركو المضمون عشان الاحتمالات
الله يكتبلكم الخير
زوجي بيرجع يسافر مره ثانيه وبيغيب سنه عنا
متابعة النقاش، صفحة 3