عندي موضوع زواج اخوي ابي استشارتكم

اشكر كل من رد على موضوعي
والاخت اللي تقول ليه اخذتو من بعيد
اهل العروس اقاربنا حفيده بنت عم ابوي الواقف يعني مو ناس غريبين

واحنا عاداتنا كذا اذا اخذ الرجال من غير ديرته اهل الزوجه اللي يقومون بالعرس مع العلم ان ابو المعرس
دافع التكاليف كلها

وخالها ذا النشبه قايل لاخوي مافي ملكه الا قبل العرس بيوم
حاشر نفسه في كل شي

وتدرون ليش دفعنا 100 الف لهم ابوي وابوها يتفاهمون على العرس الا خالها ذا النشبه يدق صدره ويقول لابوي
لاتشيل هم العرس انا اللي ابقوم به واشرف عليه
وبناء على كلامه ارسل ابوي المهر لابوها

أنتم اتصلو بأبوها أو بأمها واتناقشو بالأمر وبتتضح لكم الأمور
الظاهر الخال مايعرف في هالأمور وجالس يجمع ويطرح وكم يكلف السكر وكم يكلف الشاهي

أنتم تاكدو بطريقة غير مباشرة هو سلمهم المهر كامل أولا
هو ماهو اتهام له أو شك فيه ولكن قد يكون جزأه للمصاريف
هذا إذا أنتم سلمتوه المهر يوصله لهم
وخلكم واضحين من البداية إذا ماتقدرون على الطلبات وأذكروا لهم اللي ذكرتيه بردودك
كم نويتو في البداية تدفعون وليش زدتو المبلغ
والله يتمم لكم على خير