الموقف الي صارلنا في الطايف أحذرو منهم

1 مارس 2013

السلام عليكم ورحمة الله وبركاته
بقولكم السالفة بدون مقدمات
انا وزوجي في الإجازة رحنا الطايف
ودخلنا حديقة الحيوانات
اول ما دخلنا مع الباب جانا واحد مصري عند الباب ويقولنا فيه مسابقه وجوائز قيمه
حنا تونا ماشفنا لا حيوانات ولا شي وقلنا يالله بنشوف المسابقه وش فيها
المهم رحنا ولقينا رجال مصري داخل غرفه وفاتح شباك وانا وزوجي نكلمه مع الشباك
والمصري عنده في الغرفه دولاب فيه تقريبا عشرين صندوق
وجابلنا عشرين مفتاح تقريبا حقت الصناديق
وقالنا الصناديق فيها جوائز وفيه جائزه من الجوائز عشره الاف
بعدين قالنا اول مفتاح ب خمسين ريال
وزوجي دفع خمسين ونختار المفتاح
ويفتح الصندوق قالنا الجائزه الي في الصندوق بسيطه اعتقد شموع
تخيلو وحنا دفعنا خمسين
بعدين قال لزوجي اختار مفتاح ثاني بميه ريال
وزوجي قال خلاص بفتح بس بالصرافه الفلوس نجيبها بعدين
قال طيب
المهم ونفتح مفاتيح كثيره تخيلو المفتاح بميه بعدين بمتين وبعدين وصلت ل 500 ريال
وكل مافتحنا صندوق قالنا للاسف الهديه بسيطه
تخيلو تدرون العشره الاف طلعت وين؟؟
في اخر صندوق الي حنا مافتحنا
الصناديق يابنات كلهاىفتحناها وتطلع هدايا بالمره بسيطه
واخر شي قالنا للاسف الصندوق الوحيد الاخير هو الي فيه عشره الاف
وانتو عليكم الحين 1300
وعطونا جائزه الطحانه القديمه الي ماتصل قيمتها 200
وزوجي قال بنروح نسحب الفلوس ونجيكم
والمصري قال لازم نرسل مندوب معك وزوجي رفض عشاني معه
وزوجي قاله خل الهدايا عندك ونجيب الفلوس وناخذ الهدايا
المهم طلعنا من الحديقه وحنا ماشفنا فيها ولا شي
وزوجي قال يالله بنركب السياره وعلى الشفاء نتقهوى هناك
هو نصب علينا حتى حنا ننصب عليه
بس يا بنات زوجي يقولي انا مابي شي حرام بس حنا وش يدرينا ان داخل الصندوق الواحد فيه ورقتين ورقه هديه بسيطه والورقه الثانيه عشره الاف
عشان اخر صندوق الي مانفتحه يطلع الورقه الي فيها عشره الاف
عشان الصناديق داخل الغرفه عنده وحنا برى عند الشباك
مانشوف
وكمان احنا دفعنا خمسين في البدايه وجوائزهم ماخذنا منها شي

اول شي بقولكم احذرو منهم نصابين تراهم
وبعدين بسالكم علينا ذنب
زوجي سال بعض الناس وقالوله انه نصاب وانت ماخذت جوائزهم ان شاءالله ماعليك شي
و

الموقف الي صارلنا في الطايف أحذرو منهم

التعليقات

بعض المواقف

أهمية الموقع في نجاح أي مشروع عقار

شرايكم باللي تتدخل بلبس العالم فالزاواجات تحديدأ لانه صارلي موقف

تحذير لإدارة الموقع

بعض المواقف..