صباحكم ورد وجوري
بنات من امس ودمعتي مانشفت يالله قد ايش الدنيا مافيها خير وكل معروفك يطير بغمضه عين
انا يابنات متزوجه لي اريع سنين مع طفله وحامل وجلست عند اهلي اسبوعين بسبب ظروف الوالده
الصحيه الله يشفيها
وكنت اراقب زوجي ببرامج تخبرني عن المكالمات وزي كذا
واكتشفت انه في هالفتره يكلم حرمه يالله بالساعات تخيلو والمسجات حدث ولا حرج
يابنات ارسل صباح الخير يطنشني وهي في الدقيقه الوحده خمس ست رسايل اااااااااه بس
المهم رحت بيتي ونظفته وسويت له ذاك العشا الي يجيب العافيه ولما روق فاتحته بالموضوع
غير السالفه كلها قال يعني تجسسين علي قلت ناقشني في هالحرمه وببعدين عاقبني بالي تبي على تجسسي
بس ريحني انت متزوج ولا ماشي في الحرام
وعلى فكره تراني كلمت هالحرمه ولعنت والديها يوم قلت هالكلمه قال على تبن
امسي على تبن قومي برى اطلعي من البيت وورقتك بتجيك
ولاتكملين كلام ولا بتوطى ببطنك
ورتبت اغراضي وانا مكسوره انطردت طرده كلب ولا فهمت وش هالحرمه
ثم قال لي الله لايوفقني لادنيا ولا اخره ان كنت اغازل وانتي ماني بداعي عليك يالضالمه
قلت ان كنت ماني ضالمه دق على هالحرمه قدامي قال من انتي عشان ادق قدامك
والله ما ادق عليها الا قدام ابوك واخوك
يالله اركبي ونزلني عند اهلي
وقال اذا ماتبين بنتي هاتيها ورفضت
وهذاني في البيت اندب حضي وحالتي حاله
بالله وش السواه اللحين
قلبي انفطر ودموعي نشفت وعقلي مشوش
معقوله يرميني رميه الكلب عشان هالحرمه
المشكله انه هاجرني قي الفراش من سنه تقريبا ومنطمه وماقلت شي
يجي يزودها بالطرده
بنات حواء انا احاول اني اساعدكم في حزنكم فلا تخلوني لاني وضعي صعب واحتاج حلول وكلمتين تقوي عزيمتي
بالنسبه للي يسالون كيف هاجرني وحامل
يابنات والله لي سنه هاجرني ماجاني خلال هالسنه الا مرتين وربي كتب هالحمل انا الحين في السابع والله ماعرفته غير هالمرتين
والله اني صادقه يابنات وتعبانه ومشاكي للربي والمشكله بدت بعد ماجبت بنتي الاولى
شاركي في النقاش
سجلي الدخول لإضافة تعليق.
التعليقات
128- لاحول ولاقوة الابالله
حسبنا الله ونعم الوكيل
انه الله يمهل ولايهمل
حبيبتي بكيت عليكي كتير وربي حاسه بك هدي نفسك وماحد بيحل مشكلتك غير ربك ادعيه واستغفريه واقرئي قران
اهله لوفيهم خير تفاهمي معهم بهدوء
او كلمي اهلك ولاتنذلي له
واسمحيلي انتي غلطتي لمن قلتي له انك تجسستي عليه الرجال مايحب الحرمه تجسس عليه ربي يهديكي ويردكم لبعض
وهو حرام عليه ينسى العشره
ولازم العدل بالاتنين مو يحب وحده ويظلم التانيه
يارب ردهم لبعض ويرجعون احلا من الاول - مدري ايش نوع المساعده اللي تنتظرينها
انتي الان في بيت ابوك
روحي له وقولي له اللي كتبتيه هنا
و خليه هو اللي يسوي المفروض
و تراك منتي غلطانه يوم راقبتيه من حقك تعرفين ايش ورا الرجال ذا
اجل سنه وانتي و الكرسي واحد - الله يكون في عونك بس مو بهالطريقة كان تعاملتي مع الموقف بهدوء او استشرتي احد قبل ماتفاتحيه بالموضوع
والله ييسر لك اللي فيه الخير - معليش يا اختي
ما احب احرش ابددددااا
بس بقول كلمه الحق
واحد متزوجك ع سنه الله و رسوله
وهاجرك انتي حلاله سنه كامله
وانتي عشانك ساكته حصل لك كل هذا
الرجال مايحب الي تتنازل عن حقوقها وانتي اتنزلتي عن اكبر حق لكي ..
ماعليكي منه ربي بيعوضك
يحمد ربه وحده صابره ع بروده ...
والمفروض انك تعرفين وش سبب البرود
ممكن يكون متزوج وكافيته وحده
وانتي ساكته وكانه شي عاااااادي ..
وبسئلك ليه تراقبينه وش شفتي عليه
وبخصوص مصارحتك ماكان فيها شي بالعكس رتبتي لها بصوره جميله
بس هو عشانها غلطان طار فيك - لاحول ولا قوة إلا بالله
الله يكون بعونك يارب
ويسخر لك زوجك ويهديه
مواضيع مشابهة
تابعي تجارب أخرى من هذا القسم.