مكياج وتسريحة في جدة؟

السلام عليكم
عندما مناسبة زواج وأبغى أعمل مكياج خفيف.
فين في جدة (بالتحديد الصفا أو قريب منه) صالون يعمل مكياج خفيف أهم شي عندي العيوب والسواد تحت العين تخفيهم كويس وكأنه صافي لأن بشرتي مرهقة ودهنية.
مرة رحت عند وحدة ووجهي طلع رمادي (قلت يمكن علشان أساسهم رخيص) وكمان مو نفس اللي طلبته.
كمان أبغى أعمل شعري ويفي تكسير
أسعارهم كويسة ومافي زحمة

17 تعليق 5,520 مشاهدة

شاركي في النقاش

سجلي الدخول لإضافة تعليق.

التعليقات

15
  1. @bnt_alhnyty

    اختي اذا تبغين تتفادين مشكلة الأساس الأبيض اللي زي الطباشير اشرطي عليها بعدم وضع اساس ابيض من درجة بشرتك والأفضل انك تشيلين اساسك معاك خصوصا في الصوالين الصغيرة وغير المعروفة 

    يوجد صالون سهير الفرع اللي خلف ايكيا اسعارهم رخيصة خمسين مكياج خمسين تسريحة اروح لهم في المناسبات البعيدة
    شعر استشوار اسويه عند امل وسشوارها روعه 
    وتساريح ماجربت بس على حسب طلبك والافضل اذا معاك صورة من النت مثلا وتورينها من الجوال عشان كل شي يكون واضح 

    ومكياج ما اسوي الا عند مونيا مغربية مكياجها روعة بس اشرط عليها مكياج ناعم ورايق او متوسط الثقيل ابعدي عنه
    واشرط ان الاساس يكون نفس لون بشرتي 

    وعندك منيرة كمان شغلها حلو 
    بسسس اكرر سهير على حسب طلب الوحدة يعني صراحة على قد مارحت لهم يزبطوني مع العلم اني اتفاجأ من بعض الحريم هناك مكياج اثقل انواع الثقيل 
  2. صاحبة الموضوع
    بنت الحنيطي
    اختي اذا تبغين تتفادين مشكلة الأساس الأبيض اللي زي الطباشير اشرطي عليها بعدم وضع اساس ابيض من درجة بشرتك والأفضل انك تشيلين اساسك معاك خصوصا في الصوالين الصغيرة وغير المعروفة  يوجد صالون سهير الفرع اللي خلف ايكيا اسعارهم رخيصة خمسين مكياج…
    أنا ما أستخدم أساس فما أعرف ايش المناسب ولو أعرف كان جبت كله بجودة كويسة.
    سويت بحث عن الصالون لقيت انه زحمة مرة،،هل مازال إلى الان حتى أيام المدارس؟
    ومرة شكرا على ردك
  3. صاحبة الموضوع
    سارة الزهرة
    أنا ما أستخدم أساس فما أعرف ايش المناسب ولو أعرف كان جبت كله بجودة كويسة. سويت بحث عن الصالون لقيت انه زحمة مرة،،هل مازال إلى الان حتى أيام المدارس؟ ومرة شكرا على ردك
    اللي اعرفه انه مرررة زحمة وغالي شوية


    أعتقد هذا في المرجان مررة بعيد

    أحد يعرف روزانا؟ اليوم عديت من جنبه الصباح بس مدري كيف مستواهم ولا أسعارهم.

تابعي تجارب أخرى من هذا القسم.