مشكلتي في الكورس ما اعرف احد
مراحب انا كنت ادرس دوره وبعدين ريحت في البيت وبعدين رجعت ادرس بتقولون وين المشكله المشكله ان الطالبات الي معي في الكورس ما اعرف منهم احد وهم ماشاءىالله يعرفون بعض لانهم كانو مع بعض من العام لانهم درسو مع بعض الكورس السابق فصرت انا الغريبه بينهم انا صدق هدفي من دخول المركز هو ان اتعلم واخذ شهاده واطور نفسي بس اتضايق ادخل المركز والكلاس ولا احد يكلمني ولا اكلم احد اشوف كل ثنتين مع بعض ويسولفون سوالف خاصه واذا خلص الدرس وخرجنا من الفصل اشوف البنات يروحون للكفتيريا ويضحكون والي واقفه مع صديقاتها وانا امشي وحدي واجلس لوحدي اذكر يوم الاربعاء قلت خليني ادخل الكلاس بدري عشان اكسر الحاجز فجلست بجانب وحده وبدات الحديث معها عن الكورس الماضي وابتسمت وجاوبتني جواب رسمي طبعاً وما امدانا نتكلم كلمتين على بعض الا دخلت صديقتها وجلست بجانبها ومسكو سير في الحديث وانا اتفرج على جميع البنات في الفصل كل ثنتين مع بعض وحسيت في احراج ما صدقت ان الستاذه تدخل انا كنت في الكورس السابق عندي صديقات وسوالف وضحك ووناسه عكس الان انا من النوع الاجتماعي ما احب اروح لمكان وما اكلم احد الروح تبي الارواح