ياعالم وبعدين مع قلة الادب الي تصير عندالكاشير كل مره

والله معك حق ..

انا اذكر من شهر ونص تقريبا كنت بالايكيا ..وكنت حامل بشهري التاسع وبطني اطول مني وتعبااااانة موووت وحااسة بدوووخه خفيفه<<وكنت ندمانة اني طلعت من البيت من كتر التعب وما اشتريت الا رف للتليفزيووون وبس
ولقيت الكاشييرااات كلها مليانة لانو بعد الصلاة تلقين الناس كتييييرة ..

رحت لاقل كاشير فيه ناس ووقفت وفجأه حسيت الدوخة عندي بدت تزيد ..وما قدامي الا اتنين ..استأذنت من الشاب الي قدااامي وقلت له ممكن احاسب لاني تعبت من الوقفه ..قالي اسسف انا واقف من اول ..والمشكله معااااه اغراااض بسلتين ..والله مرررة انقهرت وسبت الطابور وخرجت لاني كنت تعبانة مووووت ..واكييد انه لو مشااني ما كان حيحصل شي لانو بس رف معايا وهوا شااايفني حامل ومو قادرة اتكلم حتى ..

والله دموووعي نزلت من التعب وقلة الزوووق بنفس الوقت .. بعض الاحياان تكوني متطرة للدفع بسرعه ..بس برضوو الاستأذان ضروري

اللي ذكرتييه مقد مر علي لكن شفت مرة حرمة ولدها فتح له لوزين وخذتها من يده ورجعتها الرف وهو مفتوح
هذاك الريال بيقعد في ذمتها ليوم الدين

وين الخوف من الله يا امة محمد

يووووو الله يعين على الهمج
مره ولدي كان مسخن ورحت لمستوصف لدكتور اطفال وكان مليااااااااان سالت قبل لافتح ملف اذا فتحت ملف متى يجي دوري قالو بعد 5 ساعات طبعا ولدي تعبان مرره ماقدر اصبر هالساعات رحت لمستشفى حكومي وأعطاني الرقم وانتظرت طابور برمضان وصايمين دخلت وحده وانا بعدها وقفت عند الباب انا وأخوي قلت لاخوي بعد عن الباب عشان الحرمه اذا تبي تطلع ماتحك فيها شوي تجي وحده معاها ولدها بكل قلت حيا وأدب وذوق توقف عند باب الدكتور وطلعت المريضة اللي دخلت قبلي شوي تجي ذي مدرعمه داخله والله ما اكذب عليكم قلت لها انتي شايفه اني صافه طابور ليش تعديتي ودخلتي
قامت قالت كولي تبن ومالك شغل انقلعي ويادكتور هاذي كذابه انا من زمان واقفة ههههههههههههه شر البليه مايضحك الدكتور هندي قال لها انتي مدام مافي كويس يالله اطلعي بره ماهو دورك قلت له لا خلاص خليها وانا بطلع
وطلعت وأخوي معصب مررره يبي يرد عليها قلت ولا تكلمها هاذي فاصخه الحياء مره وحده
تدرون لما طلعت ايش قالت لي قالت كولي ززز...... وأحسن دخلت قبلك
قربت فمي من أذنها وقلت لها جعل ولدك ما يشوف العافيه
بعدين ندمت وقعدت استغفر الولد ماله ذنب بأم همجيه مثلها

انا اشوف انها عادي وماقد لاحظت شيء زي كذا ؟

دائما انا ببنده ، يلا عالعموم تهون