نشميات الرياض .ما ادل شي بالرياض.وهي مو راضيه اتعلم احد !!

السلام عليكم
***** الله انا بروح الرياض ودي اشتري ملابس من هناك الل اعرفه ان الملابس هناك ارخص من عندنا بكثير ..
عندنا وحده من جما عتنا كانت تجيب ملابس بالجمله للأطفال ونوعيه جيده واتبيع القطعه على 10و20
اتعبي لها شنطتين كبار وتجي اتبيعهم عندنا واضح انهم استكات لكنهم حلوين للأطفال.. والحين بطلت اتجيب .. ومن زود النحاسه تقول الرياض كبيره دورو وبتلقون .ليه اعلمكم وبعدين تجيبون وتبيعون (المشكله انها ما عادت تجيب )
بالله عليكم ابي محلات بهالأسعار وجوده زينه .. وين القى .. في اي سوق؟
بقضي للصيفيه من هناك ...
اسواق الجمله الزينه وين ؟ وممكن يبيعون امفرق ؟
طلبتكم لا اتردوني ..والله لا ادعي لكم في كل صلاه
انتظركم .....

20 تعليق 2,033 مشاهدة

شاركي في النقاش

سجلي الدخول لإضافة تعليق.

التعليقات

17
  1. @hlaoynat

    بالجملة ماعندي علم
    بس عندك الهرم حليو لصغار
    وستي ماكس حلو جوده وسعر مناسب وبعد رد تاغ نفس الشي سنتر بوينت اغلى منهم شوي بس حلو وشيك وجوده
    طبعا مفرق بس جمله مدري
  2. @ynsoon

    اللي يبوعون بالجمله ويتاجرون فيها
    الظاهر والله اعلم ياخذونها من البطحاء تحصلين الملابس بخمس ريال وعشر ريال
    وان شاء الله البنات يفيدونك
  3. @am_aabdallh_113

    وعليكم السلام

    سألت وحده قبل ان اجاوبك واخبرتني بأنه يوجد بالرياض مكان للجمله

    اسمه المرقب وهو عباره عن شوارع كل شارع متخصص بشئ معين

    والمرقب قريب من البطحاء
  4. @tloaa_alfrakt

    حبيبتي شوفي عندك عماير التعمير تبيع ماركه ورخيص
    هي قريبه من السويلم ومقابل المعيقليه
    عندك المجد فيه ماركه ومجربتهم روعه
    الرياض مول هذولي شرق الرياض
    والتخفيضات اذا مازالت موجوده لحقي عليها ٧٠بالميه
    المولات الكبيره
    شوفي سنتر بوينت وستي ماكس
    هذالي اذكره فيه محلات بس مفرقه كثير انتي ابحثي بالنت احسن لك توفرين عليك الوقت والمشوره
    موفقه حبيبتي وربي يكفينا واياك الحسود والنحس

تابعي تجارب أخرى من هذا القسم.