تعالوا واسوني يابنات حواء طردني من بيتي عشان بنت الهوى

الصراحه ياعمري بتكون قويه بس انتي خليك اقوى

يااختي هذا لو يبغاك ماكان سوو كذا والدليل الفتره الي جلستي فيها ساكتها واول ماتكلمتي قام طردك كأنه ينتظر منك تفاتحينه عشان يسوي مشكله ويطلعك غلطانه واسلوب انه اول ماتكلمتي قام يسب ويتطاول عليك يبغى يحسسك انك ظلمتيه عشان ترجعين تترجينه بس لا والف لا خليك واثقه من نفسك وخليه ربي حسيبه الله يمهل ولا يهمل

الله يكون في عونك وينصرك

واضح من تصرف زوجك بعد ما واجهتيه انه غلطان وغلطه كبيرة ولانه تفشل مرة فكان رده مايوازي كلامك بل زاد عنه حتى يحسسك انك انتي الغلطانه وانك ظلمتيه

لو كان متزوج عليك لا يمكن يهجرك ابدا
لان الحلال متساوي بينكم
واتحداه يجي يكلم اي حرمه قدام ابوك واخوك
هذيي كذبه ماتترقع

الشي الوحيد اللي يخلي الزوج يهجر زوجته هو الحرام
وحتى لو تزوج ثانية وهجرك هذا حرام
اذا مكفيتك الثانية خل الاولى تشوف رزقها

المهم يا اختي لا يضيق صدرك ولا تندمين على اللي صار هذا كاتبه ربي وحصل خلاص ماعاد ينفع الكلام فيه
ويمكن يكون فيه خيرة لزوجك وانتي ما تدرين
وصدقيني لو اي وحده مكانك وقدرت تسوي مثلك والله تسويه واكثر لان الحرمه ما ترتاح اذا شكت في زوجها لما تتأكد ياكذا ياكذا

الان اسالك هل زوجك رجل متدين ومحافظ على صلاته ويخاف رب العالمين
اذا هو كذا فاحرصي عليه واذا اراد الصلح لا تتشددين وارجعي بكرامتك

واذا انه رجال خاين وراعي علاقات محرمه ففرقاه نصر من رب العالمين
يقول تعالى (الطيبات للطيبين ويقول الخبيثات للخبيثين
فأي هؤلاء هو زوجك
اذا انتي امرأه نظيفه وحافظه للغيب فالرجل الخبيث لا يستاهلك ابدا ولا يستاهل دمعه من عيونك

والرجل لا يمكن يتزوج امرأة فاجرة خاينه لربها واهلها هو اول من يحتقرها حتى لو قال لها كل ساعه انااحبك ولا اتخلى عنك
كذاب وسبعين كذاب ولا يمكن يغامر بحياته مع فاجرة وعاهر

ولو كانت زوجته بالسر لا يمكن يكلمها بالساعات ويرسل لها بالدقايق
التصرفات هذي ما تجي الا مع الخيانه والعياذ بالله
لان الشيطان يجملها بعينه ويجعله يستزيد من الذنوب والمعاصي
اما اذا تزوجها خلاص يروح ابليس ويخليهم لبعض يدبرون حياتهم بنفسهم بل يدخل بينهم بالافساد لان هذي وظيفته

لا تحزنين على ما اصابك وثقي انه خيرة من رب العالمين لك وله

ولا تكلمينه ولا تراسلينه
بل انتظري فترة اذا ما ارسل ورقتك خلي اخوك يكلمه ويشوف وش عنده

اذا انت رجال وتبي حرمتك تجي تاخذها
واذا انت مو كفوها طلقها وخلها تشوف حياتها

والرسايل اللي عندك احتفظي بها يمكن تحتاجينهافي يوم من الايام وما تدرين عن كذب الرجال وحيالاته


واوصيك بالدعاء واللجوء الى الله انه يكون في عونك ويساعدك
ولا تنسي حديث( لا يزال عبدي يتقرب الي بالنوافل حتى احبه فاذا احببته كنت بصره الذي يبصر به وكنت سمعه الذي يسمع به ....ولئن سألني لاعطينه ولئن استعاذني لاعيذنه)

الله يعينك ويربط على قلبك

طيب ي ختي كلمي احد بهالموضوع يمكن تلقي احد يسسساعدك وارجعي له وتوددي له واصبري والله بكره راح يعرف قيمتك بصبرك ويمكن اذا ولدتي راح يحن ويرجع لك من يدري

برايي حتى لو تجسستي ..

مو يجي قد غلطته يوم يكلم حرمة من وراك

ويوم يهجرك

ويوم يطردك ويبي يطلقك !!

غلط عن غلط يفرق !!

يا كره البنات لا ركزو بغلط البنت ويتعامون عن غلط الرجال !!

مدري وش تبين بالضبط ؟ هل تبين طريقة تخليه يندم ؟

ومفكرة ترجعين له بعد الي سواه فيك ؟ شخصيا ما عندي

طرق .. لكن الي اعرفه انك لو رجعتي له بدون ما يحس بخطاه

بتعيشين حياتك معه بدون كرامة ..

وجع يوجع وسيعين الوجه ..