يوم حزين مر علينا بالجبيل الصناعيه .. طيور بالجنه بأذن الله

يوم حزين مر على سكان الجبيل الصناعيه
الاغلبيه سمع بحادث باص مدارس الحصان بالجبيل ..
حادث بشع صعب حتى اوصفه لكم ..
اخوي يقول اطفال تقطعوا بهالحادث لدرجة حتى اهاليهم ماقدرو يتعرفون عليهم
والمتسبب بالحادث سبحان الله ماجاه شي
ولدي بمدارس الحصان . من شاف صورة الباص وهو في حالة خوف وهلع وحزن ..
حاولت اهديه واقوله انهم طيور بالجنه بأذن الله .. لكن للاسف يقول شلون بركب الباص يوم السبت !
يسئلني ليش تبكين!؟ ماقدرت ارد عليه من الهم اللي انا فيه .
لاني اتخيل امهاتهم ينتظرونهم الظهر .. قلب الأم اااااااااه يارب رحمتك

بنتي تعبت بالليل وديتها لمستشفى المانع.. لقيت بلايزهم وجزمهم عند الباب ملطخه بالدم .. اقسم بالله زاد هالمنظر من حزني .
الدكتور المناوب يقول كان منظر صعب ومؤلم .. حتى الدكتور كان في حاله مايعلمها الا الله ..

ياربي ارحمهم وان شاءالله شفعاء لوالديهم .. الله يصبر قلوب اهاليهم ..

اخواتي الغاليات . كتبت هالكلام ابيكم تستودعون الله ابنائكم كل صباح .. وابيكم تدعون لأمهات هالاطفال ..
ان ربي يهون عليهم مصابهم ..

لاحول ولاقوة الابالله .